II Kôrintô 9:8 - Sră Goh 2018

⁸ Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

II Kôrintô 9:8 ပူးပေါင်းရင်းမြစ်များ

II Yal Yau 25:9

Amajiah lùp cau Yàng Tom Trồ dê lah: “Mơya mbe kòñ lơh bơh dô rhiang talơng mơ añ neh tơm mpồl ling Israel in taih?” Cau Yàng Tom Trồ dê ho lah: “Yàng Jehôwa rgơi ai bơtau in gơs oă rlau mơ hơ̆.”

Đơs Crih 84:11

Bơh Jehôwa Yàng Tom Trồ la mattơngai mơ khèl; Kơnràñ ai bơta nđàc mơ bơta ryŭ ryơm; Yàng Jehôwa ò pơlai bơta niam lơi mơ ò ai cau lơi in lơh lòt dô bă song.

Jơnau Pơnđik 10:22

Bơta lơngai bơh Yàng Jehôwa dê lơh gơlik pas gơs: Kơnràñ ò bơtơl tai bơta moat jrùng lơi ò.

Jơnau Pơnđik 11:24

Gơs cau rsìh phan mơna he dê, sơlo gơlik pas sơm; Kung gơs cau sềt pơniă kong bơta siơ̆u siar lơm.

Jơnau Pơnđik 28:27

Cau lơi pà gòi cau rƀah in rơp ò siơ̆u siar; ai cau wèt mat tiah ndai rơp kong oă bơta srat rma.

Jơnau Pơnđik 3:9

Ơn tĕ phan mơna kòn dê bal mơ ală plai đo bồ sơnam Nàng jòng ro Yàng Jehôwa;

Sră Age 2:8

‘Priă gơrê mơ Añ, màh gơrê mơ Añ,’ Yàng Jehôwa Gơnap Gơnoar Dờng Làm Jơh đơs behơ̆.

Malaci 3:10

Cèng tĕ jơh ală pơnah jơt tơmut tòm hìu đam, tồ gơs phan sa tòm hìu Añ. Lòng tĕ Añ tòm bơta do,” Yàng Jehôwa Gơnap Gơnoar Dờng Làm Jơh đơs behơ̆. “Mơ sền dilah Añ ò pò ală mpồng dềt hơđang trồ bol mê in, mơ tuh bơta lơngai lơngò oă ngan bol mê in, tian gơs ò tang tiah prap tai!

Broă 9:36

Tòm ƀòn dờng Jôppe, gơs dô nă cau ùr sơnđan la Tabitha, cih tơlik hơ̆ la Dorkas la cau bơtê; khai lơh oă broă lơbơn niam mơ jak pà gòi cau rƀah lơòi in.

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

II Kôrintô 13:3

bơh oh mi jòi cơng tàng lah Bơtau Krist đơs tòm añ, la Bơtau gơwèt mơ oh mi ò di la lơbơn lơño, mơya bềng gơnoar pràn digùl oh mi.

II Kôrintô 8:19

Ò di mìng behơ̆ ò, cau hơ̆ kung geh ală Hìu Jum Goh sac rwah, nàng lòt bal mơ bol hi tòm broă niam mơ bol hi rcang lơh do, nàng lơh gơklŏ Yàng in mơ ràng tơlik nùs duh hul bol hi dê;

II Kôrintô 8:2

Tòm tŭ bol khai ơm tòm bơta gơlòng bòl glar dờng, mơya bềng bơta hòn chò. Tòm bơta siơ̆u siar rlau jơh, gen nùs dờng ơnàng bol khai gơlik gơs lìu làc.

II Kôrintô 8:7

Behơ̆ gen, be oh mi neh geh lin rlau tòm jơh ală broă: Bơta dòn, jơnau đơs, git jak, ngac ngar, mơ nùs kòñ gơboh gơwèt mơ bol hi, gen bol hi kung kòñ oh mi dờng ơnàng tĕ tòm broă kòñ gơboh do.

II Kôrintô 9:11

Behơ̆ oh mi rơp geh pas gơs tòm jơh ală bơta nàng lơh ală broă niam, nàng bơh bol he mơ bol khai ưnngài Yàng Tom Trồ.

Ephesô 2:10

Bơh bol he la broă lơh Kơnràñ dê, neh geh Kơnràñ crơng gơs tòm Yàng Krist Jesu nàng lơh broă niam, mơ Yàng Tom Trồ neh rcang lài nàng bol he in lơh jat.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Philip 4:11

Ò di añ kòñ đơs bơh bơta siơ̆u siar añ jê, bơh añ neh bơtê bulah tìp bơta lơi kung hừh nùs ơm behơ̆.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

II Tesalônika 2:17

pơndòm pơniang nùs oh mi dê, lơh oh mi in gơs kơ̆ nền tòm jơh ală broă niam mơ jơnau đơs niam.

II Timôthe 2:21

Dilah cau lơi lơh goh is să he bơh di ală broă iơh bơsak hơ̆, gen rơp be gri dờng màng geh gơlik gơs sàng goh, gơs kwơ cau tòm in mơ neh rcang sir ală broă niam in.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

Sră Pơyoa Pol Dê Pơyoa Tit In 2:14

la Bơtau neh phi să bơh bol he nàng tơwài bol he bơh jơh ală bơta tồi glài iơh bơsak, mơ bơh să tòm Kơnràñ mơ lơh sàng goh dô nơm làng bol gơrê hơ Kơnràñ, la làng bol gơs nùs ngac ngar tòm ală broă niam.

Sră Pơyoa Pol Dê Pơyoa Tit In 3:14

Ală cau bal mơ bol he kung pal bơtê lơh ală broă niam, nàng dong kòl tòm tŭ pal càng, tồ bañ kis dô rài kis ò gơlik cồng nha.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

I Pier 4:10

Kòp nă ai tĕ bơta ai gòi he neh dòp geh nàng duh broă bal mơ gơp, kung be cau at bồ hìu dô bă niam dòn song tòmpà bơta nđàc lìu làc Yàng Tom Trồ dê.