II Kôrintô 7:11 - Sră Goh 2018

¹¹ Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

II Kôrintô 7:11 ပူးပေါင်းရင်းမြစ်များ

Nehemi 13:25

Añ lah pơrhơng bol khai, srat rma bol khai, pù lơh bàr pe nă bol khai, dŭi sŏ bol khai, sồr bol khai sơnio Yàng Tom Trồ mơ srat lah: “Bol mê rơp ò tòmbau kòn ùr bol mê dê mơ kòn klau bol khai dê, kung ò tòmbau kòn klau bol mê dê mơ kòn ùr bol khai, hala să tòm bol mê ò bau mơ bol khai.

Sră Jop 42:6

Gen tàng, añ ai lơh cù kìr bơh să tòm añ, Mơ gơjrañ sang glài tòm kơmbuh ù mơ bùh.”

Đơs Crih 119:139

Bơta ngac ngar sa roh añ, Tài bơh cau sò tơm añ hŭi jơnau Kơnràñ dê.

Đơs Crih 130:6

Hwềng soàn añ kơp gơn Yàng Jehôwa Rlau mơ cau kơp gơn àng drim, Ngan, rlau mơ cau drơng mang kơp gơn àng drim.

Đơs Crih 145:19

Kơnràñ lơh hừh nùs jơh ală cau duh rngòt di Kơnràñ, Kung iat jơnau hòi dan bol khai dê mơ dong klàs bol khai.

Đơs Crih 2:11

Duh tĕ broă Yàng Jehôwa dô bă duh rngòt, Mơ hòn chò tĕ dô bă rơm să.

Đơs Crih 35:13

Ai añ tòm tŭ bol khai kòp jê, añ soh bài sơnò kiat, Ai bơta ơt sa mơ bơklơn să jan añ, Añ kun bồ mơ hòi dan,

Đơs Crih 38:9

Ơ Yàng, Kơnràñ git jơh ală bơta kơp kòñ añ jê, Bơta rac ròc añ jê ò ndơp di đap Yàng.

Đơs Crih 42:1

Ơ Yàng Tom Trồ, hwềng soàn añ kòñ ngan geh Yàng, Kung be jùn me tơhìr ngan dà croh.

Đơs Crih 69:9

Bơh bơta ngac ngar bơh hìu Kơnràñ dê sa roh añ; Ală jơnau bơtat bơtròh cau đơs bơtat bơtròh di Kơnràñ, gơ neh dùh hơđang añ.

Jơnau Pơnđik 14:16

Cau jak chài rngòt mơ pleh klàs di bơta iơh; Mơya cau tùl gơla pơnhừ să, mơ ò git kơrhia.

Jơnau Pơnđik 28:14

Cau lơi òs duh rngòt sùm sùm gơs lơngai ngan; ai cau lơi kơldang nùs rơp dùh tòm bơta sơbơng rơng.

Đơs Chò 8:6

Ơn tĕ añ be dô nơm ƀang kì di nùs mê, be dô nơm ƀang kì hơđang tơwòr tê mê; Bơh bơta kòñ gơboh pràn be bơta chơt, nùs ƀoah pơrñat iơh bơsak be lơgar làng ƀồc; Bơta duh gơ dê la bơta duh ồs dê, ngan dô nơm lơmpiat ồs Yàng Jehôwa dê.

Esai 26:8

Tòm gùng bơta cahrña Kơnràñ dê, ơ Yàng Jehôwa, bol hi kơp gơn Kơnràñ; Sơnđan Kơnràñ mơ bơta kirsơnre bơh Kơnràñ, la bơta hwềng soàn bol hi hàm kòñ.

Esai 66:2

Jơh ală bơta do la bơh tê Añ neh lơh gơs, mơ jơh ală bơta do gơrê mơ Añ.” Yàng Jehôwa đơs behơ̆. “Mơya do la cau mơ Añ sền dờng màng: hơ̆ la cau pơndêt să mơ gơs hwềng nùs jê sồt moat jrùng bơh tồi glài, mơ rơm să rngòt tòm tŭ kơno jơnau đơs Añ jê.

Daniel 6:14

Tòm tŭ bơtau kơno ală jơnau hơ̆ gen khai dơrcul ngan; bơtau lơh nền tòm nùs nàng dong tă Daniel, mơya jơl tus di tŭ mattơngai mut, khai pơnđơl jơh pràn kung òhềt jòi bàn gùng lơi tồ dong klàs Daniel.

Jơnau Niam Jat Mak 3:5

Tŭ hơ̆ Kơnràñ sền làm di bol khai, gơjrañ mơ moat tài bơh nùs bol khai kră kơldang mơ tìs nrah, lồc behơ̆ Kơnràñ đơs mơ cau klau lah: “Pò tĕ tê mê dê.” Gen khai pò tê mơ gơ bòi.

Jang 2:17

Cau bơtê Kơnràñ dê kah wơl jơnau neh cih lah: “Bơta duh hul bơh hìu mê dê chu pơrguc Añ.”

Broă 17:16

Tŭ hơ̆, Pol ơm gơn Sila mơ Timôthe tòm ƀòn dờng Athen, khai gơjrañ ngan tòm tŭ gŏ tòm ƀòn dờng hơ̆ bềng lìu ală rùp ràk.

Rôma 11:20

Hơ̆ la song ngan; ală ntê neh jơh koh tài bơh ò dòn, mơ mê gam ntào tài bơh bơta dòn. Mê bañ pơnhừ să, mơya rngòt rngơt tĕ.

