II Kôrintô 7:8 - Sră Goh 2018

⁸ Dilah sră pơyoa añ jê neh lơh oh mi in moat jrùng, gen bulah añ neh pơlai, mơya tŭ do ò tai pơlai, bơh añ gŏ sră pơyoa hơ̆ mìng lơh oh mi in moat jrùng ing lơm.

II Kôrintô 7:8 ပူးပေါင်းရင်းမြစ်များ

Ñìm Rac 3:32

Bulah Kơnràñ neh lơh jê sồt moat jrùng, Kơnràñ rơp nđàc sơngit jat bơta tơngkah tơngkañ nùs kòñ gơboh kơ̆ dơn Kơnràñ dê;

Jang 16:6

Mơya tài bơh Añ neh yal ală bơta hơ̆ bol mê in, gen nùs bol mê bềng bơta moat jrùng.

Jang 21:17

Kơnràñ đơs tai mơ khai dơ̆ pe lah: “Ơ Simôn, kòn Jôna, mê gơboh di Añ sơl?” Pier moat jrùng bơh Kơnràñ đơs tai mơ khai dơ̆ pe: “Mê gơboh di Añ sơl?” Gen khai đơs lah: “Ơ Yàng, Kơnràñ git jơh ală bơta, Kơnràñ git lah añ gơboh di Kơnràñ.” Yàng Jesu đơs lah: “Ròng siam tĕ ală belàt Añ jê.

II Kôrintô 7:11

Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

II Kôrintô 7:12

Behơ̆, dilah añ neh cih oh mi in gen ò di tài bơh cau neh lơh bơta tìs hơ̆ hala kung ò di tài bơh cau kong lơh bơta tìs hơ̆, mơya nàng bơta duh hul oh mi dê gơwèt mơ bol hi geh yal tơlik oh mi in di đap Yàng Tom Trồ.

II Kôrintô 7:6

Mơya Yàng Tom Trồ, la Bơtau pơndòm pơniang cau gơplơ̆ nùs, neh pơndòm pơniang bol hi bơh Tit lòt tus;

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

II Kôrintô 7:9

Tŭ do añ hòn chò wơl, ò di bơh oh mi neh moat jrùng, mơya bơh oh mi neh kong moat jrùng nàng lam tus hơ bơta gơjrañ sang glài: Ngan oh mi neh moat jrùng jat nùs kòñ Yàng Tom Trồ dê, tian gơs oh mi òhềt kong roh bơta lơi tài bơh bol hi.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.