II Kôrintô 5:6 - Sră Goh 2018

⁶ Behơ̆ bol he kơ̆ nùs sùm sùm, bơh git lah tòm tŭ bol he gam ơm tòm să jan do gen ngài bơh hìu Yàng,

II Kôrintô 5:6 ပူးပေါင်းရင်းမြစ်များ

I Yal Yau 29:15

Bol hi la cau làng bơdìh mơ cau ơm ing di đap mat Kơnràñ, kung be jơh ală ồng pàng bol hi dê. Ală ngai bol hi dê hơđang ù la kung be dô nơm mƀur, ò gơs bơta gơn kơnòm.

Đơs Crih 119:19

Añ la cau ơm ing tòm dunnia, Dan Yàng bañ pồn ndơp bơh di añ ală bơta sồr lam Kơnràñ dê.

Đơs Crih 39:12

Ơ Yàng Jehôwa, dan iat jơnau hòi dan añ jê, ai tồr iat jơnau rac dan añ jê; Dan bañ ơm mŏ mŏ tòm tŭ añ hòr dà mat! Bơh añ la cau nac tòm hìu Yàng dê, Cau ơm ing be jơh ală ồng pàng añ jê.

Jơnau Pơnđik 14:26

Ală cau duh rngòt Yàng Jehôwa gơs tiah gơn kơnòm kơ̆ cê; Kơnràñ rơp la tiah kìng crŭ ală kòn sau bol khai in.

Esai 30:15

Yàng Jehôwa la Bơtau Sàng Goh Israel dê neh đơs be do: “Tòm bơta rê wơl mơ ơm rlô, bol mê rơp geh dong klàs, tòm bơta ơm mŏ mŏ mơ gơn kơnòm, rơp la bơta pràn kơldang bol mê dê; mơya bol mê ò bài.

Esai 36:4

Rapsake đơs mơ bol khai lah: “Yal tĕ mơ bơtau Ejekia lah bơtau dờng la bơtau Asiri đơs be do: ‘Bơta gơn kơnòm bol mê dê ơn hơđang bơta lơi taih?

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 5:8

Behơ̆ gen bol he kơ̆ nùs sùm, chan kòñ sang lòi să jan do nàng ơm mơ Yàng gen niam rlau.

Hebrơ 10:35

Behơ̆ bañ sang nùs dòn nền oh mi dê, bơh bơta hơ̆ rơp gơs phan ƀàn dờng.

Hebrơ 11:13

Jơh ală cau hơ̆ neh chơt tòm bơta dòn, òhềt dòp geh bơta neh ho pơgon, mìng đal sền mơ gơs nùs chò hòp wă rò ală bơta hơ̆ bơh tiah ngài, bol khai kòp să he la cau nac crih mơ la cau ơm ing tòm plai ù.

Hebrơ 13:14

Bơh tềng do bol he ò gơs ƀòn dờng gam gơs sùm, mơya bol he jòi ƀòn rơp tus.

I Pier 5:1

Behơ̆ añ bơto tơngkah ală cau kwang kra tòm oh mi, añ do kung la cau kra be oh mi sơl, la cau lơh cơng bơh bơta bòl glar jê sồt Bơtau Krist dê, mơ kung gơs pơnah tòm bơta gơklŏ rơp geh ràng tơlik.

Yal Tơlik 1:9

Añ la Jang, la bi oh mi dê, gơs pơnah bal mơ oh mi tòm bơta rung rài, lơgar Yàng Tom Trồ, mơ tòm bơta kong ơt tòm Yàng Jesu. Añ neh ơm tòm bồt pơlào sơnđan la Patmôs, tài bơh jơnau Yàng Tom Trồ mơ jơnau lơh cơng bơh Yàng Jesu.