II Kôrintô 6:6 - Sră Goh 2018

⁶ tòm bơta ơm sàng goh, bơta git jak, bơta kong ơt, bơta kơ̆ dơn, tòm Yàng Hwềng Goh, nùs kòñ gơboh song ngan,

II Kôrintô 6:6 ပူးပေါင်းရင်းမြစ်များ

Ejekiel 33:31

Bol khai tus mơ mê jat be bol khai òs tus; bol khai nggui di đap mê mơ iat ală jơnau mê dê, mơya bol khai ò bài lơh jat ală jơnau hơ̆. Bơr bol khai yal tơlik bơta dòn duh, mơ nùs bol khai ya hàm hà cồng nha ò song ring.

Rôma 12:9

Nùs kòñ gơboh pal song ngan. Cù kìr tĕ di bơta iơh bơsak, mơ đềt mềr tĕ di bơta lơbơn niam.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 13:4

Bơta kòñ gơboh gơs bơta kong ơt mơ kơ̆ dơn, bơta kòñ gơboh ò ƀoah gơjrañ, bơta kòñ gơboh ò jòng să mơ ò pơnhừ să,

I Kôrintô 2:16

“Bơh ñcau neh git nùs kơlôi Yàng dê, nàng bơto Kơnràñ in taih?” Mơya bol he gơs nùs kơlôi Bơtau Krist dê.

I Kôrintô 2:4

Jơnau đơs mơ bơta bơto yal añ jê ò di bơh jơnau gơlơh be di pal bơta jak chài dê, mơya bơh bơta yal tơlik tòm gơnap gơnoar Yàng Hwềng dê,

II Kôrintô 1:23

Añ hòi dan mơ Yàng Tom Trồ lơh cơng hwềng soàn añ in lah: hơ̆ la tài bơh añ ò bài lơh pơnjê di oh mi tàng añ òhềt lòt tus hơ Kôrintô;

II Kôrintô 11:11

Ñchi bơh tài añ đơs behơ̆ taih? Tài bơh añ ò kòñ gơboh di oh mi sơl ơ? Neh gơs Yàng Tom Trồ git!

II Kôrintô 11:4

Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

II Kôrintô 11:6

Bulah jơnau đơs añ jê sền be ò jak, mơya bơta git jak añ jê ò di behơ̆: Gơpơrlơ̆ wơl, bol hi neh yal bơta hơ̆ oh mi in tòm jơh ală broă mơ jơh ală bơta.

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 13:10

Tài bơh hơ̆, tŭ añ neh ngkòi mat añ neh cih ală bơta do, nàng dơ̆ añ tòm mat ò càng lơh kràñ cê, jat be gơnoar Yàng ai añ in nàng bơt bơtào, ò di nàng sòr tơrlah.

II Kôrintô 2:10

Mơya oh mi toh glài cau lơi in, gen añ kung toh glài sơl. Bơh dilah añ neh toh glài, hơ̆ la tài bơh oh mi mơ toh glài di đap Bơtau Krist,

II Kôrintô 2:4

Mơ añ neh cih sră pơyoa oh mi in, tòm bơta bòl glar dờng mơ nùs jê sồt, dà mat hòr lik, ò di nàng lơh oh mi in moat jrùng, mơya nàng lơh oh mi in git bơta kòñ gơboh oă ngan añ jê gơwèt mơ ală oh mi.

II Kôrintô 3:3

Loh làng ngan oh mi la sră pơyoa Bơtau Krist dê, bơh gơnoar broă bol hi mơ cih gơs, ò di cih mơ dà cih, mơya cih mơ Hwềng Yàng Tom Trồ gam kis sùm dê; ò di cih hơđang mpàn lŭ, mơya cih hơđang nùs cau dê.

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

II Kôrintô 7:2

Pò tĕ nùs oh mi dê bol hi in; bol hi ò lơh tìs di cau lơi, ò lơh iơh di cau lơi, ò rồn bơklơn cau lơi.

Galati 3:2

Añ lùp oh mi mìng dô sèng do lơm: Hơ̆ la kơnòm bơh ală broă bơta boh lam dê hala bơh kơno mơ dòn tàng oh mi neh dòp geh Yàng Hwềng taih?

Galati 3:5

Yàng Tom Trồ ai Yàng Hwềng oh mi in mơ lơh ală broă crih crài digùl oh mi, tài bơh oh mi lơh ală broă bơta boh lam dê hala tài bơh oh mi kơno mơ dòn taih?

