II Kôrintô 6:4 - Sră Goh 2018

⁴ Mơya tòm jơh ală bơta, bol hi yal tơlik să tòm bol hi be cau duh broă Yàng Tom Trồ dê, jơh nùs ơt ơl, tòm bơta rung rài, bòl glar, pluh plàng,

II Kôrintô 6:4 ပူးပေါင်းရင်းမြစ်များ

Esai 61:6

Mơ bol mê rơp geh sơnđan la ală cau gơnoar ơn phan duh khoai Yàng Jehôwa dê, bol mê rơp geh sơnđan la ală cau duh broă Yàng Tom Trồ bol he dê. Bol mê rơp hòn chò bơh bơta pas gơs ală lơgar dê, mơ bol mê rơp gơklŏ bơh bơta pas sơm bol khai dê.

Jôel 1:9

Phan ơn mơ kòi mbo bal mơ phan ơn ñô ò gam tai tòm hìu Yàng Jehôwa. Ală cau gơnoar ơn phan duh khoai ñìm rac, hơ̆ la ală cau duh broă Yàng Jehôwa dê.

Jôel 2:17

Ală cau gơnoar ơn phan duh khoai, la ală cau duh broă di đap Yàng Jehôwa, ñìm rac digùl mpồng hìu duh khoai mơ cơnòng duh khoai, mơ đơs lah: “Ơ Yàng Jehôwa, dan pơlai tĕ làng bol Kơnràñ dê, dan bañ lòi sre brê Kơnràñ dê kong cau sền òsơp, mơ kong ală lơgar ndai dơñŏ tơnhial. Ñchi bơh tài bol khai rgơi đơs digùl ală làng bol lah: ‘Ntềng đah Yàng Tom Trồ bol khai dê taih?’”

Luka 21:19

Kơnòm di bơta kơ̆ nùs bol mê dê mơ bol mê geh sròng hwềng soàn he dê.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Broă 2:22

Ơ ală cau Israel, iat tĕ jơnau añ đơs do: Yàng Jesu Cau Nasaret la Cau neh geh Yàng Tom Trồ lơh cơng nền nàng lơh ală broă gơnap gơnoar, ală bơta krơi mơ ală tềl is. Kơnòm di Kơnràñ, Yàng Tom Trồ neh lơh ală bơta hơ̆ digùl oh mi, be să tòm ală oh mi neh git loh.

Broă 20:34

Să tòm oh mi git lah bàr nơm mpàng tê do neh lơh gơlik gơs phan ngui sa añ in mơ oh mi lơh broă bal mơ añ in sơl.

Broă 9:16

Añ kung rơp ai khai in git oă bơta jê sồt khai pal kong bơh sơnđan Añ.”

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Rôma 16:10

Dan còp să Apel la cau geh jòng ro tòm Bơtau Krist. Dan còp să cau ơm tòm hìu Aristôbulus.

Rôma 3:5

Mơya dilah bơta ò song ring bol he dê yal loh rlau tai bơta song ring Yàng Tom Trồ dê, gen mbe kòñ đơs taih? Tòm tŭ Yàng Tom Trồ đùh bơta gơjrañ dờng gen Kơnràñ la ò song ring ơ? (Añ đơs be cau òs đơs.)

Rôma 5:8

Mơya Yàng Tom Trồ yal tơlik nùs kòñ gơboh Kơnràñ dê gơwèt mơ bol he, la tòm tŭ bol he gam la cau glài, gen Bơtau Krist bơh bol he mơ kong chơt.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 4:1

Behơ̆, kòp nă sền tĕ di bol hi kung be cau duh broă Bơtau Krist dê, mơ kung be cau at bồ hìu sền gàr ală bơta ndơp ndơr Yàng Tom Trồ dê.

I Kôrintô 9:11

Dilah bol hi neh sih gar đah hwềng oh mi in, mơ toès wơl đah poac să oh mi dê, gen bơta hơ̆ la oă ir sơl?

II Kôrintô 11:23

Bol khai la cau duh broă Bơtau Krist dê ơ? Ơi, añ đơs be cau tùl gơla añ gơs rlau! Añ neh kong bòl glar lơh broă oă rlau, ơm jàm oă rlau, kong pù lơh oă ngan. Oă dơ̆ añ mòr chơt;

II Kôrintô 11:27

kong bòl kong glar, oă dơ̆ drơng mang, kong jơgloh tơhìr, oă dơ̆ ơt sào, kong noat mrềt mơ ơm kuh lòi rồ.

II Kôrintô 11:9

Tòm tŭ añ ơm mơ oh mi, dơ̆ tìp bơta siơ̆u siar, gen ò lơh pơnjê di cau lơi ò; bơh ală oh mi ơm tòm Masedoan lòt tus mơ neh dong tơl tòm bơta pal càng añ jê. Tòm jơh ală broă, añ neh kơrmap gàr să añ tồ ò lơh pơnjê di oh mi; añ kung rơp kư̆ kơrmap gàr să añ behơ̆ sùm.

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 12:12

Ngan oă bơta krơi, tềl is, neh geh lơh cơng lah, añ la dô nă cau gơnoar bơto dờng, neh geh bơtào digùl oh mi tòm oă bơta ơt ơl.

