II Kôrintô 9:10 - Sră Goh 2018

¹⁰ Yàng Tom Trồ la Bơtau ai gar sơntìl cau sih gar in mơ piang lă nàng sa, rơp ai gar sơntìl oh mi in, lơh gơ in gơlik gơs lìu làc, kung rơp bơtơl ală plai bơta song ring oh mi dê sơl.

II Kôrintô 9:10 ပူးပေါင်းရင်းမြစ်များ

Esai 55:10

Kung be mìu mơ piar dùh bơh trồ mơ ò rê wơl hơđang hơ̆ tai jơl tus di tŭ neh lơh sùh ù tiah mơ lơh gơcat sơmbut mơ gơlik plai đo, nàng ai gar sơntìl cau sih in mơ piang lă cau in sa,

II Kôrintô 9:6

Kah tĕ lah: cau sih dô êt gen toès dô êt, cau sih oă gen toès oă.

Sră Ôse 10:12

Sih tĕ să tòm bol mê in bơta song ring, toès tĕ bơta kòñ gơboh kơ̆ dơn, lơòr tĕ ù tiah pa; Bơh tŭ do la tŭ tơngai jòi jat Yàng Jehôwa, jơl tus di tŭ Kơnràñ tus, mơ tuh mìu bơta song ring hơđang bol mê.

Cau Bơto 11:6

Tòm àng drim, sih tĕ gar sơntìl mê dê, tus di trồ mho bañ lòi tê mê dơh wơl; bơh mê ò git gar sơntìl lơi rơp hòn niam, sơntìl do, hala sơntìl ne, hala jơh bàr bơta geh hòn niam lơm.

Philip 4:17

Hơ̆ ò di la añ kòñ gơs phan ai gòi, mơya añ kòñ gŏ cồng nha gơbơtơl oh mi in tòm ală phan ai gòi.

Jơnau Pơnđik 11:18

Cau iơh dòp geh cồng nha roh lơm; Mơya cau sih bơta song ring dòp geh jền tơngai ngan.

I Tesalônika 3:12

Dan Yàng ai bơtơl oh mi in tơngkah tơngkañ nùs kòñ gơboh bal mơ gơp, bal mơ tơl nă cau, kung be bol hi gơwèt mơ oh mi sơl,

Mathiơ 6:1

“Kơrhia tĕ, tòm tŭ lơh broă niam, bañ lơh di đap cau nàng bol khai in gŏ. Dilah ò behơ̆, gen bol mê ò geh phan ƀàn lơi bơh dê Bèp bol mê ơm hơđang trồ.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Sơnròp Gơlik Gơs 47:19

Mbe lơh bol hi mơ sre brê hi dê lòi srau gòi di đap kơnràñ taih? Ai tĕ kòi phe nàng tòmgơl mơ să bol hi bal mơ sre brê bol hi dê. Behơ̆ bol hi mơ sre brê hi dê rơp gơs dĭ gơna Pharaôn in. Ai tĕ bol hi in gar sơntìl nàng sih tồ bol hi in kis mơ ò chơt, mơ ù tiah ò sang lềng.”

Ephesô 5:9

(bơh plai bơta àng dê ơm tòm jơh ală bơta lơbơn niam, song ring, mơ song ngan),

I Tesalônika 4:10

ngan oh mi lơh behơ̆ gơwèt mơ jơh ală oh mi tòm làm Masedoan rau. Mơya, ơ oh mi, bol hi bơto tơngkah oh mi sơlo ngai pal kòñ gơboh sơlo oă tai.

II Kôrintô 9:12

Bơh bơta pà gòi phan do ò di mìng dong kòl bơta siơ̆u siar ală cau sàng goh dê lơm ò, mơya kung chồl oă cau ưnngài Yàng Tom Trồ sơlo oă tai.

Galati 3:5

Yàng Tom Trồ ai Yàng Hwềng oh mi in mơ lơh ală broă crih crài digùl oh mi, tài bơh oh mi lơh ală broă bơta boh lam dê hala tài bơh oh mi kơno mơ dòn taih?