II Kôrintô 8:4 - Sră Goh 2018

⁴ mơ bol khai rac dan bol hi lòi bol khai in geh pơnah tòm bơta nđàc duh broă ală cau sàng goh in tòm Jude.

II Kôrintô 8:4 ပူးပေါင်းရင်းမြစ်များ

Mathiơ 10:42

Cau lơi ai dô nă tòm mpồl kơnòm dềt do in mìng hùc dô mơngàn dà ngềt lơm, tài bơh kơnòm hơ̆ la cau bơtê Añ jê, di ngan Añ đơs mơ bol mê, cau hơ̆ rơp ò gơs tŭ lơi roh phan ƀàn khai dê.”

Mathiơ 12:50

Bơh cau lơi lơh jat nùs kòñ Bèp Añ jê ơm hơđang trồ, gen cau hơ̆ la oh mi, ruh lŏ mơ mè Añ jê.”

Mathiơ 25:40

Cau Bơtau rơp ho lah: ‘Di ngan Añ đơs mơ bol mê, tòm tŭ bol mê neh lơh broă hơ̆ mơ dô nă cau dềt rhền rlau jơh tòm ală oh mi Añ, hơ̆ la lơh să tòm Añ in.’

Jơnau Niam Jat Mak 14:7

Bơh bol mê gơs cau rƀah lơòi ơm sùm mơ bol mê, tŭ lơi kòñ dong pà gòi bol khai in kung di lơm; mơya bol mê ò gơs Añ ơm sùm mơ bol mê.

Broă 11:29

Ală cau bơtê lơh nền, kòp nă jat be pràn is he, mơ pơyoa phan dong kòl oh mi in tòm Jude.

Broă 16:15

Tơnơ̆ mơ tŭ neh gơs ƀaptem bal mơ cau tòm hìu khai dê rau, Lidi jà bol hi lah: “Dilah ală ồng sơwì añ la cau dòn song mơ Yàng, gen dan mut ơm tòm hìu añ.” Lồc behơ̆ khai jơh nùs jà bol hi mut.

Broă 24:17

Tơnơ̆ mơ tŭ oă nam ơm ngài bơh Jerusalem, añ rê wơl tềng hơ̆ cèng priă làng bol añ in, mơ ơn phan duh khoai.

Rôma 15:31

tồ añ geh dong tă klàs bơh ală cau ò dòn tòm lơgar Jude, mơ phan dong kòl añ cèng Jerusalem in rơp geh ală cau sàng goh niam nùs mơ dòp;

I Kôrintô 16:1

Bơh bơta rì jền ală cau sàng goh in tòm Jude, be añ neh sồr ală Hìu Jum Goh Galati be lơi, gen oh mi kung lơh jat behơ̆ sơl.

I Kôrintô 16:15

Ơ oh mi, gơs dô jơnau tơngkah tai, oh mi git lah hìu nhă Stephanas la plai bồ sơnam lơgar Acai, mơ bol khai lơh nền duh broă ală cau sàng goh in.

II Kôrintô 9:1

Mơ tai, bơh bơta duh broă ală cau sàng goh in gen ò càng cih oh mi in.

Galati 2:10

Bol khai mìng nting bol hi pal kah di ală cau rƀah lơòi, la bơta añ kung neh jơh nùs lơh.

Galati 6:10

Behơ̆ tòm tŭ gam gơs tơngai, gen bol he lơh tĕ broă niam jơh ală cau in, sơnròp ngan la ală cau tòm hìu nhă bơta dòn dê.

I Timôthe 5:10

la cau ùr gơs pơnro niam bơh broă niam khai dê, kung be neh ròng kòn sau, git wă rò nac crih, rào jơng ală cau sàng goh, dong kòl cau rƀah dồn sa, mơ jơh nùs lơh tơl ală broă niam.

Hebrơ 6:10

Bơh Yàng Tom Trồ ò di la ò song ring mơ hŭi ală broă mơ bơta kòñ gơboh oh mi neh yal tơlik bơh sơnđan Kơnràñ, tòm tŭ neh duh broă ală cau sàng goh in mơ kung gam duh broă tai sơl.