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

I Kôrintô 12:25

nàng ò gơs bơta cah is tòm să jan; pơrlơ̆ wơl, ală pơnah pal kơlôi rcang bal mơ gơp.

I Kôrintô 5:13

Be Sră Goh cih lah: “Tă sang tĕ cau iơh bơsak bơh digùl oh mi.”

I Kôrintô 5:2

Mơ oh mi gam jòng să he taih? Chan oh mi moat jrùng la niam rlau, mơ cau neh tìs glài hơ̆ pal tă tơlik bơh digùl oh mi.

II Kôrintô 13:7

Mơya bol hi hòi dan mơ Yàng Tom Trồ oh mi in bañ lơh broă iơh lơi, ò di nàng yal tơlik lah bol hi geh tơl rnoas, mơya tồ oh mi in lơh bơta niam, bulah bol hi gơlơh be neh kong alah rau.

II Kôrintô 2:6

Cau hơ̆ neh gơtìp oă cau lah pơrhơng, gen neh tơl rau;

II Kôrintô 6:4

Mơya tòm jơh ală bơta, bol hi yal tơlik să tòm bol hi be cau duh broă Yàng Tom Trồ dê, jơh nùs ơt ơl, tòm bơta rung rài, bòl glar, pluh plàng,

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

II Kôrintô 7:7

Ò di mìng bơh khai lòt tus lơm ò, mơya tài bơh bơta pơndòm pơniang khai neh geh bơh di oh mi sơl, bơh khai neh yal wơl bol hi in git oh mi kơp kòñ ngan tìp añ, bơta moat jrùng oh mi dê, mơ nùs ngac ngar oh mi dê gơwèt mơ añ, tian gơs lơh añ in sơlo hòn chò bơtơl tai.

II Kôrintô 7:9

Tŭ do añ hòn chò wơl, ò di bơh oh mi neh moat jrùng, mơya bơh oh mi neh kong moat jrùng nàng lam tus hơ bơta gơjrañ sang glài: Ngan oh mi neh moat jrùng jat nùs kòñ Yàng Tom Trồ dê, tian gơs oh mi òhềt kong roh bơta lơi tài bơh bol hi.

II Kôrintô 9:2

Bơh añ git nùs rcang sir oh mi dê, mơ añ kung jòng să bơh oh mi mơ cau Masedoan lah cau Acai rcang lài bơh dô nam rau, mơ bơta ngac ngar oh mi dê neh chồl nùs oă cau ndai.

Ephesô 4:26

Dilah gơs bơta gơjrañ gen bañ tìs glài, bañ prap bơta gơjrañ jơl tus di tŭ mattơngai mut,

Ephesô 5:11

Bañ gơs bơta gơtòmklac bal tòm broă ò kwơ bơta klam jơngo dê, chan lah pơrhơng bol khai la niam rlau,

Philip 2:12

Behơ̆ gen, ơ ală cau đềt mềr añ jê, be oh mi neh dòn bơr sùm sùm, ò di mìng tòm tŭ gơs añ lơm ò, mơya tòm tŭ do añ neh ngkòi, gen oh mi pal sơlo dòn bơr rlau tai, ai tĕ nùs rngòt rơm să nàng lơh gơs bơta dong klàs oh mi dê.

I Tesalônika 4:6

bañ gơs cau lơi lơh tìs mơ lơh iơh mơ oh mi he tòm broă hơ̆, tài bơh Yàng la Bơtau sal wơl jơh ală bơta hơ̆, kung be bol hi neh đơs lài mơ neh lơh cơng oh mi in rau.

I Timôthe 5:20

Cau tìs glài, gen lah pơrhơng tĕ bol khai di đap jơh ală cau nàng lơh cau ndai in rngòt.

II Timôthe 2:15

Jơh nùs tĕ tơlik mat nàng niam nùs Yàng Tom Trồ, be dô nă cau lơh broă ò ƀàssìl yal tơlik jơnau song dê dô bă song ngan.

Sră Pơyoa Pol Dê Pơyoa Tit In 3:8

Jơnau hơ̆ la nền cê ngan, añ kòñ mê đơs nền ală bơta hơ̆ dô bă pràn kơldang tồ ală cau in neh dòn jat Yàng Tom Trồ gen jơh nùs tơryang tơryồng lơh ală broă niam, hơ̆ la ală bơta niam mơ gơs kwơ cau in.

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 1:17

Dilah oh mi hòi dan mơ sơnđan Kơnràñ la Bèp, la Bơtau ò sền òsơp di cau lơi mơ cahrña kòp nă cau jat be broă lơh bol khai dê, gen ai tĕ nùs duh rngòt nàng lơh lòt tòm tŭ ơm ing tòm rài do.

I Pier 2:2

Kòñ gơboh tĕ di dà toh sàng goh đah hwềng, be ală kòn dềt pa deh, tồ oh mi in kơnòm di bơta hơ̆ nàng gơlik gơs dờng mơ geh dong klàs,

Jude 1:23

dong klàs tĕ ală cau ndai, tă bol khai lik klàs bơh di ồs; ai ală cau ndai tai gen oh mi ai tĕ nùs kòñ nđàc bal mơ nùs rngòt, gơjrañ kơuềng tơn di ào kòl poac să lơh ƀơ̆ ƀơl.

Yal Tơlik 3:19

Ală cau lơi Añ kòñ gơboh, gen Añ lah pơrhơng mơ lơh glài tơmàl sơl; behơ̆ gơs tĕ nùs ngac ngar mơ gơjrañ sang glài tĕ.