II Kôrintô 5:18 - Sră Goh 2018

¹⁸ Jơh ală bơta hơ̆ gơlik gơs bơh Yàng Tom Trồ; Kơnràñ neh kơnòm di Bơtau Krist mơ lơh bol he in gơtòmsòr wơl mơ Kơnràñ, mơ jào bol hi in gơnoar broă lơh cau in gơtòmsòr wơl.

II Kôrintô 5:18 ပူးပေါင်းရင်းမြစ်များ

Esai 52:7

Hàng mơnĕ ò git nđò hơđang ală mơnơm, ală mpàng jơng ală cau cèng jơnau niam, bơto yal bơta lơngap lơngai, yal tơlik bơta dong klàs, mơ đơs mơ Siôn lah: “Yàng Tom Trồ mê at bồ!”

Esai 57:19

Yàng Jehôwa đơs lah: ‘Lơngap lơngai, lơngap lơngai ală cau in ơm ngài mơ ơm rềp, mơ Añ rơp sơmbòi bol khai in.’

Ejekiel 45:15

Dô nơm belàt kung pal kup bơh di kòp mpồl bàr rhiang belàt bơh di ală ƀlàng ñhơt niam Israel dê. Ală phan do rơp ngui lơh gơs ală phan ơn mơ kòi mbo, ală phan ơn chu pơrguc, mơ ală phan ơn bơta ring lơngai nàng lơh gơs phan ơn tơwài glài làng bol in, Jehôwa Yàng Tom Trồ đơs behơ̆.

Daniel 9:24

Poh jơt nơm poh neh gơs lơh nền hơđang làng bol mê dê mơ ƀòn dờng sàng goh mê dê: nàng pơndut bơta tìs glài, tơnlồi bơta tồi glài, mơ tơwài bơta iơh bơsak, mơ cèng tus bơta song ring gam sùm sùm, nàng lơh gơlik di ngan bơta gơtơnggŏ mơ jơnau gơnoar hwơr, mơ bong mơñà Tiah Sàng Goh Ngan in.

Lebi 6:30

Mơya phan ơn tơwài glài lơi mơ mhàm gơ neh cèng mut tòm Sàl Tòm Mat nàng tơwài glài di Tiah Sàng Goh gen ò di sa; pal chu gơtòm ồs.

Luka 10:5

Tòm tŭ bol mê mut tòm hìu lơi, sơnròp ngan đơs tĕ: ‘Lơngap lơngai hìu do in!’

Luka 24:47

mơ cau pal ai sơnđan Kơnràñ mơ bơto yal bơta gơjrañ sang glài mơ bơta toh glài jơh ală làng bol in, rơp sơntòm bơh Jerusalem.

Jang 3:16

Bơh Yàng Tom Trồ kòñ gơboh dunnia, tian gơs neh ai Kòn Dùl Kơnràñ dê, tồ cau lơi in dòn Kơnràñ, gen ò kòl roh rui, mơya geh bơta kis gam sùm sùm.

Jang 3:27

Jang ho lah: “Dilah ò di bơh đang trồ ai gen ò gơs cau lơi dòp geh bơta lơi.

Broă 10:36

Yàng Tom Trồ ai Jơnau Kơnràñ dê kòn sau Israel in, bơto yal Jơnau Niam lơngap lơngai, bơh Yàng Jesu Krist la Yàng jơh tơl nă cau dê

Rôma 11:36

Bơh jơh ală phan la bơh Kơnràñ, tài bơh Kơnràñ, mơ gơrê hơ Kơnràñ. Àng gơklŏ Kơnràñ in gam sùm sùm. Amen.

Rôma 5:1

Behơ̆, bol he neh geh kòp la song ring bơh bơta dòn, gen geh gơtòmsòr bal mơ Yàng Tom Trồ, kơnòm di Yàng Jesu Krist bol he dê.

I Kôrintô 1:30

Kơnràñ la tòm ryas bơta kis tòm Yàng Krist Jesu, Kơnràñ neh gơlik gơs bơta jak chài bol he in bơh Yàng Tom Trồ, mơ bơta song ring, bơta gơlik gơs sàng goh mơ bơta tơwài glài.

I Kôrintô 11:12

Kung be cau ùr neh lik bơh cau klau, gen cau klau kung deh bơh cau ùr, mơ jơh ală bơta gơlik gơs bơh Yàng Tom Trồ.

I Kôrintô 12:6

Ală broă lơh ò di la ndròm bal, mơya gơs mìng dô nă Yàng Tom Trồ la Bơtau lơh jơh ală broă tòm jơh ală cau.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 8:6

mơya đah bol he, gơs mìng dô nă Yàng Tom Trồ lơm la Bèp, la Bơtau crơng gơs jơh ală phan bơh Kơnràñ mơ bol he kis; mơ gơs mìng dô nă Yàng la Yàng Jesu Krist, jơh ală phan bơh Kơnràñ mơ gơlik gơs, mơ bol he kung kis bơh Kơnràñ behơ̆ sơl.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Hebrơ 2:17

Gen tàng tòm jơh ală bơta Kơnràñ pal geh gơlik gơs ndròm bal be oh mi Kơnràñ dê, nàng gơwèt mơ Yàng Tom Trồ Kơnràñ gơlik gơs cau gơnoar dờng lam bồ ơn phan duh khoai geh bơta nđàc sơngit mơ dòn song, nàng lơh gơs phan ơn tơwài glài tài bơh tồi glài làng bol dê.

Jakơ 1:17

Jơh ală bơta nđàc niam mơ bơta ai gòi wil tơl tus bơh đang jòng, gơ mù bơh di Yàng bèp la bơta àng; tòm Kơnràñ ò gơs bơta tòmgơl, kung ò gơs mƀur bơta pơrlac lơi ò.

I Jang 2:2

Să tòm Kơnràñ la phan ơn tơwài glài bol he dê, ò di mìng bơh tồi glài bol he dê lơm ò, mơya kung bơh tồi glài jơh dunnia tai sơl.

I Jang 4:10

Bơta kòñ gơboh hơ̆ la be do: Ò di la bol he neh kòñ gơboh di Yàng Tom Trồ, mơya Kơnràñ neh kòñ gơboh di bol he, mơ sồr Kòn Kơnràñ dê lòt tus nàng lơh gơs phan ơn tơwài glài tài bơh tồi glài bol he dê.