II Samuel 1:22 - Sră Goh 2018

²² Àtak Jônathan dê ò tŭ lơi rê wơl, mơ ò gơđềt mhàm cau gơkòl kong sreh chơt; mơ đào Sol dê ò rê wơl, mơ ò gơđềt dơngi cau gơnoar pràn dê.

II Samuel 1:22 ပူးပေါင်းရင်းမြစ်များ

Jeremi 50:9

Bơh do, Añ rơp bơtào bơh đah đang oă lơgar pràn, mơ tus tòmdră mơ Babilôn, ală làng bol hơ̆ rơp rcang tòmlơh mơ Babilôn, mơ bơh hơ̆ gơ kong tòmpìt ai. Kam bol khai pañ kung be kam cau ling jak tòmlơh, ò rê wơl tê gòi.

Yal Wơl 32:42

Añ rơp lơh ală kam àtak Añ jê bơñul bơh mhàm, tòm tŭ đào Añ jê sa loan poac: mhàm ală cau kong koh tơnchơt mơ ală cau kong kup cèng, mơ bồ ală cau kwang cau sò tơm dê.”

I Samuel 14:47

Tơnơ̆ mơ tŭ Sol neh geh gơnoar at bồ hơđang Israel, khai neh tòmlơh mơ jơh ală cau sò tơm di khai tòm kòp đah, hơ̆ la Môap, Ammôn, Edôm, ală bơtau Seba mơ cau Philistin. Tiah lơi khai lòt tòmlơh gen khai kung geh pha.

I Samuel 14:48

Khai tòmlơh dô bă khin cha ngan, lơh alah cau Amalek mơ dong tă Israel bơh di tê ală cau phà kơñau bol khai.

I Samuel 18:4

Jônathan hồ ào jrùh khai soh mơ ai Dabit in, bal mơ ào lòs, kung ai tơn đào, àtak mơ che but khai dê sơl.