II Kôrintô 7:7 - Sră Goh 2018

⁷ Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

II Kôrintô 7:7 ပူးပေါင်းရင်းမြစ်များ

Đơs Crih 141:5

Lòi cau song ring pù lơh añ; hala cau dòn song bơto pơnniam wơl añ. Mơya bañ lòi mơñà cau iơh bơsak dê bong di bồ añ, Bơh añ hòi dan sùm tòmdră mơ ală broă iơh bơsak bol khai dê.

Đơs Crih 30:5

Bơh bơta gơjrañ Kơnràñ dê gơs tòm dô ơthoa; ai bơta kòñ nđàc Kơnràñ dê jơh dô rài. Bơta ñìm rac tus ơm ing dô mơnang, Mơya àng drim gen gơs bơta hòn chò.

Đơs Crih 38:18

Añ yal glài iơh bơsak añ jê, Añ moat jrùng bơh tồi glài añ jê.

Đơs Crih 51:1

Ơ Yàng Tom Trồ, dan kòñ nđàc di añ jat nùs kòñ gơboh kơ̆ dơn Kơnràñ dê; Dan jùt jơh ală bơta tìs glài añ jê, jat bơta kòñ nđàc dờng ơnàng Yàng dê.

Mathiơ 26:75

Pier kah wơl jơnau Yàng Jesu neh đơs lah: “Lài mơ tŭ iar nrau, mê rơp pơndang sang Añ pe dơ̆.” Gen khai lik lòt, ñìm rac ròc pơt wòl.

Mathiơ 5:4

Lơngai ală cau moat jrùng in, bơh rơp geh pơndòm pơniang!

Luka 22:44

Tòm bơta jê sồt bòl glar ngan Kơnràñ hòi dan sơlo rac ròc, kơlhề gơlik gơs be ntòc mhàm dờng rung di tiah.]

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Rôma 1:12

hơ̆ la nàng bol he rgơi dong kòl bal mơ gơp bơh bơta dòn bol he dê, hơ̆ la oh mi dê mơ añ jê sơl.

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

II Kôrintô 1:14

kung be oh mi neh git wă dô êt bơh bol hi lah bol hi la bơta hòn chò oh mi dê, ò gơkrơi be oh mi kung la bơta hừh nùs bol hi dê tòm ngai Yàng Jesu bol he dê.

II Kôrintô 1:4

Kơnràñ pơndòm pơniang bol hi tòm jơh ală bơta bòl glar bol hi dê, tồ bơh bơta pơndòm pơniang mơ Yàng Tom Trồ neh pơndòm pơniang bol hi, gen bol hi kung rgơi pơndòm pơniang cau ndai tòm bơta bòl glar lơi bol khai tìp sơl.

II Kôrintô 2:9

Tài bơh hơ̆ mơ añ neh cih oh mi in, nàng lòng sền tồ git oh mi dòn bơr tòm ală bơta hala ò.

II Kôrintô 5:2

Ngan bol he rac ròc tòm hìu ing do mơ jơh nùs kơp kòñ geh dòp soh hìu bol he dê bơh đang trồ,

II Kôrintô 7:6

Mơya Yàng Tom Trồ, la Bơtau pơndòm pơniang cau gơplơ̆ nùs, neh pơndòm pơniang bol hi bơh Tit lòt tus;

II Kôrintô 7:8

Dilah sră pơyoa añ jê neh lơh oh mi in moat jrùng, gen bulah añ neh pơlai, mơya tŭ do ò tai pơlai, bơh añ gŏ sră pơyoa hơ̆ mìng lơh oh mi in moat jrùng ing lơm.

II Kôrintô 8:16

Ưnngài Yàng Tom Trồ, Kơnràñ neh ơn tòm nùs Tit gơs bơta kơlôi ngac ngar gơwèt mơ oh mi kung be añ sơl.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Kôlôse 2:5

Bơh bulah să jan añ ơm ngài, mơya hwềng nùs añ kư̆ ơm bal mơ oh mi, hòn chò gŏ oh mi gơs bơta rơndap tap sèng niam mơ bơta dòn kơ̆ nền tòm Bơtau Krist.

I Tesalônika 3:6

Tŭ do Timôthe pa rê wơl bơh di oh mi, khai yal wơl bol hi in jơnau niam bơh bơta dòn mơ nùs kòñ gơboh oh mi dê. Mơ khai yal lah oh mi òs kơlôi kah bol hi dô bă niam ngan, jơh nùs kơp kòñ tòmtìp mơ bol hi, kung be bol hi jơh nùs kơp kòñ tòmtìp mơ oh mi sơl.

I Tesalônika 3:8

Bơh tòm tŭ do ngan bol hi kis, dilah oh mi ntào kơ̆ tòm Yàng.

Hebrơ 2:1

Gen tàng, bol he sơlo pal ơn nùs kơlôi nền cê di ală bơta he neh kơno, rngòt bol he kòl pơrdô mòn.

Jakơ 5:17

Eli la cau be bol he, mơ tòm tŭ khai jơh nùs hòi dan nàng ò gơs mìu, gen ò gơs mìu hơđang ù tòm pe sơnam mơ prau kơnhai.

II Jang 1:4

Añ gơs nùs hòn chò ngan gŏ cau ƀà tòm ală kòn mò dê lơh jat jơnau song, kung be bol he neh geh jơnau sồr bơh Yàng bèp.

Jude 1:3

Ơ ală oh mi kòñ gơboh, tòm tŭ añ jơh nùs kòñ cih oh mi in bơh bơta dong klàs bal bol he dê, gen añ kơlôi la pal càng cih nàng bơto tơngkah oh mi lah pal jơh nùs tòmlơh tài bơh bơta dòn, la bơta neh jào ală cau sàng goh in dô dơ̆ tơl rau.