II Kôrintô 6:5 - Sră Goh 2018

⁵ pù ơlih, ơm jàm, sơlồng sơlàng, kong bòl glar lơh broă, ò geh bic, kong jơgloh;

II Kôrintô 6:5 ပူးပေါင်းရင်းမြစ်များ

I Ală Bơtau 22:27

mơ đơs tĕ lah: ‘Bơtau đơs be do: Ơn tĕ cau do tòm hìu jàm, ròng siam mơ phan sa tă pơndut gam dô êt jơl tus añ rê wơl lơngap lơngai.’”

II Yal Yau 16:10

Asa gơhào gơjrañ di cau gơnoar hwơr tài bơh jơnau hơ̆; mơ kup Hanani jàm khai tòm hìu prap phan, bơh bơtau gơhào gơjrañ di khai. Kung tòm tŭ hơ̆, Asa rồn bơklơn iơh rmơh ngan dô êt nă cau tòm làng bol.

Esai 53:5

Mơya Kơnràñ neh bơh tồi glài bol he dê mơ kong tềl sồt, bơh bơta iơh bơsak bol he dê mơ kong tơnlề; bơh bơta lơh glài Kơnràñ kong mơ bol he geh lơngap lơngai, bơh tềl sồt Kơnràñ dê mơ bol he geh sơmbòi.

Jeremi 33:1

Tòm tŭ Jeremi gam kong jàm tòm rơng hìu ling kơp gàr, gen gơs jơnau Yàng Jehôwa đơs mơ khai dơ̆ bàr lah:

Jeremi 38:6

Gen bol khai kup Jeremi mơ sơrbì tòm trồm jrô Malkija, kòn klau bơtau dê, trồm jrô hơ̆ ơm tòm ƀlàng hìu ling kơp gàr; bol khai ngui che mơ tơndùh Jeremi, trồm jrô hơ̆ ò gơs dà, mìng gơs bŏ lơm; Jeremi kong gơkram tòm bŏ.

Ejekiel 3:17

“Ơ kòn mơnus, Añ neh lơh mê in gơlik gơs dô nă cau kơp gàr hìu Israel; behơ̆ iat tĕ jơnau Añ đơs mơ ai jơnau hơ̆ bơto pơhìn Añ jê bol khai in.

Mathiơ 14:10

Bơtau sồr cau lòt koh bồ Jang tòm hìu jàm,

Mathiơ 14:3

Tài bơh broă Herôdias la bau ùr Philip oh Herôt dê, gen tàng Herôt neh kup cap Jang krơ̆ tòm hìu jàm.

Mathiơ 9:15

Yàng Jesu ho lah: “Tòm tŭ cau bơrtơu gam ơm mơ oh mi bơyô he, gen bol khai rgơi moat jrùng sơl? Mơya tus di tŭ cau bơrtơu geh cèng lik bơh bol khai, gen sồng bol khai ơt sa.

Broă 13:3

Tơnơ̆ mơ tŭ neh sir ơt sa mơ hòi dan rau, bol khai ơn tê hơđang bàr nă bol hơ̆, lồc behơ̆ sồr lòt.

Broă 14:19

Tŭ hơ̆, gơs ală cau Juda bơh Antiôt mơ Ikôni lòt tus bơchồt mpồl làng bol, bol khai cơm lŭ di Pol, tồnlah khai neh chơt rau, gen hwài khai hơ bơdìh ƀòn dờng.

Broă 14:23

Tơnơ̆ mơ tŭ neh bơtào gơnoar broă ală cau kwang kra tòm kòp nơm Hìu Jum Goh, bàr nă cau gơnoar bơto dờng hòi dan, ơt sa rau, mơ jào ală cau hơ̆ Yàng in la Bơtau bol khai dòn kơnòm.

Broă 17:5

Mơya ală cau Juda ƀoah gơjrañ, jà ală cau gơlềng gơlàng tòm gùng pơjum gơs mpồl, lơh nggồr nggàc tòm ƀòn dờng. Bol hơ̆ brồ mut tòm hìu Jasôn, jòi kup Pol mơ Sila nàng cèng tơlik di đap làng bol.

Broă 20:31

Behơ̆, drơng kơp tĕ mơ kah wơl lah tòm pe nam, ngai mơ mang, añ hòr dà mat mơ bơto sồr tơl nă cau in ò dơh.

Broă 23:10

Tài bơh bơta tòm pơndang sơlo iơh rlau tai, cau kwang ling rngòt mpồl làng bol crè poac Pol dê, gen tàng sồr cau ling mù hwài tơlik khai bơh digùl bol hơ̆, mơ cèng wơl khai tòm đồn ling.

Broă 23:35

gen đơs lah: “Tŭ lơi ală cau yă mê lòt tus añ rơp iat broă mê dê.” Gen khai sồr cau tơmut Pol tòm gơlang Herôt dê.

Broă 24:27

Bàr nam tơnơ̆, Porsius Phestus pơrdòn ala Phelik lơh kwang đơng lơgar. Tài bơh Phelik kòñ lơh niam nùs làng bol Juda gen tàng kư̆ jàm Pol.

