II Samuel 13:21 - Sră Goh 2018

²¹ Tòm tŭ bơtau Dabit neh kơno jơh ală bơta hơ̆, gen khai gơjrañ ngan, [mơya khai ò lơh glài kòn klau khai dê la Amnôn, tài bơh Dabit kòñ gơboh di Amnôn, bơh khai la kòn tơnhoa.]

II Samuel 13:21 ပူးပေါင်းရင်းမြစ်များ

Sơnròp Gơlik Gơs 34:7

Ală kòn klau Jakôp rê bơh tòm ƀlàng. Dơ̆ bol khai neh kơno bơh broă hơ̆ gen jê nùs mơ gơjrañ ngan, bơh broă iơh rmơh Sicem neh lơh cau Israel in, bic mơ kòn ơruh Jakôp dê la broă ò di lơh.

Sơnròp Gơlik Gơs 35:22

Tòm tŭ Israel ơm tòm lơgar hơ̆, gen Ruben lòt bic mơ Bilha, bau cồng bèp khai dê, mơ Israel git bơta hơ̆.

II Samuel 12:10

Gen tàng tŭ do, đào rơp ò tŭ lơi lik ngài bơh di hìu mê, tài bơh mê neh sền òsơp di Añ, neh kup bau ùr Uria cau Hetit lơh gơs bau ùr mê dê.’

II Samuel 12:5

Dabit gơhào gơjrañ ngan di cau hơ̆, mơ đơs mơ Nathan lah: “Di ngan kung be Yàng Jehôwa kis, cau neh lơh bơta hơ̆ pal kong chơt!

II Samuel 13:20

Apsalôm, bi klau khai, lùp khai lah: “Ngan sơl la Amnôn bi klau oh dê neh bic mơ oh ơ? Tŭ do ơm tĕ mŏ mŏ, ơ oh ùr añ jê, bơh khai la bi klau oh dê. Bañ ai lơh jê nùs oă bơh bơta hơ̆.” Behơ̆ Tamar ơm is moat jrùng tòm hìu Apsalôm, bi klau khai dê.

II Samuel 13:22

Apsalôm ò đơs dô jơnau lơi mơ Amnôn bulah la niam hala iơh; bơh khai gơjrañ di Amnôn tài bơh Amnôn neh bic bơklơn Tamar, oh ùr khai dê.

Đơs Crih 101:8

Kòp drim añ rơp tơnroh jơh ală cau iơh bơsak tòm lơgar, Mơ tơnroh jơh ală cau lơh iơh bơsak bơh di ƀòn dờng Yàng Jehôwa dê.

I Samuel 2:29

Ñchi bơh tài bol mê hàm kòñ sa ală phan ơn duh khoai Añ jê mơ ală phan ơn mơ Añ neh sồr ơn taih? Mơ mê ki ngàm di ală kòn klau mê dê rlau mơ Añ, neh lơh să tòm bol mê in lơmă bơh sa ală pơnah niam rlau jơh tòm kòp nơm phan ơn làng bol Israel Añ jê taih?’