II Samuel 13:25 - Sră Goh 2018

²⁵ Bơtau ho lah: “Ò di, ơ kòn añ jê; jơh tơl nă bol hi ò tus; bol hi rơp lơh kơnjơ̆ rlau tai kòn in.” Bulah Apsalôm pơnđơl jà Dabit kung ò lòt, mơya ai lơngai Apsalôm in.

II Samuel 13:25 ပူးပေါင်းရင်းမြစ်များ

II Samuel 13:24

Apsalôm lòt tus hơ bơtau mơ đơs lah: “Cau duh broă bơtau dê gơs ală cau chài siat sơnò belàt tus lơh broă; dan jà bơtau bal mơ jơh ală cau kwang at bồ bơtau dê tus mơ cau duh broă bơtau dê.”

II Samuel 13:26

Gen Apsalôm đơs lah: “Dilah bơtau ò tus, dan ai gơnoar Amnôn bi añ tus mơ bol hi.” Bơtau lùp khai lah: “Ñchi bơh tài khai pal tus mơ kòn taih?”

II Samuel 14:22

Jôap tơmbic să blup mat tòm ù mơ khoai, mơ dan bơtau in geh lơngai. Jôap đơs lah: “Ngai do cau duh broă bơtau dê git lah khai neh geh bơta nđàc di đap bơtau la cau tòm añ jê tài bơh bơtau neh ai cau duh broă bơtau in bơta khai neh dan.”

Luka 14:23

Cau tòm sồr cau dĭ tai lah: ‘Lik tĕ tòm gùng me mơ đah rò pơnggàr, mơ bơklơn cau mut tồ geh bềng hìu añ jê.

Luka 24:29

mơya bol khai jà bơklơn Kơnràñ lah: “Dan ơm wơl mơ bol hi, bơh trồ neh mho, mòr mang rau.” Gen Kơnràñ mut ơm bal mơ bol khai.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Rutơ 2:4

Di di tŭ hơ̆, Bôô pa tus bơh Betlehem. Khai đơs mơ ală cau toès lah: “Dan Yàng Jehôwa ơm bal mơ oh mi!” Bol khai ho lah: “Dan Yàng Jehôwa ai lơngai ồng in!”