Broă 26:10

Añ kung neh lơh behơ̆ tòm Jerusalem. Añ neh dòp gơnoar bơh cau gơnoar lam bồ ơn phan duh khoai, mơ jàm oă cau sàng goh, mơ tòm tŭ cau tơnchơt bol khai gen añ kung tĕ khà dô nùs bal sơl.

Broă 26:29

Pol ho lah: “Ò git dô êt hala oă, añ hòi dan mơ Yàng Tom Trồ ò di mìng dô nă bơtau lơm ò, mơya jơh tơl nă cau iat jơnau añ tòm ngai do, gen gơlik gơs be añ, mìng ò gơs che sreng do lơm.”

Broă 28:30

Pol ơm tơl bàr nam tòm hìu khai neh ơpah, mơ khai wă rò jơh ală cau lòt tus còp khai,

Broă 5:18

gen lơh nền kup ală cau gơnoar bơto dờng mơ krơ̆ tòm hìu jàm.

I Kôrintô 15:10

Mơya añ do la cau be lơi, hơ̆ la kơnòm di bơta nđàc Yàng Tom Trồ dê, mơ bơta nđàc Kơnràñ neh ai añ in ò di la ò kwơ. Pơrlơ̆ wơl, añ kong bòl glar lơh broă rlau jơh mơ bol hơ̆; mơya ò di la bơh añ, hơ̆ la bơh bơta nđàc Yàng Tom Trồ dê neh ơm mơ añ.

I Kôrintô 4:11

Bol hi kong jơgloh mơ tơhìr, ơm sut sèt, kong pù lơh, mơ lòt ngai do tềng do, ngai hìng tềng hơ̆.

I Kôrintô 7:5

Bañ ò ròm bal, mìng dilah tòm bàr nă gơs bơta tòmbơyai bal, nàng lòi tŭ hòi dan mơ Yàng dô êt jŏ; gen rê wơl bal, rngòt cà Satan bơh bơta hơ̆ mơ ơniai oh mi mòn.

II Kôrintô 11:27

kong bòl kong glar, oă dơ̆ drơng mang, kong jơgloh tơhìr, oă dơ̆ ơt sào, kong noat mrềt mơ ơm kuh lòi rồ.

Ephesô 3:1

Tài bơh hơ̆, añ la Pol, lơh gơs cau ơm jàm Yàng Jesu Krist dê tài bơh oh mi la cau làng bol bơdìh,

Yal Wơl 25:3

mơya cau kwang ò di pù khai rlau mơ poan jơt tê. Dilah cau oh mi bol mê dê kong pù rlau mơ poan jơt tê gen khai rơp kong sền òsơp di đap mat bol mê.

Philip 1:13

tian gơs tòm ală hìu cau kwang mơ jơh ală cau ndai git jơh lơm lah tài bơh Bơtau Krist gen tàng añ kong kơt mơ che sreng.

I Tesalônika 2:9

Ơ oh mi, oh mi gam kah bơta kong lơh broă mơ bơta bòl glar bol hi dê; tòm tŭ bol hi bơto yal Jơnau Niam Yàng Tom Trồ dê oh mi in, gen kung lơh broă ngai mơ mang, tồ ò lơh pơnjê di dô nă cau lơi tòm oh mi.

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 2:9

Bơh Jơnau Niam hơ̆ tàng añ kong bòl glar, tian gơs kòl cap be cau tìs glài; mơya jơnau Yàng Tom Trồ dê ò kòl cap ò.

II Timôthe 4:5

Mơya mê git kơrhia tĕ tòm jơh ală bơta, kong bòl glar, lơh broă cau bơto yal Jơnau Niam dê, lơh dô bă wil tơl gơnoar broă mê dê.

Hebrơ 11:36

Gơs ală cau ƀà kong gơlòng bòl glar be kong cau dơñŏ tơnhial, pòng pù, kơt mơ che sreng mơ kup jàm sơl.

Hebrơ 13:17

Dòn bơr tĕ ală cau tề lam oh mi mơ dòn duh bol khai, bơh bol khai drơng kơp bơh hwềng soàn oh mi dê be cau pal yal tơlik broă; nàng bol khai lơh broă hơ̆ dô bă hòn chò, ò di moat jrùng, bơh dilah moat jrùng gen ò kwơ oh mi in.

Hebrơ 13:23

Oh mi pal git lah Timôthe la oh mi bol he dê neh geh hồ toh rau; dilah khai tus gòñ, gen añ mơ khai rơp lòt còp oh mi.

Yal Tơlik 2:10

Mê bañ rngòt dê ală bơta bòl glar jê sồt mê mòr kong. Iat tĕ! Cà ràk mòr sơrbì dô êt cau tòm bol mê tòm hìu jàm, nàng bol mê kong lòng; bol mê rơp gơs bơta rung rài tòm jơt ngai. Dòn song tĕ jơl chơt, gen Añ rơp ai bol mê in sơgơn bơtau bơta kis.’