II Kôrintô 7:10 - Sră Goh 2018

¹⁰ Bơh bơta moat jrùng jat nùs kòñ Yàng Tom Trồ dê gơlik gơs bơta gơjrañ sang glài lam tus hơ bơta dong klàs, la bơta ò càng pơlai; mơya bơta moat jrùng jat dunnia dê gơlik gơs bơta chơt.

II Kôrintô 7:10 ပူးပေါင်းရင်းမြစ်များ

Sơnròp Gơlik Gơs 30:1

Dơ̆ Racel gŏ khai ò deh kòn Jakôp in, gen khai ƀoah di bi ùr khai, mơ đơs mơ Jakôp lah: “Ai tĕ añ in kòn, dilah ò gen añ chơt.”

II Samuel 12:13

Dabit đơs mơ Nathan lah: “Añ neh tìs glài mơ Yàng Jehôwa.” Nathan ho lah: “Yàng Jehôwa neh sang tồi glài bơtau dê; bơtau rơp ò chơt.

II Samuel 13:4

Jônadap đơs mơ Amnôn lah: “Ơ kòn klau bơtau, ñchi bơh tài sơlo ngai mê sơlo rgai rgong behơ̆ taih? Mê rơp yal añ in git sơl?” Amnôn ho: “Añ kòñ gơboh Tamar, oh ùr Apsalôm la oh klau añ jê.”

II Samuel 17:23

Tòm tŭ Ahitôphel gŏ cau ò lơh jat jơnau bơyai khai dê gen khai kơt ừn alàng mơ rê wơl hơ hìu khai tòm ƀòn tòm khai dê. Khai rơndap niam hìu khai dê, mơ yồng is să khai. Behơ̆ khai chơt mơ tơp tòm bơtô ƀồc bèp khai dê.

I Ală Bơtau 21:4

Ahap rê hìu moat mơ gơjrañ, bơh jơnau Nabôt, cau Jejreel neh đơs mơ khai; bơh khai neh đơs lah: “Añ rơp ò ai bơtau in sre brê ồng pàng añ jê.” Ahap bic hơđang cơnòng, wèt mat đah dơrñang, mơ ò bài sa.

Đơs Crih 38:18

Añ yal glài iơh bơsak añ jê, Añ moat jrùng bơh tồi glài añ jê.

Jơnau Pơnđik 15:13

Nùs hừh hơh lơh muh mat chò hòp; Mơya tài bơh nùs moat jrùng gen hwềng nùs gơkòl dơrcul.

Jơnau Pơnđik 15:15

Ală ngai cau siơ̆u siar dê, la kalke lơm; Mơya nùs hừh hơh ơm tòm bơta ñô sa sùm sùm.

Jơnau Pơnđik 17:22

Nùs hòn chò ngan la sơnơm ƀă tàm; Ai dơngoh kơlôi moat lơh hwềng soàn ro rañ.

Jơnau Pơnđik 18:14

Hwềng nùs cau yò tơngguh să jan kòp jê; Mơya hwềng nùs gơhuc gơplơ̆ ñcau kong jai taih?

Cau Bơto 7:3

Jê sồt moat jrùng niam rlau mơ cau ñŏ; bơh muh mat moat jrùng, mơ nùs geh hòn chò.

Jeremi 31:9

Bol khai ñìm rac mơ tus, mơ Añ rơp tề lam tòm bơta rac dan; Añ rơp jun bol khai lòt rò gah ală hiòng, Jat gùng song ngan, ò kòl gơtup pừ. Bơh Añ neh lơh gơs bèp Israel in, Ai Epraim la kòn tơnhoa Añ jê.

Ejekiel 7:16

Jơh ală cau gam kis mơ geh lik klàs rơp ơm hơđang ală mơnơm, rac ròc kung be sềm ntòp tòm thòng, kòp nă tài bơh tồi glài khai dê.

Jôna 3:10

Tòm tŭ Yàng Tom Trồ gŏ bơta bol khai neh lơh, mbe bol khai neh pơrlac sang ală gùng iơh bơsak bol khai dê, Yàng Tom Trồ tòmgơl nùs bơh bơta rung rài mơ Kơnràñ neh đơs rơp tơndùh hơđang bol khai, mơ Kơnràñ neh ò lơh bơta hơ̆.

Jôna 3:8

Kòn mơnus mơ phan poan jơng pal soh ƀào sơnò kiat, mơ bol khai pal hòi dan rac ròc dô bă pràn ngan mơ Yàng Tom Trồ. Kòp nă pal sang tĕ ală gùng iơh mơ bơta jàñ bơsak hơ̆ bơh tê bol khai lơh.

Jôna 4:9

Mơya Yàng Tom Trồ đơs mơ Jôna lah: “Mê gơhào gơjrañ tài bơh che rpung brê do di sơl?” Khai ho lah: “Ngan, Añ gơjrañ jơl chơt kung di sơl.”

Mathiơ 26:75

Pier kah wơl jơnau Yàng Jesu neh đơs lah: “Lài mơ tŭ iar nrau, mê rơp pơndang sang Añ pe dơ̆.” Gen khai lik lòt, ñìm rac ròc pơt wòl.

Luka 15:10

Kung behơ̆ sơl, Añ đơs mơ bol mê, ală cau gơnrơh Yàng Tom Trồ dê rơp hòn chò bơh dô nă cau glài gơjrañ sang glài.”

Luka 18:13

Ai cau dar dia ơm ngài ngài, ò khin tơnggòr mat hơđang trồ, tur ntơh he mơ đơs lah: ‘Khoai Yàng Tom Trồ, dan nđàc sơngit di añ la cau glài.’

Broă 11:18

Dơ̆ bol khai kơno jơnau hơ̆, gen ơm mŏ mŏ, lồc behơ̆ jòng ro Yàng Tom Trồ lah: “Behơ̆, Yàng Tom Trồ kung neh ai bơta gơjrañ sang glài làng bol bơdìh in tồ bol khai geh bơta kis.”

Broă 3:19

Behơ̆, dilah ală oh mi gơjrañ sang glài mơ rê wơl hơ Yàng Tom Trồ, gen tồi glài bol mê geh toh jơh,

II Kôrintô 12:21

Kung rngòt lah dơ̆ añ lòt tus, gen Yàng Tom Trồ añ jê lơh añ in ƀàssìl bơh oh mi, mơ añ pal moat jrùng bơh oă cau neh tìs glài lài òr, mơ ò bài gơjrañ sang glài bơh bơta ngkòr ngkàc, rềs àr bơrnàn, bung jang mơ bol khai neh tìs.

II Kôrintô 7:9

Tŭ do añ hòn chò wơl, ò di bơh oh mi neh moat jrùng, mơya bơh oh mi neh kong moat jrùng nàng lam tus hơ bơta gơjrañ sang glài: Ngan oh mi neh moat jrùng jat nùs kòñ Yàng Tom Trồ dê, tian gơs oh mi òhềt kong roh bơta lơi tài bơh bol hi.

Hebrơ 12:17

Ngan behơ̆, oh mi git lah tơnơ̆ wơl tòm tŭ khai kòñ geh pơrdòn lơngai lơngò, mơya kòl sang lòi, bulah khai ñìm rac mơ jòi kung ò bàn bơta tòmgơl nùs bèp khai dê.

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.