II Samuel 12:14 - Sră Goh 2018

¹⁴ Bulah behơ̆, bơta do bơtau neh lơh kai nàng ală cau sò tơm di Yàng Jehôwa đơs tràl sơrbil di Kơnràñ, gen tàng kòn klau neh deh bơtau in rơp chơt.”

II Samuel 12:14 ပူးပေါင်းရင်းမြစ်များ

II Samuel 12:15

Gen Nathan rê hìu. Yàng Jehôwa lơh kòn dềt mơ bau ùr Uria neh deh Dabit in, mơ khai gơs kòp jê kơnjơ̆.

Nehemi 5:9

“Bơta bol mê lơh la ò niam. Bol mê pal lơh lòt dô bă duh rngòt di Yàng Tom Trồ he, nàng kơryan jơnau dơñŏ tơnhial ală làng bol la cau sò tơm bol he dê ơ?

Đơs Crih 69:6

Ơ Jehôwa Yàng Tom Trồ Gơnap Gơnoar Dờng dê, Dan bañ lòi ală cau gơn kơnòm di Kơnràñ kong ƀàssìl tài bơh añ; Ơ Yàng Tom Trồ Israel dê,

Đơs Crih 74:10

Ơ Yàng Tom Trồ, cau sò tơm rơp đơs bơtat bơtròh nđò jŏ taih? Cau sò tơm kư̆ đơs tràl sơrbil di sơnđan Kơnràñ sùm sùm ơ?

Đơs Crih 94:12

Ơ Yàng Jehôwa, lơngai cau lơi in geh Kơnràñ lơh glài tơmàl, Mơ geh Kơnràñ bơto bơta boh lam Kơnràñ dê.

Đơs Crih 99:8

Ơ Jehôwa Yàng Tom Trồ bol hi dê, Yàng neh ho wơl bol khai in; Yàng la Yàng Tom Trồ neh toh glài bol khai in, Mơya Kơnràñ sal wơl bơh ală broă tìs bol khai neh lơh.

Esai 52:5

Gen tàng tŭ do, ñchi Añ lơh tềng do taih?” Yàng Jehôwa đơs lah: “Sền ne, hơ̆ la làng bol Añ jê neh kong kup cèng ò bồ ơ? Ală cau at bồ bol khai dê pơt wòl.” Yàng Jehôwa đơs behơ̆ mơ gam pơnjat sùm, “sơnđan Añ jê gơkòl sền òsơp sùm kòp ngai.

Amôs 3:2

“Añ mìng git bol mê lơm bơh di jơh ală hìu nhă hơđang plai ù; behơ̆ tàng Añ rơp lơh glài bol mê bơh jơh ală bơta tồi glài bol mê dê.”

Mathiơ 18:7

“Bòl glar dunnia in, bơh ală kai lơh gơtup tìs! Bulah pal gơs ală kai lơh gơtup tìs; mơya bòl glar cau lơi in lơh kai hơ̆.

Rôma 2:24

Be jơnau Sră Goh cih lah: Tài bơh bol mê la cau Juda mơ sơnđan Yàng Tom Trồ, gơkòl đơs tràl sơrbil digùl ală làng bol bơdìh.

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

Hebrơ 12:6

Bơh Kơnràñ lơh glài tơmàl di cau lơi Kơnràñ kòñ gơboh, Cau lơi Kơnràñ dòp la kòn gen ai gai ai mơng.”

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.