II Kôrintô 5:20 - Sră Goh 2018

²⁰ Behơ̆ bol hi la cau gơnoar ala mat Bơtau Krist dê, kung be Yàng Tom Trồ bơh bol hi mơ bơto tơngkah; bol hi ai sơnđan Bơtau Krist dan oh mi gơtòmsòr wơl tĕ mơ Yàng Tom Trồ.

II Kôrintô 5:20 ပူးပေါင်းရင်းမြစ်များ

II Ală Bơtau 17:13

Bulah Yàng Jehôwa yal tơnggit Israel mơ Juda in, bơh di ală cau gơnoar hwơr mơ ală cau git lài, lah: “Pơrlac tĕ bơh di ală gùng iơh bơsak bol mê dê, kơrmap gàr tĕ bơta sồr lam mơ bơta boh lam Añ jê, jat be jơh ală bơta boh lam Añ neh nting sồr ală ồng pàng bol mê dê, mơ Añ neh sồr bol mê bơh ală dĭ gơna Añ jê la ală cau gơnoar hwơr.”

II Yal Yau 36:15

Jehôwa Yàng Tom Trồ ală ồng pàng bol khai dê neh kong ơt di bol khai mơ kơnòm di ală cau kong sồr Kơnràñ dê, tài bơh Kơnràñ kòñ nđàc hơđang làng bol Kơnràñ dê, mơ hơđang tiah ơm sùm Kơnràñ dê.

Nehemi 9:29

Kơnràñ kung neh pơrhơng nàng lam bol khai rê wơl hơ bơta boh lam Kơnràñ dê. Bulah behơ̆, bol khai neh lơh lòt dô bă pơnhừ să, ò lơh jat ală gơnoar sồr Kơnràñ dê, tìs glài mơ bơta sồr lam mơ dilah cau lơi lơh jat bơta hơ̆ gen khai geh kis. Bol khai kơldang nùs wèt ngkòi hơ Kơnràñ, kơldang bồ mơ ò bài dòn bơr.

Sră Jop 22:21

Behơ̆ dô nùs tĕ mơ Yàng Tom Trồ mơ gơtòmsòr bal mơ Kơnràñ, tòm gùng dà hơ̆ gen bơta niam rơp tus hơ ồng,

Sră Jop 33:23

Behơ̆ gen, dilah gơs dô nă tòm bol khai la cau gơnrơh, Dô nă cau đơng kừh, dô nă tòm dô rbô nă, la dô nă cau yal loh dô nă cau song ring,

Sră Jop 33:6

Di đap Yàng Tom Trồ añ kung be ồng, Añ kung neh geh mòn gơs bơh dô pet ù kơnàng.

Jơnau Pơnđik 13:17

Cau kong sồr iơh cèng bơta rung rài; Ai cau kong sồr dòn song cèng bơta sơmbòi.

Esai 27:5

Hala lòi tĕ gơ sơmbat di Añ nàng geh sền gàr; lòi tĕ gơlơh gơtòmsòr mơ Añ, lòi tĕ gơlơh gơtòmsòr mơ Añ.”

Jeremi 38:20

Jeremi đơs lah: “Cau rơp ò jào bơtau ò. Dan bơtau dòn tĕ jơnau Yàng Jehôwa tòm bơta añ đơs, gen bơtau rơp geh lơngap lơngai mơ geh kis.

Jeremi 44:4

Ngan, Añ neh ơt ơl sồr ală dĭ gơna Añ la ală cau gơnoar hwơr, lòt tus mơ bol mê mơ đơs lah: ‘Bañ lơh bơta cù kìr mơ Añ gơjrañ hơ̆.’

Malaci 2:7

Bơh bơr sơndồi cau gơnoar ơn phan duh khoai dê pal prap gàr bơta git jak, mơ làng bol jòi bơta bơto sồr bơh di bơr khai dê, bơh khai la cau kong sồr Yàng Jehôwa Gơnap Gơnoar Dờng Làm Jơh dê.

Luka 10:16

Cau lơi iat bol mê, hơ̆ la iat Añ; cau lơi sang bol mê, hơ̆ la sang Añ; ai cau lơi sang Añ, hơ̆ la sang Bơtau neh sồr Añ lòt tus.”

Luka 14:23

Cau tòm sồr cau dĭ tai lah: ‘Lik tĕ tòm gùng me mơ đah rò pơnggàr, mơ bơklơn cau mut tồ geh bềng hìu añ jê.

Jang 20:21

Yàng Jesu đơs tai mơ bol khai lah: “Lơngap lơngai bol mê in! Bèp neh sồr Añ lòt tus be lơi, gen Añ kung sồr bol mê lòt tus behơ̆ sơl.”

Rôma 5:10

Bơh dilah tòm tŭ bol he gam la cau sò tơm di Yàng Tom Trồ, mơ neh geh gơtòmsòr wơl mơ Kơnràñ la bơh bơta chơt Kòn Kơnràñ dê, ai tŭ do neh geh gơtòmsòr wơl rau, gen sơlo rlau tai bol he rơp kơnòm di bơta kis Kòn hơ̆ dê mơ geh dong klàs.

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 5:11

Behơ̆, bol hi git lah pal duh rngòt di Yàng, gen tàng bơto pơndòm cau in dòn Yàng; mơya Yàng Tom Trồ neh git loh bol hi rau, mơ añ kơp kòñ la tòm nùs tồr oh mi kung git añ behơ̆ sơl.

II Kôrintô 6:1

Bơh bol hi lơh broă bal mơ Yàng Tom Trồ, gen dan oh mi bañ dòp leng bơta nđàc Yàng Tom Trồ dê dô bă ò kwơ.

Ephesô 6:20

Bơh Jơnau Niam hơ̆ mơ añ la cau gơnoar ala mat kòl kơt tòm che sreng, nàng ơm tòm hơ̆ añ gơs khin cha bơto Jơnau Niam hơ̆ be añ pal bơto.

Kôlôse 1:20

mơ kơnòm di Bơtau Krist lơh jơh ală bơta in, bulah tòm ù hala hơđang trồ, gơs gơtòmsòr wơl mơ Yàng Tom Trồ, bơh neh kơnòm dê mhàm Bơtau Krist dê, di chi pơng mơ lơh gơs bơta ring lơngai rau.

I Tesalônika 4:8

Gen tàng cau lơi sang lòi bơta do gen ò di sang lòi cau ò, mơya hơ̆ la sang lòi Yàng Tom Trồ la Bơtau ai Yàng Hwềng Goh Kơnràñ dê oh mi in.