II Kôrintô 2:17

Bol hi ò di ai jơnau Yàng Tom Trồ mơ lơh cồng nha is he in be oă cau ndai, mơya bol hi ai nùs song ngan bơh Yàng Tom Trồ mơ bơto yal jơnau hơ̆ di đap Yàng Tom Trồ tòm Bơtau Krist.

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 4:17

Bơh bơta bòl glar nggòc mơ ing bol he dê tơnggơs bol he in bơta gơklŏ màng ryŭ gam sùm sùm, ò git lồi ò git jơh.

II Kôrintô 4:2

mơya bol hi neh sang lòi ală broă lơh ndơp ndơr mơ ƀàssìl ƀàsso, ò lơh bơta lac lèo, kung ò lơh dơrklài jơnau Yàng Tom Trồ dê sơl, mơya di đap Yàng Tom Trồ bol hi yal tơlik jơnau song mơ să tòm bol hi lòi nùs tồr kòp nă cau in sền sơwì.

II Kôrintô 4:8

Bol hi gơtìp rồn bơklơn tơl ală bơta, mơya ò kòl tơn; gơtìp kòl yan, mơya ò roh bơta gơn kơnòm;

II Kôrintô 7:11

Ne, lòng sền, oh mi neh moat jrùng jat nùs kòñ Yàng Tom Trồ dê, gen gơlik gơs tòm oh mi bơta duh hul, bơta tò să he, bơta wòl să, bơta rngòt rngơt, bơta kơp kòñ, bơta ngac ngar, bơta lơh glài. Tòm jơh ală bơta oh mi neh yal tơlik oh mi ò tìs tòm broă hơ̆.

Kôlôse 1:11

Kơnòm di gơnap gơnoar gơklŏ Kơnràñ dê, tồ geh tơl bơta ơt ơl mơ kong jai bơta bòl glar dô bă hòn chò;

Kôlôse 1:24

Tŭ do añ hòn chò bơh bơta añ kong jê sồt bòl glar bơh oh mi, mơ bơh să jan Bơtau Krist dê la Hìu Jum Goh, añ ơn poac să añ nàng kong pơnah gam siơ̆u tòm bơta bòl glar Kơnràñ dê.

I Tesalônika 3:7

Ơ oh mi, tài bơh hơ̆, tòm jơh ală bơta jê sồt bòl glar sơbơng roh bol hi dê, bol hi neh kơnòm dê bơta dòn oh mi dê mơ geh pơndòm pơniang.

I Tesalônika 5:14

Bol hi jơh nùs dan oh mi lah, bơto tơngkah tĕ ală cau ală alai, chồl bơtrut ală cau ò khin cha, dong kòl ală cau lơbơn lơño, kong ơt gơwèt mơ tơl nă cau.

I Timôthe 2:15

Bulah behơ̆, cau ùr rơp geh dong tă tòm bơta deh kòn, dilah kư̆ ơm tòm bơta dòn, bơta kòñ gơboh, mơ bơta gơlik gơs sàng goh, bal mơ bơta pơndêt să.

I Timôthe 4:6

Dilah mê tơngkah ală bơta hơ̆ oh mi in, gen mê la cau duh broă niam Yàng Krist Jesu dê, geh ròng bơh ală jơnau bơta dòn dê mơ bơh bơta bơto sồr niam mơ mê neh jat.

I Timôthe 6:11

Mơya, ơ kòn la cau Yàng Tom Trồ dê, pleh tĕ di ală bơta hơ̆, mơ jòi jat bơta song ring, bơta duh rngòt, bơta dòn, bơta kòñ gơboh, bơta ơt ơl, bơta niam lơnhơn.

II Timôthe 1:8

Behơ̆ mê bañ ƀàssìl tòm tŭ lơh cơng bơh Yàng bol he dê, mơ bơta añ ơm jàm tài bơh Kơnràñ; mơya kơnòm tĕ dê gơnap gơnoar Yàng Tom Trồ nàng kong bòl glar bơh Jơnau Niam.

II Timôthe 2:24

Mơ tai, dĭ gơna Yàng dê ò di tòmpìt tòmhà, mơya pal ơm niam lơnhơn gơwèt mơ jơh ală cau, chài rgơi bơto sồr, kong ơt ơl,

II Timôthe 4:5

Mơya mê git kơrhia tĕ tòm jơh ală bơta, kong bòl glar, lơh broă cau bơto yal Jơnau Niam dê, lơh dô bă wil tơl gơnoar broă mê dê.

Hebrơ 12:1

Behơ̆ gen, bơh bol he neh gơs oă cau lơh cơng gơrwàng gùt dar be dô puk mhwal dờng ngan, bol he kung pal sơrbì sang jơh ală bơta be phan àñ kơnjơ̆ bal mơ tồi glài gơđềt di he, pal kơ̆ cê ntoat jat bơta ntoat pơrlòng neh ràng tơlik di đap bol he;

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.

Yal Tơlik 3:10

Tài bơh mê neh prap gar jơnau Añ jê mơ ntào kơ̆, gen Añ kung rơp sền gàr mê tòm jơ gơlòng bòl glar, la jơ rơp gơlik tus làm jơh dunnia nàng lòng ală cau ơm tòm plai ù.