II Kôrintô 7:3 - Sră Goh 2018

³ Añ ò di đơs bơta hơ̆ nàng lơh nền glài oh mi; bơh añ neh đơs lài lah oh mi ơm tòm nùs bol hi dê, nàng kis bal chơt bal mơ gơp.

II Kôrintô 7:3 ပူးပေါင်းရင်းမြစ်များ

II Kôrintô 11:11

Ñchi bơh tài añ đơs behơ̆ taih? Tài bơh añ ò kòñ gơboh di oh mi sơl ơ? Neh gơs Yàng Tom Trồ git!

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 13:10

Tài bơh hơ̆, tŭ añ neh ngkòi mat añ neh cih ală bơta do, nàng dơ̆ añ tòm mat ò càng lơh kràñ cê, jat be gơnoar Yàng ai añ in nàng bơt bơtào, ò di nàng sòr tơrlah.

II Kôrintô 3:2

Oh mi la sră pơyoa bol hi dê, cih tòm nùs bol hi dê, jơh tơl nă cau git bal mơ sền bal.

II Kôrintô 7:12

Behơ̆, dilah añ neh cih oh mi in gen ò di tài bơh cau neh lơh bơta tìs hơ̆ hala kung ò di tài bơh cau kong lơh bơta tìs hơ̆, mơya nàng bơta duh hul oh mi dê gơwèt mơ bol hi geh yal tơlik oh mi in di đap Yàng Tom Trồ.

Philip 1:7

Añ kah jơh ală oh mi behơ̆ la di ngan, tài bơh añ jơh nùs kòñ gơboh di oh mi; bulah tòm tŭ añ ơm jàm, hala tòm tŭ tò să mơ lơh cơng bơh Jơnau Niam, gen jơh ală oh mi kung dòp geh bơta nđàc bơh Yàng Tom Trồ be añ sơl.

I Tesalônika 2:8

Bol hi neh gơs nùs đềt mềr di oh mi, gen tàng bol hi gơs nùs hòn chò ngan ò di mìng tòmpà Jơnau Niam Yàng Tom Trồ dê oh mi in lơm, mơya tus di să tòm bol hi sơl. Bơh oh mi la cau bol hi kòñ gơboh ngan.