II Samuel 11:10 - Sră Goh 2018

¹⁰ Tòm tŭ cau yal wơl Dabit in mơ đơs lah: “Uria ò rê hìu khai dê,” gen Dabit lùp Uria lah: “Mê ò di pa rê bơh di tiah ngài ò ơ? Ñchi bơh tài mê ò rê hìu taih?”

II Samuel 11:10 ပူးပေါင်းရင်းမြစ်များ

II Samuel 11:11

Uria đơs mơ Dabit lah: “Đài Bơta Ho Bal mơ Israel mơ Juda gam ơm tòm sàl, mơ cau tòm añ jê la Jôap bal mơ ală cau duh broă cau tòm añ jê, gam sơntơp sàl tòm ƀlàng, mbe añ rgơi mut tòm hìu añ jê, ñô sa mơ bic mơ bau ùr añ jê taih? Di ngan kung be bơtau kis, mơ hwềng soàn bơtau kis, añ rơp ò lơh dô bơta behơ̆!”

II Samuel 11:9

Mơya Uria bic di tiah mpồng mut tòm gơlang bal mơ jơh ală cau duh broă bơtau dê, mơ khai ò mù hơ hìu khai dê.

II Samuel 12:1

Yàng Jehôwa sồr Nathan lòt tus hơ Dabit. Khai tus hơ Dabit gen đơs lah: “Tòm dô nơm ƀòn dờng ne gơs bàr nă cau, dô nă pas mơ dô nă rƀah.