II Kôrintô 6:7 - Sră Goh 2018

⁷ jơnau đơs song ngan, gơnap gơnoar Yàng Tom Trồ dê, bol hi at ală phan tòmlơh bơta song ring dê tòm tê đah ma mơ đah kiau;

II Kôrintô 6:7 ပူးပေါင်းရင်းမြစ်များ

Đơs Crih 119:43

Dan bañ tă jơnau song ngan bơh di bơr añ, Bơh añ gơn kơnòm di ală jơnau gơnoar sồr Kơnràñ dê.

Lik Ejiptơ 14:22

Cau Israel lòt gan dàlềng hơđang ù rañ rsơh, gơs dô nơm dơrñang dà đah ma mơ dô nơm đah kiau.

Jơnau Pơnđik 3:16

Tê ma gơ at bơta kis jŏ, Ai tòm tê kiau gơ gơs bơta pas sơm mơ bơta ryŭ ryơm.

Esai 11:5

Bơta song ring rơp la che but gùt dar but Kơnràñ dê, mơ bơta dòn song rơp la che but gùt dar wĕ Kơnràñ dê.

Esai 59:17

Kơnràñ soh bơta song ring lơh gơs kung be ào lòs, mơ dô nơm sơgơn lòs bơta dong klàs hơđang bồ Kơnràñ; Kơnràñ soh ồi ào bơta sal tê, mơ pùt să Kơnràñ mơ bơta gơjrañ dờng kung be dô nơm ào jrùh.

Jơnau Niam Jat Mak 16:20

Ai ală cau bơtê lik lòt bơto yal Jơnau Niam làm bă tiah. Yàng lơh broă bal mơ bol khai, mơ ai ală tềl krơi jat bal nàng lơh kơ̆ cê Jơnau Yàng.]

Broă 11:21

Gơnap gơnoar Yàng ơm mơ bol khai, gen tàng gơs oă ngan cau dòn mơ rê wơl mơ Yàng.

I Kôrintô 1:24

mơya gơwèt hơ ală cau geh hòi sac, cau Juda hala cau Grek, gen Bơtau Krist la gơnap gơnoar Yàng Tom Trồ dê mơ la bơta jak chài Yàng Tom Trồ dê.

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 7:14

Dilah añ neh jòng să dô êt lơi bơh oh mi di đap Tit, gen kung ò ƀàssìl; bơh bol hi neh đơs bơh oh mi la song ngan, be jơh ală bơta añ neh jòng să oh mi di đap Tit kung la ngan sơl.

Ephesô 1:13

Mơ oh mi kung neh gơlik gơs cau sàng goh tơnơ̆ mơ tŭ oh mi neh kơno jơnau song, la Jơnau Niam bơta dong klàs oh mi dê, mơ neh dòn di Yàng Jesu, geh tap ƀang kì mơ Yàng Hwềng Goh mơ Yàng neh ho pơgon.

Ephesô 3:20

Tŭ do gơwèt hơ Kơnràñ la Bơtau bơh gơnap gơnoar lơh broă tòm bol he, rgơi lơh tơngkah tơngkañ oă rlau mơ ală bơta bol he hòi dan mơ kơlôi sơnơng,

Ephesô 4:21

ngan oh mi neh kơno bơh Kơnràñ mơ geh bơto tòm Kơnràñ, jat be jơnau song tòm Yàng Jesu.

Kôlôse 1:5

tài bơh bơta gơn kơnòm prap lòi oh mi in hơđang trồ, la bơta lài òr oh mi neh kơno bơh jơnau song Jơnau Niam dê.

I Tesalônika 5:8

Mơya bol he la cau neh bal mơ trồ ngai, gen tàng ngac mat tĕ, dòp soh bơta dòn mơ nùs kòñ gơboh kung be ào lòs, ai bơta gơn kơnòm bơh bơta dong klàs lơh gơs kung be sơgơn lòs.

II Timôthe 2:15

Jơh nùs tĕ tơlik mat nàng niam nùs Yàng Tom Trồ, be dô nă cau lơh broă ò ƀàssìl yal tơlik jơnau song dê dô bă song ngan.

II Timôthe 4:7

Añ neh tòmlơh bơta tòmlơh niam, añ neh ntoat sir bơta ntoat pơrlòng, añ neh prap gàr bơta dòn.

Hebrơ 2:4

Yàng Tom Trồ kung lơh bơtơl ală tềl is, ală bơta krơi, mơ tơl ală broă gơnap gơnoar mơ ală bơta ai gòi Yàng Hwềng Goh dê jat nùs kòñ Kơnràñ, nàng lơh cơng bal mơ bol khai sơl.

Jakơ 1:18

Kơnràñ jat nùs kòñ Kơnràñ dê mơ tơnggơs bol he kơnòm dê jơnau song, tồ bol he in gơlik be plai bồ sơnam tòm ală phan Kơnràñ neh crơng gơs.