II Samuel 12:11 - Sră Goh 2018

¹¹ Yàng Jehôwa đơs be do: ‘Añ rơp tơngguh bơta rung rài tòmdră mơ mê bơh dơlam hìu nhă mê dê. Añ rơp kup ală bau ùr mê dê bơh di đap mê, mơ ai cau ơm rềp mê in, mơ khai rơp bic mơ ală bau ùr mê dê tòm trồ ngai.

II Samuel 12:11 ပူးပေါင်းရင်းမြစ်များ

II Samuel 15:10

Mơya Apsalôm sồr ală cau kong sồr ndơp ndơr lòt làm jơh ală jơi bơtiàn Israel mơ đơs lah: “Tŭ lơi bol mê kơno ntas ală kơlwòk gen đơs tĕ mo: ‘Apsalôm gơs bơtau tòm Hebrôn!’”

II Samuel 15:14

Gen Dabit đơs mơ jơh ală cau kwang khai dê ơm bal mơ khai tòm Jerusalem lah: “Guh tĕ! Bol he pal dô, dilah ò gen ò gơs cau lơi rgơi geh klàs bơh di tê Apsalôm. Mhar, rngòt khai rơp tus nàng kup bol he, mơ cèng bơta rung rài hơđang bol he, mơ ngui đào brồ lơh ƀòn dờng.”

II Samuel 15:6

Apsalôm lơh behơ̆ gơwèt mơ jơh ală cau Israel lòt tus hơ cau bơtau nàng dan cahrña; behơ̆ Apsalôm kơñau geh nùs ală làng bol tòm Israel.

II Samuel 16:11

Dabit đơs mơ Abisai mơ jơh ală cau dĭ gơna khai dê lah: “Kòn klau añ la poac mhàm tòm añ mơ kòñ tơnchơt añ, tơ ài lah cau Benjamin do! Lòi tĕ khai, mơ lòi khai srat rma; bơh Yàng Jehôwa neh sồr khai lơh behơ̆.

Sră Jop 31:10

Gen lòi bau ùr añ piah di mpal cau ndai dê, Mơ gơs ală cau klau ndai bic mơ khai.

Ejekiel 14:9

Dilah cau gơnoar hwơr gơkòl pơrlồm ơniai mơ đơs dô jơnau, gen Añ, Yàng Jehôwa neh lòi cau gơnoar hwơr hơ̆ gơkòl pơrlồm ơniai, mơ Añ rơp pò tê tòmdră mơ khai, mơ tơnroh khai bơh digùl làng bol Israel Añ jê.

Yal Wơl 17:17

Cau bơtau ò di gơs oă bau ùr, rngòt nùs khai dê rơp wèt hơ bơta tìs nrah. Khai ò di pơjum tơrgòm oă priă mơ màh.

Yal Wơl 28:30

Bol mê rơp ho bau mơ dô nă cau ùr, mơya dô nă cau ndai rơp bau mơ bic mơ khai. Bol mê rơp bơt dô nơm hìu mơya bol mê rơp ò ơm tòm hìu hơ̆. Bol mê rơp tam dô nơm suơn ño mơya bol mê kung rơp ò geh sơntòm chò hòp bơh plai gơ dê.