II Kôrintô 6:8 - Sră Goh 2018

⁸ bulah gơs bơta gơklŏ hala bơta ƀàssìl, bulah gơs tiơng pơnro iơh hala niam. Sền be cau pơrlồm mơya la cau song ngan;

II Kôrintô 6:8 ပူးပေါင်းရင်းမြစ်များ

Mathiơ 10:25

Cau bơtê gơs be cau bơto, cau dĭ gơs be cau tòm, gen tơl rau. Dilah cau tòm hìu kung neh kòl cau sơnđan la Beeljebul, tơ ài lah cau ơm tòm hìu.”

Mathiơ 22:16

Bol khai sồr ală cau bơtê bol khai dê, bal mơ bơnòr cau Herôt tus đơs mơ Kơnràñ lah: “Ơ Cau Bơto, bol hi git ồng la cau song mơ bơto gùng Yàng Tom Trồ dê dô bă song ngan, ò cah is di cau lơi, bơh ồng ò sền đah bơdìh cau dê.

Mathiơ 27:63

mơ đơs lah: “Ơ ồng, bol hi kah cau blac pơrlồm do tòm tŭ gam kis đơs lah: ‘Tơnơ̆ mơ pe ngai gen Añ rơp kis wơl.’

Jơnau Niam Jat Mak 12:14

Behơ̆ ală cau hơ̆ lòt tus, đơs mơ Kơnràñ lah: “Ơ Cau Bơto, bol hi git ồng la cau đơs jơnau song, ò ơn nùs gơwèt hơ bơta kơlôi cau ndai dê. Bơh ồng ò sền đah bơdìh cau dê mơya bơto gùng Yàng Tom Trồ dê dô bă song ngan; behơ̆ boh dia bơtau in la tòm toh mơ bơta boh lam sơl? Bol hi pal boh dia hala ò taih?”

Jang 7:12

Tòm mpồl làng bol gơs oă jơnau đơs òm bơh Kơnràñ. Cau ƀà đơs lah: “Hơ̆ la cau lơbơn niam.” Ai cau ƀà tai đơs lah: “Ò di. Khai la cau pơrlồm mpồl làng bol.”

Broă 10:22

Bol khai ho lah: “Kornai cau at dô rhiang ling la cau song ring duh rngòt di Yàng Tom Trồ, jơh làng bol Juda neh lơh cơng niam bơh khai, khai hơ̆ neh bơh dô nă cau gơnrơh sàng goh mơ dòp jơnau sồr lòt jà ồng tus tòm hìu, mơ kơno jơnau ồng đơs.”

Broă 16:39

Behơ̆, bol khai lòt tus dan să mơ lam bàr nă ồng lik, mơ dan bol khai lik bơh di ƀòn dờng.

Broă 22:12

Tòm ƀòn dờng hơ̆ gơs dô nă cau sơnđan la Anania, la cau duh rngòt prap gàr bơta boh lam, geh jơh ală cau Juda ơm tòm Damas lơh cơng niam bơh khai.

Broă 24:5

Ngan behơ̆, bol hi neh gŏ cau do jak tơnggơs bơta iơh, neh lơh gơlik sơlồng sơlàng digùl jơh ală cau Juda tòm làm dunnia, mơ khai la cau lam bồ mpồl cau Nasaret.

Broă 28:22

Bulah behơ̆ bol hi kòñ git mbe bi kơlôi, bơh pơnah đah gùng duh khoai do bol hi git lah cau đơs tòmsò tòm làm bă tiah.”

Broă 4:21

Tơnơ̆ mơ tŭ pơhìn tai Pier mơ Jang, lồc behơ̆ hồ bol khai in rê; gŏ ò rgơi lơh glài tài bơh làng bol, bơh jơh tơl nă jòng ro Yàng Tom Trồ bơh broă neh gơlik gơs.

Broă 5:13

Ò gơs dô nă cau ndai lơi khin mut bal tòm mpồl bol khai, mơya làng bol gen sền dờng màng ngan di bol khai.

Broă 6:3

Behơ̆, dan oh mi sac tĕ tòm bơnòr he poh nă cau geh pơnro niam, bềng lìu Yàng Hwềng Goh mơ bơta jak chài, nàng bol hi rơp jào broă do bol khai in.

Rôma 3:8

Behơ̆ gen mbe bol he ò lơh bơta iơh tồ geh bơta niam taih? Be cau đơs iơh di bol hi lah bol hi bơto behơ̆. Bơta cahrña di cau hơ̆ la di pal ngan.

II Kôrintô 1:18

Ngan be Yàng Tom Trồ la Bơtau dòn song, gen jơnau bol hi đơs mơ oh mi kung ò di đơs ƀà di ƀà ò.

II Kôrintô 11:21

Añ ai lơh ƀàssìl mơ đơs jơnau do, gơlơh be bol hi neh lơbơn lơño. Mơya dilah gơs cau ndai khin cha jòng să bơh bơta lơi, gen añ kung khin cha sơl; añ đơs be cau tùl gơla.

II Kôrintô 12:16

Mơya gơs cau đơs lah bulah añ neh ò lơh pơnjê di oh mi, mơya añ la cau lac lèo, neh ngui kai gơrmơ̆i mơ kup oh mi.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

I Tesalônika 2:3

Bơh bơta bơto pơndòm bol hi dê ò di bơh bơta tìs, hala bơh bơta ngkòr ngkàc, kung ò di jat bơta lac lèo.

I Timôthe 3:7

Cau gơnoar bơto pal geh cau bơdìh lơh cơng niam bơh khai, rngòt khai kòl cau bơtat bơtròh mơ yar dă cà ràk dê.

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

Hebrơ 13:13

Behơ̆ gen, bol he lik lòt tĕ tus hơ Kơnràñ hơ bơdìh sàl mpồl jơnum dê, nàng kong bơta bơtat bơtròh bal mơ Kơnràñ.

I Pier 4:14

Dilah oh mi bơh sơnđan Bơtau Krist mơ kong bơtat bơtròh, gen oh mi geh lơngai, tài bơh Hwềng gơklŏ Yàng Tom Trồ dê ơm hơđang oh mi.

III Jang 1:12

Jơh tơl nă cau lơh cơng niam bơh Demetrius, mơ să tòm jơnau song kung lơh cơng sơl; bol hi kung lơh cơng bơh khai, mơ git jơnau lơh cơng bol hi dê la song.

Yal Tơlik 3:9

Do, Añ rơp lơh ală cau in tòm mpồl jơnum cà Satan dê, la cau sơnđan is să he la cau Juda mơ ò di la cau Juda, bol khai đơs blac; do, Añ rơp lơh bol khai in lòt tus cùn khoai di jơng mê dê, mơ bol khai rơp git lah Añ neh kòñ gơboh di mê.