II Samuel 1:23 - Sră Goh 2018

²³ Sol mơ Jônathan kòñ gơboh mơ đềt mềr; Tòm tŭ gam kis mơ tòm tŭ chơt bol khai ò cah is. Bol khai sơrbac sơrbang rlau mơ ală klàng bung, Bol khai pràn kơldang rlau mơ ală klìu triă!

II Samuel 1:23 ပူးပေါင်းရင်းမြစ်များ

II Samuel 1:24

Ơ ală kòn ùr Israel dê, ñìm tĕ bơh Sol, Khai neh tơnsoh bol ai in ồi ào dà phồng màng ryŭ. Khai bơka ồi ào bol ai dê mơ màh.

II Samuel 2:18

Tềng hơ̆ gơs pe nă kòn klau Jeruyah dê la Jôap, Abisai mơ Asael. Mơ tai, Asael ntoat mhar ngan kung be dô nơm be brê.

II Samuel 23:20

Benayah kòn klau Jehôyada tòm Kapjeel la dô nă cau ling tòmlơh khin cha, lơh gơs ală broă tiơng pơnro dờng. Khai neh tơnchơt bàr nă cau Môap pràn kơldang rlau jơh. Tòm dô ngai mìu piar ne, khai mù tòm dô nơm brong jrô mơ tơnchơt dô nơm klìu triă.

I Yal Yau 12:8

Bơh mpồl cau Gadit neh lòt tus hơ Dabit tòm theng kơ̆ cê tòm ƀlàng ngềt ngơt, mơ la ală cau git làm bơta tòmlơh, chài rgơi at khèl mơ tà. Muh mat bol khai dê la be muh mat klìu triă, mơ bol khai sơrbac sơrbang be ală be brê hơđang ală mơnơm.

Sră Jop 9:26

Bol gơ lòt gan mhar kung be ală plung lơh mơ gle mơ đơr, Kung be ală klàng bung srà mù kup phan sa.

Jơnau Pơnđik 30:30

Klìu triă, pràn rlau jơh tòm ală jơi phan poan jơng, ò ruc wơl di đap ală jơi ndai;

Đơs Chò 5:16

Bơr khai lơngồt bơkah; jơh ală bơta gơs tòm khai di pal kòñ gơboh ngan. Ơ ală kòn ùr Jerusalem, cau kòñ gơboh añ behơ̆, cau bơyô gơboh añ la behơ̆!

Jeremi 4:13

Ne, khai rơp guh kung be dô puk mhwal, Rơndeh tòmlơh khai ò gơkrơi kung be càl wàl bong, Ơseh khai sơrbac sơrbang be klàng bung. Dồn sa rƀah bol hi in, bơh bol hi gơkòl tơnroh!

Ñìm Rac 4:19

Ală cau ting jat bol hi sơrbac rlau mơ klàng bung hơđang trồ jòng, Ting jat bol hi hơđang ală mơnơm, kơp mòc bol hi tòm ƀlàng ngềt ngơt.

Yal Wơl 28:49

Yàng Jehôwa rơp cèng tus dô nơm làng bol bơh di tiah ngài lòt tus tòmdră mơ bol mê, bơh di ală tiah lồi plai ù, kung be dô nơm sềm klàng bung bơh đang par mù tus hơđơm, dô nơm làng bol mơ bol mê ò git wă jơnau đơs bol khai dê,

Ală Kwang Cahrña 14:18

Ală cau klau tòm ƀòn dờng đơs mơ khai tòm ngai poh, lài mơ tŭ mattơngai mut lah: “Phan lơi lơngồt rlau mơ dà kròt? Phan lơi pràn rlau mơ klìu triă?” Samsôn đơs mơ bol khai lah: “Dilah bol mê ò lơòr mơ kơnrồ dra añ jê; gen bol mê ò rgơi yal tơlik gơtha jơnau pơnhồr añ jê.”

I Samuel 18:1

Tơnơ̆ mơ tŭ Dabit sir tòmbơhbơr mơ Sol, gen hwềng nùs Jônathan đềt mềr mơ hwềng nùs Dabit, mơ Jônathan kòñ gơboh di Dabit be să tòm khai.

I Samuel 20:2

Jônathan ho khai lah: “Ò di behơ̆! Bi rơp ò chơt. Bèp añ ò lơh bơta lơi dờng hala dềt mơ ò yal añ in git lài; ñchi bơh tài bèp añ pal pồn bơta do bơh di añ taih? Ò gơs tŭ lơi.”