II Samuel 13:28 - Sră Goh 2018

²⁸ Gen Apsalôm ai jơnau sồr ală cau duh broă khai dê lah: “Iat tĕ do! Tòm tŭ nùs Amnôn dê hòn chò bơh ñô tơrnòm, mơ tŭ añ sồr bol mê: ‘Tơnchơt tĕ Amnôn,’ gen tơnchơt tĕ khai. Bañ rngòt! Ò di să tòm añ neh ai bol mê in jơnau sồr do ò ơ? Lơh tĕ pràn kơldang mơ khin cha.”

II Samuel 13:28 ပူးပေါင်းရင်းမြစ်များ

Sơnròp Gơlik Gơs 9:21

Khai ñô tơrnòm ño bơñul, gen ơm kuh lòi rồ tòm sal khai.

II Samuel 11:13

Dabit jà khai ñô sa mơ lơh khai in bơñul. Mơya tòm trồ mang Uria lik lòt bic hơđang cơnòng khai dê bal mơ ală cau duh broă cau tòm khai dê, mơ khai ò rê hìu khai dê.

II Samuel 11:15

Tòm sră hơ̆ Dabit cih lah: “Ơn tĕ Uria tòm tiah hơđap, di tiah sơbơng roh rlau jơh tòm tiah tòmlơh, lồc behơ̆ ruc wơl bơh di khai tồ khai kong cau lơh mơ chơt”

II Samuel 12:10

Gen tàng tŭ do, đào rơp ò tŭ lơi lik ngài bơh di hìu mê, tài bơh mê neh sền òsơp di Añ, neh kup bau ùr Uria cau Hetit lơh gơs bau ùr mê dê.’

II Samuel 13:27

Mơya Apsalôm jơh nùs dan tian gơs bơtau lòi Amnôn mơ jơh ală kòn klau bơtau dê lòt mơ Apsalôm. [Apsalôm yò sa be bơta yò sa cau bơtau dê.]

II Samuel 14:6

Cau duh broă bơtau dê, gơs bàr nă kòn klau, bol khai neh tòmlơh bal tòm ƀlàng sre, mơ ò gơs cau lơi tềng hơ̆ nàng kơryan bol khai. Dô nă kòn do lơh kòn ne mơ tơnchơt khai.

I Ală Bơtau 20:16

Bol khai lik lòt tŭ trồ gùl ngai, tòm tŭ Benhadat ơm ñô bơñul tòm sàl bal mơ pe jơt bàr nă cau bơtau dong kòl khai.

Este 1:10

Tòm ngai dơ̆ poh, tòm tŭ bơtau neh hòn chò bơh tơrnòm, gen bơtau sồr Mehuman, Bistha, Harbôna, Biktha, Abaktha, Jethar mơ Karkas la poh nă cau kwang kriau la ală cau ơm di đap bơtau,

Đơs Crih 104:15

Mơ tơrnòm ño lơh nùs kòn mơnus in hòn chò, ai mơñà lơh muh mat hàng mơnĕ, Mơ gơs piang lă nàng bơtơl pràn kơldang kòn mơnus in.

Lik Ejiptơ 1:18

Gen bơtau Ejiptơ sồr hòi ală cau ùr đơng deh tus mơ lùp lah: “Ñchi bơh tài bol ai neh lơh behơ̆ taih? Ñchi bơh tài lòi ală kòn klau in kis taih?”

Cau Bơto 10:19

Cau yò sào dờng nàng ñŏ; alak tơrnòm lơh rài kis in chò hòp; gơs jền priă gen geh ală bơta pal càng.

Cau Bơto 9:7

Lòt tĕ sa ƀañ mê dê dô bă hòn chò, mơ ñô tơrnòm dô bă hừh nùs; bơh Yàng Tom Trồ dòp ală broă lơh mê dê neh jŏ jòng rau.

Daniel 5:30

Tòm mang hơ̆, bơtau Babilôn la Belsassar kòl tơnchơt.

Nahum 1:10

Bol khai be cau gơkòl digùl lò mơ be cau bơñul ñô tơrnòm; bol khai kong chu pơrguc kung be rhe ro.

Luka 21:34

Behơ̆ bol mê kơrmap gàr tĕ să he, rngòt bơta ñô sa oă ir, bơta bơñul lơmbè mơ bơta kơlôi rcang rài do dê lơh giga nùs bol mê dê, mơ ngai hơ̆ tus nisơna hơđang bol mê be tras jàl mòn;

Broă 5:29

Pier bal mơ ală cau gơnoar bơto dờng ho wơl lah: “Chan bol hi pal lơh jat jơnau Yàng Tom Trồ dê rlau mơ lơh jat jơnau cau dê.

Jôsue 1:9

Añ do neh ai jơnau gơnoar sồr mê in: Lơh tĕ pràn kơldang mơ khin cha. Bañ rơm să rngòt; bañ rngòt rngơt, bơh Jehôwa Yàng Tom Trồ mê dê rơp ơm bal mơ mê tiah lơi mê lòt.”

Ală Kwang Cahrña 19:22

Tòm tŭ bol khai gơs bơta chò hòp bal, gen gơs ală cau klau iơh bơsak tòm ƀòn dờng tus gơrwàng gùt dar hìu. Bol khai tur di mpồng mơ đơs dờng mơ ồng kra cau tòm hìu lah: “Cèng tơlik tĕ cau klau neh mut tòm hìu mê dê nàng bol hi bic mơ khai.”

Ală Kwang Cahrña 19:6

Behơ̆ bàr nă bol khai nggui ñô sa bal; gen bèp cau ùr hơ̆ đơs lah: “Dan ơm wơl tĕ tòm mang do mơ lơh tĕ chò hòp să tòm mê in.”

Ală Kwang Cahrña 19:9

Gen tòm tŭ cau Lebi bal mơ bau cồng mơ cau duh broă khai dê ñă ntào nàng lòt, gen po bèp khai dê, hơ̆ la bèp cau ùr hơ̆ dê, đơs mơ khai lah: “Sền ne, trồ neh mho rau. Dan ơm wơl mang do; trồ ngai neh mòr jơh. Ơm wơl mơ lơh nùs mê geh hòn chò. Rìng àng drim hìng bol mê guh gòñ nàng lòt gùng rê hìu.”

Rutơ 3:7

Tòm tŭ Bôô neh sir sa mơ hùc rau, mơ gơs nùs chò hòp, khai lòt bic di jơng ƀut kòi. Rutơ tus òm mơ pò ồi tơ̆ di jơng Bôô mơ bic tềng hơ̆.

I Samuel 18:22

Gen Sol ai jơnau sồr ală cau duh broă khai dê lah: “Đơs is tĕ mơ Dabit mơ lah: ‘Sền ne, cau bơtau niam nùs di mê, mơ jơh ală cau duh broă cau bơtau dê kung kòñ mê. Behơ̆ lơh gơs tĕ bơrtơu cau bơtau dê.’”

I Samuel 28:10

Sol srat să mơ khai ai sơnđan Yàng Jehôwa mơ lah: “Di ngan kung be Yàng Jehôwa kis sùm, ai rơp ò kòl lơh glài bơh bơta hơ̆.”

I Samuel 28:13

Cau bơtau đơs mơ khai lah: “Bañ rngòt, ñchi ai gŏ taih?” Cau ùr đơs lah: “Añ gŏ dô nơm hwềng guh bơh ù.”