II Kôrintô 8:7 - Sră Goh 2018

⁷ Behơ̆ gen, be oh mi neh geh lin rlau tòm jơh ală broă: Bơta dòn, jơnau đơs, git jak, ngac ngar, mơ nùs kòñ gơboh gơwèt mơ bol hi, gen bol hi kung kòñ oh mi dờng ơnàng tĕ tòm broă kòñ gơboh do.

II Kôrintô 8:7 ပူးပေါင်းရင်းမြစ်များ

Mathiơ 25:22

Cau neh dòp bàr talơng kung tus mơ yal lah: ‘Ơ ồng, ồng neh jào añ in bàr talơng; do añ neh lơh gơlik cồng bàr talơng tai.’

Rôma 15:14

Ơ oh mi añ jê, đah pơnah oh mi gen să tòm añ kung dòn nền ngan lah oh mi gơs bềng lìu bơta lơbơn niam, gơs tơl bơta git jak, mơ chài rgơi bơto tơngkah bal mơ gơp.

I Kôrintô 1:5

Bơh tòm jơh ală bơta oh mi neh geh pas gơs tòm Kơnràñ, tòm jơnau đơs mơ tòm jơh ală bơta git wă —

I Kôrintô 12:13

Bulah bol he la cau Juda hala cau làng bol bơdìh, hala dĭ gơna hala cau geh khat gơboh, jơh ală bol he neh gơs ƀaptem tòm dô nă Yàng Hwềng nàng gơlik gơs dô nơm să jan; jơh ală bol he neh geh hùc bơh dô nă Yàng Hwềng lơm.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 13:2

Bulah añ geh bơta ai gòi đơs hwơr mơ git jơh ală bơta ndơp ndơr mơ jơh ală bơta git jak, bulah añ gơs bơta dòn dờng tian gơs sồr mơnơm ntruñ kung di sơl, mơ dilah ò gơs bơta kòñ gơboh gen añ gơlik ò kwơ.

I Kôrintô 13:8

Bơta kòñ gơboh ò gơs tŭ lơi jơh, bulah bơta ai gòi đơs hwơr rơp jơh, bulah ală jơnau đơs ndai rơp rlau, bulah bơta git jak rơp lồi.

I Kôrintô 14:12

Oh mi kung behơ̆ sơl, bơh oh mi jơh nùs kơp kòñ bơta ai gòi đah hwềng, gen jòi tĕ tồ geh tơngkah tơngkañ nàng bơt bơtào Hìu Jum Goh.

I Kôrintô 4:7

Bơh ñcau ai mê in lin rlau mơ cau ndai taih? Ò di Yàng Tom Trồ neh ai jơh bơta hơ̆ oh mi in ò ơ? Gen ñchi bơh tài mê jòng să kung be ò dòp taih?

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

II Kôrintô 8:6

Behơ̆ tàng bol hi neh chồl bơtrut Tit, kung lơh tĕ sir broă niam do digùl oh mi, be khai neh sơntòm lơh. Kư̆ lơh sùm mơ dong kòl oh mi lơh wil tơl bơta duh broă do bơh nùs kòñ gơboh.

II Kôrintô 9:14

Mơ să tòm bol khai kung bơh bơta nđàc dờng ơnàng ngan Yàng Tom Trồ dê tòm oh mi, jơh nùs kòñ gơboh, mơ hòi dan oh mi in.

II Kôrintô 9:8

Yàng Tom Trồ gơs gơnoar ai jơh ală bơta lơngai lơngò tơngkah tơngkañ hơđang oh mi, tồ oh mi in geh tơl ală bơta pal càng, mơ gam gơs tơngkah tơngkañ nàng lơh jơh ală broă niam.

Ephesô 4:29

Bañ gơs jơnau iơh lơi lik bơh di bơr oh mi, mơya tòm tŭ pal đơs gen đơs tĕ jơnau niam nàng gơs bơt bơtào, tồ cèng bơta niam ală cau kơno in.

Philip 1:11

oh mi geh bềng plai bơta song ring dê tus bơh Yàng Jesu Krist, tồ lơh àng sơnđan mơ jòng ro Yàng Tom Trồ.

Philip 1:9

Bơta añ hòi dan hơ̆ la dan bơta kòñ gơboh oh mi dê sơlo ngai sơlo gơbơtơl lìu làc rlau tai, bal mơ bơta git wă jơnau song mơ bơta cahrña wil tơl,

II Tesalônika 1:3

Ơ oh mi, bol hi pal bơh oh mi mơ ưnngài Yàng Tom Trồ sùm sùm, mơ bơta hơ̆ la pal ngan, bơh bơta dòn oh mi dê gơbơtơl oă ngan, mơ nùs kòñ gơboh bal mơ gơp kòp nă cau dê tòm jơh ală oh mi sơlo ngai sơlo bơtơl tai,

II Timôthe 2:1

Behơ̆ ơ kòn, pràn kơldang tĕ tòm bơta nđàc tòm Yàng Krist Jesu.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

II Pier 3:18

Mơya sơlo dờng tĕ tòm bơta nđàc mơ tòm bơta dòp git Yàng la Yàng Dong Klàs bol he dê la Yàng Jesu Krist. Dan bơta gơklŏ gơrê bal mơ Kơnràñ bơh do jơl sùm sùm. Amen.

Yal Tơlik 3:17

Bơh mê đơs: ‘Añ pas gơs, añ neh pas sơm rau, ò càng phan lơi tai;’ mơya mê ò git mê la cau bòl glar, pal nđàc sơngit, rƀah lơòi, jơngo mat mơ ơm kuh lòi rồ.