II Samuel 10:6 - Sră Goh 2018

⁶ Tòm tŭ cau Ammôn gŏ bol khai neh gơlik gơs bơta cù kìr gơwèt mơ Dabit, gen cau Ammôn sồr cau lòt ơpah cau Aram tòm Bet Rehôp mơ Jôba bàr jơt rbô ling lòt jơng, kung bơh bơtau Maaka dô rbô nă, bơh lơgar Top jơt bàr rbô nă.

II Samuel 10:6 ပူးပေါင်းရင်းမြစ်များ

Sơnròp Gơlik Gơs 34:30

Gen Jakôp đơs mơ Simeôn mơ Lebi lah: “Bol mê neh lơh añ in ò suk ơm, lơh làng bol tòm lơgar do, la cau Kanaan mơ cau Pherijit, gơlik gơjrañ di añ behơ̆. Añ do gơs dô êt cau lơm. Dilah bol khai pơjum bal mơ lơh añ, gen ngan añ mơ hìu nhă añ rơp gơkòl roh rui.”

II Samuel 10:5

Tòm tŭ cau yal wơl bơta hơ̆ Dabit in, khai sồr ală cau kong sồr lòt rò ală cau hơ̆, bơh bol khai ƀàssìl ƀàsso dờng ngan. Bơtau đơs lah: “Ơm tĕ tòm Jerikô jơl tus di tŭ sơnò tềp bol mê neh gơcat gen sồng rê wơl.”

II Samuel 10:7

Tòm tŭ Dabit kơno bơh bơta hơ̆ gen sồr Jôap mơ jơh mpồl ling bal mơ jơh ală cau ling jak tòmlơh.

II Samuel 16:21

Ahitôphel ho lah: “Bic tĕ mơ ală bau ùr cồng bèp ồng dê neh lòi wơl nàng sền gàr hìu gơlang. Gen jơh Israel rơp kơno lah ồng neh lơh să tòm ồng in gơlik ngkòr ngkàc gơwèt mơ bèp ồng dê, mơ tê ală cau bal mơ ồng rơp geh pràn kơldang.”

II Samuel 23:34

Eliphelet kòn klau Ahasbai cau Maakah, Eliam kòn klau Ahitôphel cau Gilô,

II Samuel 8:12

hơ̆ la cau Edôm, cau Môap, cau Ammôn, cau Philistin, mơ cau Amalek, mơ ală phan tòmpìt ai bơh di Hadadejer, kòn klau Rehôp, bơtau Jôba.

II Samuel 8:3

Rlau mơ hơ̆, Dabit neh tòmlơh mơ Hadadejer kòn klau Rehôp, bơtau Jôba, tòm tŭ khai lòt nàng ai wơl gơnoar at bồ hơđang kơnhwàl rò gah hiòng Ơphrat.

II Samuel 8:5

Tòm tŭ cau Aram bơh Damas tus dong kòl Hadadejer, bơtau Jôba dê, gen Dabit tơnchơt bàr jơt bàr rbô nă cau tòm bol khai.

I Ală Bơtau 11:24

Gen khai pơjum gùt dar khai ală cau jat khai mơ at bồ dô mpồl cau phà kơñau; tơnơ̆ mơ tŭ Dabit neh tơnchơt bol khai, gen khai lòt tus hơ Damas, ơm wơl tềng hơ̆, mơ khai geh bơtào lơh gơs bơtau tòm Damas.

II Ală Bơtau 7:6

Bơh Yàng Jehôwa neh lơh cau Aram in kơno ntas rơndeh, ơseh mơ ntas mpồl ling gal ngan; tian gơs cau Aram đơs bal mơ gơp lah: “Bơtau Israel neh ơpah bơtau cau Hetit mơ bơtau Ejiptơ nàng tòmlơh mơ bol he.”

Đơs Crih 48:4

Gen ală cau bơtau pơjum bal, mơ bol khai lòt tus.

Lik Ejiptơ 5:21

gen bol khai đơs lah: “Dan Yàng Jehôwa sền sơwì ală ồng mơ cahrña ală ồng! Ală ồng neh lơh bol hi in gơlik gơs kung be bơta ƀô ồm di đap mat Pharaôn mơ ală cau duh broă khai dê, mơ ơn đào tòm tê bol khai nàng tơnchơt bol hi.”

Jơnau Pơnđik 25:8

Bañ sơrbac tơnggơs bơta tòm pơndang bal, rngòt tŭ lồi dut cau ơm rềp mơ kòn neh lơh kòn in ƀàssìl, kòn rơp ò git lơh mbe lơi.

Jeremi 40:8

Gen bol khai tus hơ Gedalia tòm Mispa. Hơ̆ la Ismael, kòn klau Nethania, Jôhanan mơ Jônathan, kòn klau Kareah, Seraya, kòn klau Tanhumet, ală kòn klau Ephai ơm tòm Netôpha, mơ Jesania, kòn klau Maaka, bal mơ ală cau lòt bal mơ bol khai.

Jeremi 46:21

Ală ling tòmlơh ơpah ơm digùl gơ kung be kơnrồ kòn lơmă. Mơya bol khai kung wơlke mơ dô jơh, bol khai ò jai ntào. Bơh ngai rung rài, tơngai lơh glài, neh tus hơđang bol khai rau.

Yal Wơl 3:14

Jair, dô nă kòn sau Manase dê neh ai jơh dô kơnhwàl Argôp, ngài tus hơ nhàr lơgar cau Gesurit mơ cau Makathit; gơ geh tơmoh sơnđan jat sơnđan khai dê, tian gơs tus di ngai do Basan geh sơnđan la Habôt Jair.)

Ală Kwang Cahrña 11:3

Behơ̆ Jepthe dô bơh di ală oh mi khai dê, mơ ơm tòm ƀòn Tôp. Tềng hơ̆ gơs ală cau gơlềng gơlàng tus ơm gùt dar Jepthe mơ lòt phà kơñau jat khai.

Ală Kwang Cahrña 11:5

Mơ tòm tŭ cau Ammôn tòmlơh mơ cau Israel, ală cau kwang kra ƀòn Galaat dê lòt nàng rò Jepthe bơh ƀòn Tôp,

Ală Kwang Cahrña 18:28

Ò gơs cau lơi dong kòl làng bol Lais, tài bơh bol khai ơm ngài bơh ƀòn dờng Sidôn, mơ bol khai ò ring lơngai mơ dô nơm làng bol lơi. Ƀòn dờng hơ̆ ơm tòm thòng gơrê bal mơ Bet Rehôp. Bol khai bơt wơl ƀòn dờng mơ ơm tềng hơ̆.

I Samuel 13:4

Behơ̆ jơh Israel neh kơno jơnau yal lah: “Sol neh brồ lơh dô nơm theng mpồl ling Philistin dê, mơ tŭ do cau Israel neh gơlik gơs cù kìr di đap cau Philistin.” Mơ làng bol geh hòi pơjum bal mơ Sol tòm Gilgal.

I Samuel 27:12

Akis dòn kơnòm di Dabit, mơ khai kơlôi is lah: “Khai neh lơh să tòm khai gơlik gơs cù kìr di đap làng bol khai dê la Israel, gen tàng khai rơp lơh gơs cau duh broă añ jê sùm sùm.”