II Kôrintô 6:1 - Sră Goh 2018

¹ Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

II Kôrintô 6:1 ပူးပေါင်းရင်းမြစ်များ

Jeremi 8:8

Mbe bol mê rgơi đơs lah: “Bol he la àng jak, mơ bơta boh lam Yàng Jehôwa ơm bal mơ bol hi,” Mơya, gai cih ma blac ală cau gơnoar cih dê Neh lơh bơta boh lam hơ̆ gơlik bơta đơs blac!

Mathiơ 23:37

“Ơ Jerusalem, Jerusalem, mê tơnchơt ală cau gơnoar hwơr mơ cơm lŭ di ală cau kong sồr lòt tus hơ mê! Oă dơ̆ Añ kòñ pơjum tơrgòm ală kòn sau mê, be iar me ngkrok ală kòn gơ, tus ơm hơđơm đar gơ dê, mơya bol mê ò bài!

Broă 11:23

Tòm tŭ tus tềng hơ̆ mơ gŏ bơta nđàc Yàng Tom Trồ dê gen khai hòn chò, mơ bơto tơngkah jơh tơl nă cau hơ̆ kư̆ kơ̆ nùs dòn song mơ Yàng;

Broă 14:3

Bulah behơ̆, Pol mơ Banaba ơm wơl tềng hơ̆ jŏ ngai, mơ bơto yal bơh Yàng dô bă khin cha, mơ Yàng ngui tê bol khai lơh gơs ală bơta krơi tềl is, nàng lơh cơng di ngan jơnau bơta nđàc Kơnràñ dê.

Rôma 12:1

Behơ̆, ơ oh mi, añ ai ală bơta kòñ nđàc Yàng Tom Trồ dê nàng bơto tơngkah oh mi ơn tĕ să jan he lơh gơs phan ơn duh khoai kis mơ sàng goh, niam nùs Yàng Tom Trồ, hơ̆ la bơta duh khoai di ngan oh mi dê.

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

Galati 2:21

Añ ò lơh bơta nđàc Yàng Tom Trồ dê gơlik gơs ò kwơ; bơh dilah bơta song ring tus bơh bơta boh lam, gen Bơtau Krist kong chơt la ò kwơ.

Galati 3:4

Oh mi neh git làm oă bơta bòl glar dô bă ò kwơ behơ̆ sơl ơ? Ngan la ò kwơ.

I Tesalônika 3:5

Kung tài bơh hơ̆ añ ò jai gơn tai, gen tàng añ neh sồr Timôthe lòt, tồ git bơta dòn oh mi dê gơlik mbe lơi, rngòt cà ràk neh ơniai oh mi, mơ bơta kong bòl glar lơh broă bol hi dê gơlik gơs ò kwơ.

Sră Pơyoa Pol Dê Pơyoa Tit In 2:11

Bơh bơta nđàc Yàng Tom Trồ dê ai bơta dong klàs jơh tơl nă cau in neh geh yal tơlik rau.

Hebrơ 12:15

Kơrhia tĕ, rngòt gơs cau lơi tòm oh mi ò tus dòp bơta nđàc Yàng Tom Trồ dê, mơ bơta sràt bơtang gơhòn be ryas mơ lơh nggồr nggàc tòm oh mi, mơ bơh hơ̆ lơh oă cau ndai gơlik gơs ngkòr ngkàc;

Hebrơ 12:25

Oh mi kơrhia tĕ, bañ sềt tồr mơ Bơtau ơm đơs. Bơh dilah ală cau ne neh ò bài iat cau bơto tơngkah tòm ù gen ò geh pleh klàs, tơ ài lah bol he pơrlac sang Bơtau bơto tơngkah bơh đang trồ gen mbe rgơi pleh klàs.

Hebrơ 4:1

Tŭ do, Yàng Tom Trồ neh ai jơnau ho pơgon bơh bơta mut tòm bơta rlô lơngai Kơnràñ dê, gen bol he pal kơlôi rngòt, nàng ò gơs cau lơi tòm oh mi rơp gơkòl sang lòi.

I Pier 4:10

Kòp nă ai tĕ bơta ai gòi he neh dòp geh nàng duh broă bal mơ gơp, kung be cau at bồ hìu dô bă niam dòn song tòmpà bơta nđàc lìu làc Yàng Tom Trồ dê.

I Samuel 14:45

Mơya ală cau Israel đơs mơ Sol lah: “Jônathan la cau neh lơh Israel in pha lin dờng behơ̆ mơ pal kong chơt sơl ơ? Nền cê ngan la ò! Ngan be Yàng Jehôwa gam kis sùm, bulah dô dang che sŏ hơđang bồ khai kung rơp ò rung di ù, tài bơh ngai do khai neh lơh broă bal mơ Yàng Tòm Trồ.” Behơ̆ la làng bol neh dong tă Jônathan mơ khai ò pal chơt.