II Kôrintô 7:4 - Sră Goh 2018

⁴ Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

II Kôrintô 7:4 ပူးပေါင်းရင်းမြစ်များ

Broă 5:41

Behơ̆ ală cau gơnoar bơto dờng lik rê bơh di Mpồl Kwang Tơrña, hòn chò bơh geh kòp la di pal neh kong bơtat bơtròh bơh sơnđan Yàng Jesu.

Rôma 5:3

Ò di mìng behơ̆ lơm ò, mơya bol he kung jòng să tòm bơta jê sồt bòl glar sơl, bơh git lah bơta jê sồt bòl glar tơnggơs bơta kơ̆ nùs,

I Kôrintô 1:4

Añ bơh oh mi mơ ưnngài Yàng Tom Trồ sùm, tài bơh bơta nđàc Yàng Tom Trồ dê neh ai oh mi in tòm Yàng Krist Jesu.

II Kôrintô 1:14

kung be oh mi neh git wă dô êt bơh bol hi lah bol hi la bơta hòn chò oh mi dê, ò gơkrơi be oh mi kung la bơta hừh nùs bol hi dê tòm ngai Yàng Jesu bol he dê.

II Kôrintô 1:4

Kơnràñ pơndòm pơniang bol hi tòm jơh ală bơta bòl glar bol hi dê, tồ bơh bơta pơndòm pơniang mơ Yàng Tom Trồ neh pơndòm pơniang bol hi, gen bol hi kung rgơi pơndòm pơniang cau ndai tòm bơta bòl glar lơi bol khai tìp sơl.

II Kôrintô 10:8

Bulah añ jòng să rlau dô êt bơh gơnoar Yàng neh ai gòi nàng bơt bơtào oh mi, ò di nàng sòr tơrlah oh mi, gen añ kung ò ƀàssìl sơl,

II Kôrintô 11:21

Añ ai lơh ƀàssìl mơ đơs jơnau do, gơlơh be bol hi neh lơbơn lơño. Mơya dilah gơs cau ndai khin cha jòng să bơh bơta lơi, gen añ kung khin cha sơl; añ đơs be cau tùl gơla.

II Kôrintô 2:14

Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 7:14

Dilah añ neh jòng să dô êt lơi bơh oh mi di đap Tit, gen kung ò ƀàssìl; bơh bol hi neh đơs bơh oh mi la song ngan, be jơh ală bơta añ neh jòng să oh mi di đap Tit kung la ngan sơl.

II Kôrintô 8:24

Behơ̆, ơm di đap ală Hìu Jum Goh, ală oh mi yal tĕ bol khai in nùs kòñ gơboh oh mi dê, mơ bơta jòng să bol hi dê bơh oh mi la di ngan.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Philip 1:26

tồ tŭ lơi añ rê wơl mơ ală oh mi, gen oh mi rơp gơs oă bơta nàng geh jòng să bơh añ tòm Yàng Krist Jesu.

Philip 2:17

Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

I Tesalônika 2:19

bơh bơta gơn kơnòm, bơta hòn chò mơ bơta jòng să be sơgơn bơtau di đap Yàng Jesu bol he dê tòm tŭ Kơnràñ tus wơl la ñchi taih? Ò di la oh mi ò ơ?

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

II Tesalônika 1:4

tian gơs să tòm bol hi kung bơh oh mi mơ jòng să tòm ală Hìu Jum Goh Yàng Tom Trồ dê, bơh bơta ơt ơl mơ bơta dòn oh mi dê tòm jơh ală bơta kup kơryan mơ bơta jê sồt bòl glar mơ oh mi gam kong.

Philemôn 1:7

Mơ tai, ơ bi, añ neh geh hòn chò mơ pơndòm pơniang oă ngan bơh nùs kòñ gơboh bi dê, tài bơh kơnòm di bi mơ nùs ală cau sàng goh neh geh rài bòl.

Jakơ 1:2

Ơ oh mi añ jê, tòm tŭ oh mi tìp li bơta gơlòng bòl glar gen sền tĕ jơh ală bơta hơ̆ be la bơta hòn chò dờng,