II Kôrintô 7:9 - Sră Goh 2018

⁹ Tŭ do añ hòn chò wơl, ò di bơh oh mi neh moat jrùng, mơya bơh oh mi neh kong moat jrùng nàng lam tus hơ bơta gơjrañ sang glài: Ngan oh mi neh moat jrùng jat nùs kòñ Yàng Tom Trồ dê, tian gơs oh mi òhềt kong roh bơta lơi tài bơh bol hi.

II Kôrintô 7:9 ပူးပေါင်းရင်းမြစ်များ

Đơs Crih 38:18

Añ yal glài iơh bơsak añ jê, Añ moat jrùng bơh tồi glài añ jê.

Cau Bơto 7:3

Jê sồt moat jrùng niam rlau mơ cau ñŏ; bơh muh mat moat jrùng, mơ nùs geh hòn chò.

Sacari 12:10

“Mơ Añ rơp tuh tơlik Hwềng bơta nđàc mơ bơta rac dan hơđang hìu Dabit mơ hơđang làng bol Jerusalem. Bol khai rơp sền gŏ Bơtau mơ bol khai neh srơp, mơ bol khai rơp ñìm rac bơh Kơnràñ kung be cau ñìm rac bơh dô nă kòn dùl, mơ ñìm rac sràt bơtang bơh Kơnràñ, kung be cau moat jrùng jê sồt bơh dô nă kòn klau tơnhoa he dê.

Mathiơ 3:8

Gơlik tĕ plai di pal mơ bơta gơjrañ sang glài.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 15:32

Mơya di pal ngan sa chò hòp mơ hòn chò, bơh oh mê do neh chơt mơ kis wơl, neh roh mơ geh bàn wơl.’”

Luka 15:7

Kung behơ̆ sơl, Añ đơs mơ bol mê, hơđang trồ rơp hòn chò bơh dô nă cau glài gơjrañ sang glài rlau mơ sin jơt sin nă cau song ring ò càng gơjrañ sang glài.

Broă 20:21

Bơto tơnggit cau Juda kung be cau Grek in bơh bơta gơjrañ sang glài gơwèt hơ Yàng Tom Trồ mơ bơta dòn di Yàng Jesu Krist la Yàng bol he dê.

II Kôrintô 1:12

Bơh bơta hừh nùs bol hi dê la be do: Nùs tồr bol hi lơh cơng lah bol hi ai bơta sàng goh mơ bơta song ngan Yàng Tom Trồ dê mơ lơh lòt tòm dunnia do, sơnròp ngan la gơwèt mơ oh mi, ò kơnòm di bơta jak chài jat poac să dê, mơya kơnòm di bơta nđàc Yàng Tom Trồ dê.

II Kôrintô 2:16

gơwèt mơ cau roh rui, ƀô bơta chơt dê lơh gơs chơt; gơwèt mơ cau geh dong klàs, ƀô bơta kis dê lơh gơs kis. Ñcau di pal lơh ală bơta do taih?

II Kôrintô 7:8

Dilah sră pơyoa añ jê neh lơh oh mi in moat jrùng, gen bulah añ neh pơlai, mơya tŭ do ò tai pơlai, bơh añ gŏ sră pơyoa hơ̆ mìng lơh oh mi in moat jrùng ing lơm.