II Samuel 1:20 - Sră Goh 2018

²⁰ Bañ yal jơnau do tòm Gat, bañ yal jơnau hơ̆ tòm ală gùng Askalôn dê, rngòt ală kòn ùr cau Philistin dê chò hòp, rngòt ală kòn ùr cau ò kong siat gơltau dê hòn chò.

II Samuel 1:20 ပူးပေါင်းရင်းမြစ်များ

Ejekiel 16:27

Behơ̆, Añ neh pò tê tòmdră mơ ai mơ pơndêt lơgar ai dê; Añ jào phi ai tòm bơta hàm hà cau sò tơm ai dê, hơ̆ la ală kòn ùr Philistin; bol khai neh ai lơh krơi bơh bơta lơh lòt gơlềng gơlàng ai dê.

Ejekiel 16:57

tòm tŭ bơta iơh bơsak ai dê òhềt ràng tơlik. Bulah behơ̆, tŭ do ai kong lah pơrhơng bơh di ală kòn ùr Edôm bal mơ jơh ală lơgar ơm gùt dar gơ, mơ ală kòn ùr Philistin sơl, hơ̆ la jơh ală lơgar ơm gùt dar ai sền òsơp di ai.

Mice 1:10

Bañ yal tơnggit bơta hơ̆ tòm Gat; bañ ñìm rac dô êt lơi. Tòm Bet Leaphra, pơrlac să mê dê tòm thul.

Ală Kwang Cahrña 11:34

Tòm tŭ Jepthe rê tus di hìu khai dê tòm Mispa; kòn ùr khai dê lik lòt wă rò khai, tòmya mơ sơnggơr dềt. Khai la kòn dô nă Jepthe dê, rlau mơ khai Jepthe ò gơs kòn klau hala kòn ùr lơi ndai tai ò.

Ală Kwang Cahrña 14:19

Gen Hwềng Yàng Jehôwa dê mù hơđang khai pràn ngan, mơ khai mù hơ Askalôn mơ tơnchơt pe jơt nă cau klau tòm ƀòn hơ̆, hồ tă phan mơna bol khai dê, mơ cèng ào soh tòm bơta pơjum ai ală cau neh yal tơlik gơtha jơnau pơnhồr in. Tòm bơta gơhào gơjrañ, khai rê wơl hơ hìu bèp khai dê.

I Samuel 14:6

Jônathan đơs mơ cau ling àñ phan tòmlơh khai dê lah: “Tus tĕ, bol he lòt hơ tiah ơm kơp gàr ală cau ò siat gơltau hơ̆ dê mơ lòi bol khai sền gŏ he. Digơlan Yàng Jehôwa rơp lơh broă ala bol he in. Ò gơs bơta lơi rgơi kơryan Yàng Jehôwa tòm bơta dong tă, bơh oă cau hala bơh dô êt cau.”

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”

I Samuel 17:36

Cau duh broă bơtau dê neh tơnchơt klìu triă mơ jơgơu, gen cau Philistin ò siat gơltau do rơp gơlik gơs kung be dô nơm tòm bol gơ, bơh khai neh đơs jơnau pơrlòng ală mpồl ling Yàng Tom Trồ gam kis sùm sùm dê.

I Samuel 18:6

Tòm tŭ bol khai rê hìu tơnơ̆ mơ tŭ Dabit neh tơnchơt cau Philistin rau, gen ală cau ùr lik bơh di jơh ală ƀòn dờng Israel dê nàng wă rò Sol. Bol khai đơs chò mơ tòmya, chò hòp bal mơ ală sơnggơr dềt mơ ală kơñi.

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.

I Samuel 6:17

Do la ală rùp kòp pluh as mơ màh mơ cau Philistin pơyoa Yàng Jehôwa in lơh gơs phan ơn bơh tồi glài: ală ƀòn Asdot, Gaja, Askalôn, Gat mơ Ekrôn, kòp ƀòn dô nơm.