Galati 5:22

Mơya plai Yàng Hwềng dê hơ̆ la kòñ gơboh, hòn chò, lơngap lơngai, kong ơt, kơ̆ dơn, lơbơn niam, dòn song,

Ephesô 3:4

Oh mi sền sră hơ̆ gen rgơi git loh bơta git wă añ jê bơh bơta ndơp ndơr Bơtau Krist dê,”

Ephesô 4:2

Tòm ală bơta pal pơndêt să, niam lơnhơn, ơt ơl, ai nùs kòñ gơboh mơ kong ơt bal mơ gơp.

Ephesô 4:32

Ai tĕ bơta kơ̆ dơn, nùs nđàc sơngit ơm gơròm bal, toh glài bal, kung be Yàng Tom Trồ neh toh glài oh mi tòm Bơtau Krist behơ̆ sơl.

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

Kôlôse 3:12

Behơ̆ oh mi la cau sac rwah Yàng Tom Trồ dê, cau sàng goh mơ đềt mềr Kơnràñ dê, gen soh tĕ nùs nđàc sơngit, kơ̆ dơn, pơndêt să, niam lơnhơn, kong ơt.

I Tesalônika 2:10

Oh mi la cau lơh cơng, Yàng Tom Trồ kung lơh cơng sơl, mbe lơi bol hi lơh lòt dô bă sàng goh, song ring, ò gơs tiah geh lah pơrhơng gơwèt mơ oh mi la cau dòn jat.

I Timôthe 4:12

Bañ lòi cau lơi dơñŏ tơnhial di mê tài bơh mê gam kơnòm să, mơya pal ai tĕ jơnau đơs, bơta lơh lòt, bơta kòñ gơboh, bơta dòn mơ bơta sàng goh nàng lơh krơh ală cau dòn in.

I Timôthe 5:2

cau ùr jòng sơnam kung be mè; cau ơruh be ruh lŏ, mơ pal gơs sàng goh tòm jơh ală bơta.

II Timôthe 3:10

Mơya mê neh sền nề bơta añ bơto sồr, bơta lơh lòt, bơta kòñ jòi jat, bơta dòn, bơta kong ơt, bơta kòñ gơboh, bơta ơt ơl,

II Timôthe 4:2

Bơto yal tĕ jơnau Yàng, bơto sùm bulah bơtoah hala ò bơtoah, bơto pơndòm, lah pơrhơng, chồl bơtrut, jơh nùs kong ơt tòm bơta bơto sồr.

Sră Pơyoa Pol Dê Pơyoa Tit In 2:7

Tòm jơh ală bơta ai tĕ să tòm mê nàng lơh krơh bol khai in bơh broă niam, tòm bơta bơto sồr mê dê pal gơs sàng goh song ring, kràñ cê,

Jakơ 3:17

Mơya bơta jak chài bơh đang jòng gen lài ngan la sàng goh, tơnơ̆ tai la lơbơn niam, gơtòmsòr bal, ơt ơl, bềng lìu nùs kòñ nđàc mơ plai niam. Ò sền òsơp cau lơi hala ma blac.

I Pier 1:12

Yàng Tom Trồ neh yal tơlik bol khai in lah, ò duh broă să tòm he in, mơya la duh broă oh mi in; be ală bơta bol khai neh bơto mơ oh mi neh kơno tŭ do, bơh ală cau bơto yal Jơnau Niam oh mi in neh kơnòm di gơnap gơnoar Yàng Hwềng Goh geh sồr bơh đang trồ; do kung la ală bơta mơ cau gơnrơh kung kơp kòñ git wă.

I Pier 1:22

Oh mi neh dòn jat jơnau song mơ lơh sàng goh hwềng nùs he dê, tồ kòñ gơboh di oh mi he dô bă song ngan, gen kòñ gơboh tĕ bal mơ gơp dô bă jơh nùs đềt mềr.

I Jang 3:18

Ơ ală kòn añ jê, bañ kòñ gơboh mìng bơh jơnau đơs mơ bơh lơmpiat lơm, mơya bơh broă lơh mơ jơnau song.

Ală Kwang Cahrña 16:15

Gen Delila đơs mơ khai lah: “Mbe mê rgơi đơs lah: ‘Añ kòñ gơboh di ai,’ tòm tŭ nùs mê ò ring lơngai mơ añ? Mê neh bơrsèl añ pe dơ̆ mơ do, mơ ò yal añ in git bơta lơi neh lơh mê in gơlik pràn kơldang dờng behơ̆.”