II Samuel 11:21 - Sră Goh 2018

²¹ Ñcau neh tơnchơt Abimelek kòn klau Jerubeset taih? Ò di la dô nă cau ùr bơh hơđang dơrñang ƀòn dờng neh sơrbì mpal lŭ hơđang khai mơ tơnchơt khai tòm tiah Thebes ò ơ? Ñchi bơh tài bol mê tus rềp ngan di dơrñang ƀòn dờng behơ̆ taih?’ Dilah cau bơtau lùp mê behơ̆ gen đơs mơ khai lah: ‘Uria, cau Hetit la cau duh broă bơtau kung chơt sơl.’”

II Samuel 11:21 ပူးပေါင်းရင်းမြစ်များ

II Samuel 11:17

Tòm tŭ ală cau bơh ƀòn dờng lik lòt nàng tòmlơh mơ Jôap, gơs dô êt cau tòm mpồl ling Dabit gơpừ chơt; rlau mơ hơ̆, Uria cau Hetit kung kong tơnchơt sơl.

II Samuel 11:20

mơ bơta gơhào gơjrañ bơtau dê digơlan rơp gơguh, mơ digơlan cau bơtau rơp lùp mê lah: ‘Ñchi bơh tài bol mê tus rềp ngan di ƀòn dờng nàng tòmlơh behơ̆ taih? Bol mê ò git lah cau ơm hơđang dơrñang ƀòn dờng rơp pañ kam di bol mê ò ơ?

II Samuel 11:22

Behơ̆, cau kong sồr lik lòt, khai neh tus mơ yal Dabit in jơh ală bơta mơ Jôap neh sồr khai yal.

II Samuel 3:27

Tòm tŭ Apner neh rê wơl hơ Hebrôn, Jôap cèng khai is dô đah tòm mpồng ƀòn dờng dê, khai lơh be kòñ đơs is mơ khai. Mơ tềng hơ̆ Jôap srơp khai di kơndul mơ tơnchơt tơn, nàng sal tê bơh mhàm Asael, oh Jôap dê.

II Samuel 3:34

Tê mê ò kòl kơt, jơng mê ò dò che sreng; Mê gơpừ chơt be dô nă cau gơpừ chơt di đap cau iơh bơsak.” Mơ jơh làng bol ñìm tai.

Đơs Crih 39:8

Dan dong añ klàs di jơh ală bơta tìs glài añ jê. Bañ lòi cau bơrngơl gơla gơs kai nàng dơñŏ tơnhial di añ!

Esai 14:10

Bol khai rơp ho wơl mơ đơs mơ mê lah: ‘Mê kung neh gơlik gơs lơbơn be bol hi, mê neh gơlik gơs kung be bol hi.

Ală Kwang Cahrña 6:32

Behơ̆ tòm ngai hơ̆ bol khai sơnđan Gideôn la “Jerubaal” mơ đơs lah: “Lòi tĕ Baal tòmlơh mơ khai,” tài bơh Gideôn neh sòr tơrlah cơnòng duh khoai Baal dê.

Ală Kwang Cahrña 7:1

Gen Jerubaal, hơ̆ la Gideôn, bal mơ jơh ală mpồl ling jat guh bơh drim, lơh sàl di gah croh dà Harôt; mơ sàl cau Midian dê ơm đah đang bol khai, tòm thòng di gah dòr Môre.