II Samuel 11:8 - Sră Goh 2018

⁸ Gen Dabit đơs mơ Uria lah: “Mù tĕ tòm hìu mê dê mơ rào jơng mê.” Behơ̆, Uria lik lòt bơh gơlang bơtau, mơ gơs cau cèng jat khai dô nơm phan pà bơh bơtau.

II Samuel 11:8 ပူးပေါင်းရင်းမြစ်များ

Sơnròp Gơlik Gơs 18:4

Añ dan ală ồng ai gơnoar cau in ai dô êt dà rào jơng ală ồng in, mơ dan ală ồng rlô di tòm chi do.

Sơnròp Gơlik Gơs 19:2

Khai đơs lah: “Do, ală ồng, dan lòt tus ơm tòm hìu cau dĭ ală ồng dê, mơ ơm dô mang rào jơng ală ồng dê mơ guh àng hìng sồng lòt gùng.” Bol hơ̆ ho lah: “Ò, mang do bol hi ơm tòm gùng.”

Sơnròp Gơlik Gơs 43:24

Lồc behơ̆, khai rò oh mi mut tòm hìu Jôsep, cèng dà rào jơng bol khai in, mơ kung ai ală alàng sa ñhơt sơl.

Sơnròp Gơlik Gơs 43:34

Jôsep sồr cèng ală phan sa bơh di đap khai ai ală oh mi in, mơya pơnah đah Benjamin gen pram dơ̆ rlau mơ phan ală cau ndai dê. Bol khai ñô sa bơkah bơnga mơ chò hòp bal mơ Jôsep.

Đơs Crih 12:2

Kòp nă đơs jơnau blac chừt bal mơ gơp; Bol khai ai sơndồi rơmhòc mơ bàr đah nùs bol khai đơs.

Đơs Crih 44:21

Gen Yàng Tom Trồ ò rgơi git sơl ơ? Bơh Kơnràñ git bơta ndơp ndơr tòm nùs cau dê.

Đơs Crih 55:21

Jơnau đơs khai dê ntiar rlau mơ dơngi dà toh, Mơya tòm nùs gơs bơta kơlìn gơtoă; Ală jơnau khai dê lơbơn rlau mơ mơñà, Mơya ngan la đào rlai.

Esai 29:15

Bòl glar cau lơi pồn dô bơta rơndap jrô ndơp ir di Yàng Jehôwa, la cau lơh broă khai dê tòm tiah klam jơngo mơ kơlôi lah: “Ñcau gŏ bol hi taih? Ñcau rơp git taih?”

Luka 12:2

Ò gơs bơta lơi pồn ndơp mơ ò gơ pò tơlik, ò gơs bơta lơi ndơp ndơr mơ ò rgơi git.

Luka 7:44

Gen Kơnràñ wơlke hơ cau ùr, đơs mơ Simôn lah: “Mê gŏ cau ùr do sơl? Añ mut tòm hìu mê, mê ò ai dà rào jơng, mơya khai ai dà mat lơh sùh jơng Añ mơ ai sŏ jùt sơl.

Hebrơ 4:13

Ò gơs phan lơi rgơi pồn ndơp di đap Yàng Tom Trồ, mơya jơh ală phan geh crơng gơs rơp ràng tơlik mơ gơ pò di đap mat Kơnràñ mơ bol he pal yal broă he dê.