II Kôrintô 5:9 - Sră Goh 2018

⁹ Gen tàng, bulah bol he gam ơm hala lik klàs, kung jơh nùs lơh broă tồ niam nùs Kơnràñ.

II Kôrintô 5:9 ပူးပေါင်းရင်းမြစ်များ

Sơnròp Gơlik Gơs 4:7

Dilah mê lơh niam gen mê ò di pò mat sơl ơ? Mơ dilah mê lơh ò niam gen bơta tồi glài kơp brồ tơm bơh bơdìh mpồng, gơboh mê ngan mơya mê pal at bồ gơ.”

Esai 56:7

Gen Añ rơp cèng ală cau hơ̆ guh hơđang mơnơm sàng goh Añ jê, mơ lơh bol khai in bềng bơta hòn chò tòm hìu hòi dan Añ jê. Ală phan ơn chu pơrguc mơ ală phan ơn pơdơng duh khoai bol khai dê rơp geh dòp hơđang cơnòng duh khoai Añ jê; bơh hìu Añ rơp geh sơnđan la dô nơm hìu hòi dan jơh ală làng bol in.”

Jang 6:27

Bañ lơh broă bơh phan sa roh rui, mơya bơh phan sa gam wơl tus di bơta kis gam sùm sùm, la bơta Kòn Mơnus rơp ai bol mê in, bơh hơ̆ la Bơtau mơ Yàng Tom Trồ la Bèp neh tap ƀang kì cơng tàng.”

Broă 10:35

mơya tòm jơh ală làng bol, dilah cau lơi duh rngòt di Yàng mơ lơh bơta song ring, gen cau hơ̆ geh Kơnràñ dòp.

Rôma 14:18

Cau lơi lơh jat behơ̆ mơ duh broă Bơtau Krist, gen geh niam nùs Yàng Tom Trồ mơ geh cau dô nùs bal.

Rôma 14:8

bơh dilah bol he kis la kis Yàng in, mơ dilah bol he chơt la chơt Yàng in. Behơ̆ tàng bol he kis hala chơt gen he gơrê mơ Yàng lơm.

Rôma 15:20

Mơya bơta kơp kòñ añ jê la bơto yal Jơnau Niam di tiah lơi òhềt geh bơto yal sơnđan Bơtau Krist, tồ klàs bơt bơtào di mơnàng cau ndai dê,

I Kôrintô 15:58

Behơ̆, ơ oh mi kòñ gơboh añ jê, kơ̆ nùs tĕ, bañ lơh wil wơl, lơh tĕ broă Yàng dô bă tơngkah tơngkañ sùm, bơh oh mi git lah bơta bòl glar lơh broă oh mi dê tòm Yàng ò di la ò kwơ.

II Kôrintô 5:6

Behơ̆ bol he kơ̆ nùs sùm sùm, bơh git lah tòm tŭ bol he gam ơm tòm să jan do gen ngài bơh hìu Yàng,

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

Ephesô 1:6

nàng jòng ro bơta nđàc gơklŏ Kơnràñ dê, mơ Kơnràñ neh ai gòi bol he in tòm Kòn kòñ gơboh Kơnràñ dê.

Kôlôse 1:10

tồ oh mi in lơh lòt dô bă di pal mơ Yàng, niam nùs Kơnràñ tòm jơh ală bơta, gơlik plai tòm jơh ală broă niam, sơlo bơtơl tai tòm bơta dòp git Yàng Tom Trồ.

Kôlôse 1:29

Kung bơh bơta hơ̆ mơ añ kong bòl glar lơh broă, tòmlơh jơh nùs kơnòm di pràn Kơnràñ dê mơ Kơnràñ lơh broă tòm añ dô bă gơs gơnap gơnoar.

I Tesalônika 4:1

Lồi tơnơ̆, ơ oh mi, be oh mi neh bơtê bơh bol hi pal lơh lòt be lơi tồ niam nùs Yàng Tom Trồ, ngan be oh mi lơh lòt tŭ do, gen bol hi ơm tòm Yàng Jesu mơ dan bơto tơngkah oh mi kư̆ lơh behơ̆ sơlo ngai sơlo rlau tai.

I Tesalônika 4:11

Bơtê tĕ lơh lòt dô bă ring ngềt, rcang broă tòm he dê, ai tê tòm he lơh broă, be bol hi neh nting sồr oh mi,

I Timôthe 4:10

Kung bơh hơ̆ mơ bol he kong bòl glar lơh broă mơ tòmlơh, bơh bol he neh ơn nùs gơn kơnòm di Yàng Tom Trồ gam kis sùm, la Yàng Dong Klàs jơh ală cau dê, sơnròp ngan la ală cau dòn dê.

Hebrơ 12:28

Behơ̆ gen, bơh bol he dòp geh dô nơm lơgar ò tŭ lơi lơnggơr, gen pal kah bơta nđàc, mơ ai nùs ki ngàm duh rngòt nàng duh broă Yàng Tom Trồ dô bă niam nùs Kơnràñ;

Hebrơ 4:11

Behơ̆ gen, bol he pơnđơl tĕ jơh nùs nàng mut tòm bơta rlô lơngai hơ̆, tồ ò gơs dô nă cau lơi rơp gơpừ đòm krơh cau ò gơs bơta dòn ne.

II Pier 3:14

Behơ̆ gen, ơ ală cau kòñ gơboh, bơh ală oh mi kơp gơn ală ngai hơ̆, gen ngac ngar tĕ nàng tòm tŭ ơm di đap mat Yàng, gen oh mi geh bơta lơngap lơngai, ò gơs tềl ƀơ̆, ò gơs tiah geh lah pơrhơng.