II Kôrintô 8:16 - Sră Goh 2018

¹⁶ Ưnngài Yàng Tom Trồ, Kơnràñ neh ơn tòm nùs Tit gơs bơta kơlôi ngac ngar gơwèt mơ oh mi kung be añ sơl.

II Kôrintô 8:16 ပူးပေါင်းရင်းမြစ်များ

II Yal Yau 31:8

Tòm tŭ Ejekia tus bal mơ ală cau kwang duh broă khai dê mơ sền gŏ ală gơnru hơ̆, bol khai jòng ro Yàng mơ ai lơngai Israel in la làng bol Kơnràñ dê.

Ejra 7:27

Pal jòng ro Jehôwa Yàng Tom Trồ ală ồng pàng bol he dê bơh Kơnràñ neh ơn ală bơta hơ̆ tòm nùs cau bơtau nàng khai lơh gơklŏ hìu Yàng Jehôwa tòm Jerusalem,

Nehemi 2:12

Gen añ guh tòm mang bal mơ bàr pe nă cau klau, añ ò yal cau lơi in ñchi bơta Yàng Tom Trồ añ jê neh ơn tòm nùs añ nàng lơh Jerusalem in. Añ mìng gơs phan poan jơng mơ añ neh hào lơm.

Jeremi 31:31

Yàng Jehôwa đơs: “Ală ngai nền cê ngan rơp tus, tŭ hơ̆ Añ rơp bơt bơtào dô nơm bơta ho bal pa hìu Israel bal mơ hìu Juda in.

Jeremi 32:40

Añ rơp bơtào bơta ho bal gam sùm sùm mơ bol khai; ò tŭ lơi sang lòi mơya kư̆ ai lơngai bol khai in; mơ Añ rơp ơn bơta duh rngòt di Añ tòm nùs, nàng bol khai ò sang lòi Añ.

II Kôrintô 7:12

Behơ̆, dilah añ neh cih oh mi in gen ò di tài bơh cau neh lơh bơta tìs hơ̆ hala kung ò di tài bơh cau kong lơh bơta tìs hơ̆, mơya nàng bơta duh hul oh mi dê gơwèt mơ bol hi geh yal tơlik oh mi in di đap Yàng Tom Trồ.

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

II Kôrintô 8:23

Đah mơ Tit, gen khai la bơyô lơh broă bal mơ añ nàng dong kòl oh mi; ai bàr nă oh mi ne la cau kong sồr ală Hìu Jum Goh dê, la bơta gơklŏ Bơtau Krist dê.

II Kôrintô 8:6

Behơ̆ tàng bol hi neh chồl bơtrut Tit, kung lơh tĕ sir broă niam do digùl oh mi, be khai neh sơntòm lơh. Kư̆ lơh sùm mơ dong kòl oh mi lơh wil tơl bơta duh broă do bơh nùs kòñ gơboh.

Philip 2:20

Bơh mìng dô nă khai la cau dô nùs bal mơ añ, gơs nùs song ngan kơlôi rcang bơh broă oh mi dê,

Kôlôse 3:17

Dilah oh mi lơh bơta lơi, bulah jơnau đơs hala broă lơh, ai tĕ sơnđan Yàng Jesu mơ lơh jơh ală bơta, kơnòm di Kơnràñ mơ ưnngài Yàng Tom Trồ la Bèp.

Yal Tơlik 17:17

Bơh Yàng Tom Trồ neh ơn bơta hơ̆ tòm nùs bol khai tồ lơh gơlik gơs jat bơta lơh nền Kơnràñ dê, tòm tŭ bol khai dô nùs bal jào gơnoar at bồ bol khai dê phan poan jơng in, jơl tus di tŭ ală jơnau Yàng Tom Trồ dê gơlik gơs di ngan.