II Kôrintô 6:9 - Sră Goh 2018

⁹ sền be cau nac crih mơya la cau mòng ngan; sền be mòr chơt mơya do gam kis; sền be kòl lơh glài tơmàl mơya ò kòl tơnchơt;

II Kôrintô 6:9 ပူးပေါင်းရင်းမြစ်များ

Broă 17:18

Gơs ală cau bơto tòm mpồl cau Epikurien mơ cau Stoic kung tòm pơndang mơ khai. Cau ƀà lùp lah: “Ñchi cau jak đơs do kòñ đơs taih?” Cau ƀà tai đơs lah: “Gơlơh be khai bơto yal bơh ală yàng lơgar bơdìh,” tài bơh Pol bơto yal Jơnau Niam bơh Yàng Jesu mơ bơta kis wơl.

Broă 19:26

Ală oh mi gŏ mơ kơno lah ò di mìng tòm Ephesô lơm ò, mơya kung mòr jơh kơnhwàl Asia sơl, Pol do neh bơchồt mơ lơh pơrlơ̆ nùs oă cau, mơ đơs lah ală yàng bơh tê cau lơh gơs gen ò di la yàng.

Broă 25:19

mìng bơh ală bơta tòm pơndang bơh gùng duh khoai is bol khai dê mơ bơh dô nă cau sơnđan la Jesu neh chơt rau, mơya Pol đơs nền lah gam kis.

Broă 25:26

Mơya añ ò gơs bơta lơi nền cê bơh khai nàng yal bơtau in, gen tàng añ hòi khai lòt tus di đap ală ồng, lài ngan la di đap bơtau Agrippa, nàng dơ̆ neh sơwì rau, gen añ gơs bơta nàng cih bơtau in.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Rôma 8:36

Be neh cih lah: “Tài bơh Yàng tàng bol he kong cau tơnchơt ngai mho; Bol khai sền bol he be belàt cau neh lơh nền nàng lơh poac.”

I Kôrintô 11:32

Mơya tòm tŭ bol he neh kong cahrña, hơ̆ la kong Yàng lơh glài tơmàl nàng bol he in klàs di bơta lơh nền glài bal mơ dunnia.

I Kôrintô 15:31

Ơ oh mi, bơta jòng să añ gơs bơh oh mi tòm Yàng Krist Jesu la Yàng bol he dê, mơ añ đơs nền lah añ chơt kòp ngai.

I Kôrintô 4:9

Bơh añ kơlôi lah Yàng Tom Trồ neh ràng tơlik bol hi la ală cau gơnoar bơto dờng gơlik gơs cau lồi dut, kung be cau glài pal kong chơt; bơh bol hi gơlik gơs phan dơñŏ tơnhial di đap dunnia, cau gơnrơh mơ kòn mơnus sơl.

II Kôrintô 11:6

Bulah jơnau đơs añ jê sền be ò jak, mơya bơta git jak añ jê ò di behơ̆: Gơpơrlơ̆ wơl, bol hi neh yal bơta hơ̆ oh mi in tòm jơh ală broă mơ jơh ală bơta.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.