II Kôrintô 8:5 - Sră Goh 2018

⁵ Bol khai neh lơh rlau be bol hi neh kơp kòñ, mơya bol khai lơh neh jat nùs kòñ Yàng Tom Trồ dê: Sơnròp ngan bol khai ơn să Yàng in, tơnơ̆ tai kung ơn bol hi in sơl.

II Kôrintô 8:5 ပူးပေါင်းရင်းမြစ်များ

I Yal Yau 12:18

Gen Yàng Hwềng tus hơđang Amasai, cau at bồ mpồl pe jơt nă, mơ khai đơs lah: “Ơ Dabit, bol hi gơrê bal mơ ồng! Ơ kòn klau Jese, bol hi ơm đah mơ ồng! Dan ồng geh lơngap lơngai, lơngap lơngai, Dan ală cau dong kòl ồng kung geh lơngap lơngai! Bơh Yàng Tom Trồ ồng dê la Bơtau rơp dong kòl ồng.” Behơ̆, Dabit dòp rò bol khai mơ bơtào bol khai gơs cau at bồ ală mpồl cau lòt jat khai.

II Yal Yau 30:12

Tòm Juda, tê Yàng Jehôwa kung ơm hơđang làng bol mơ ai bol khai in bơta lơh gơs dô bă bal nàng lơh gơlik gơs jat be cau bơtau mơ ală cau kwang bơtau dê neh sồr jat be jơnau Yàng Jehôwa dê.

II Yal Yau 30:8

Bañ lơh kơldang bồ kơldang ngko be ală ồng pàng bol mê dê, wèt tĕ să tòm bol mê hơ Yàng Jehôwa. Lòt tus tĕ hơ Tiah Sàng Goh mơ Kơnràñ neh ơn is sàng goh gam sùm sùm. Duh tĕ broă Jehôwa Yàng Tom Trồ bol mê dê, tồ bơta gơjrañ dờng Kơnràñ dê rơp pleh ngài bơh bol mê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Sacari 13:9

Añ rơp cèng tơmut dô pơnah pe hơ̆ tòm ồs, Añ rơp tiar bol khai kung be priă, mơ lòng bol khai kung be màh. Bol khai rơp hòi di sơnđan Añ, mơ Añ rơp ho wơl bol khai; Añ rơp đơs lah: ‘Bol khai la làng bol Añ jê,’ mơ bol khai rơp đơs lah: ‘Yàng Jehôwa la Yàng Tom Trồ bol hi dê.’”

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

Rôma 6:13

kung bañ ơn să jan he tồi glài in, nàng lơh gơs phan ngui bơta iơh bơsak dê, mơya ơn tĕ să tòm oh mi Yàng Tom Trồ in, kung be ală cau neh chơt mơ kis wơl mơ ơn să jan he Yàng Tom Trồ in, nàng lơh gơs phan ngui bơta song ring dê.

I Kôrintô 1:1

Pol, cau geh hòi sac lơh gơs cau gơnoar bơto dờng Yàng Krist Jesu dê, bơh nùs kòñ Yàng Tom Trồ, mơ Sôsthen la oh mi,

II Kôrintô 4:5

Mơ tai, bol hi ò bơto yal bơh să tòm he dê, mơya bơto yal bơh Jesu Krist la Yàng, mơ să tòm bol hi tài bơh Yàng Jesu mơ lơh gơs dĭ gơna oh mi in.

II Kôrintô 8:1

Ơ oh mi, bol hi kòñ oh mi git bơh bơta nđàc Yàng Tom Trồ dê neh ai ală Hìu Jum Goh tòm Masedoan in:

I Samuel 1:28

Gen tàng añ dan ơn khai Yàng Jehôwa in; jơh rài kis khai rơp geh ơn jơh Yàng Jehôwa in.” Mơ khai lòi kòn dềt tềng hơ̆ Yàng Jehôwa in.