II Kôrintô 5:1 - Sră Goh 2018

¹ Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 5:1 ပူးပေါင်းရင်းမြစ်များ

Sơnròp Gơlik Gơs 3:19

Mê rơp gơlik kơlhề muh mat sồng gơs geh phan sa jơl tus ngai mê rê wơl tòm ù, la tiah mê neh lik gơs, bơh mê la kơmbuh ù, mê rơp rê wơl tòm kơmbuh ù.”

Sră Jop 30:22

Yàng yò añ hơđang càl, mơ añ hào hơđang càl, Yàng sơrbì añ tòm càl rbut nggồr ung.

Sră Jop 4:19

Tơ ài lah ală cau ơm tòm ală hìu mơ ù kơnàng, Gơs mơnàng tòm kơmbuh ù, bol khai kong tơnlề be dô nơm mŏ!

Đơs Crih 56:9

Ngai lơi añ hòi dan, ală cau sò tơm di añ rơp kong tơnruc wơl. Dô bơta añ git, hơ̆ la Yàng Tom Trồ ơm dô đah bal mơ añ.

Esai 38:12

Tiah ơm añ jê kòl tă tơlik bơh di añ kung be dô nơm sàl cau ê belàt dê. Añ neh pồt wơl rài kis añ jê, kung be cau chài tàñ ồi pồt ồi; Yàng neh koh añ bơh bơta lu li; bơh ngai tus di mang, Yàng cèng añ tus dô bă tiah lồi dut.

Jơnau Niam Jat Mak 14:58

“Bol hi neh kơno khai đơs lah: ‘Añ rơp sòr tơrlah hìu duh khoai bơh tê cau bơt do; tòm pe ngai Añ rơp bơtào gơs wơl dô nơm hìu duh khoai ndai ò di bơh tê cau bơt.’”

Broă 7:48

Mơya Bơtau Hơđang Rlau Jơh ò ơm tòm hìu bơh tê cau lơh gơs ò, be jơnau cau gơnoar hwơr neh đơs:

I Kôrintô 3:9

Bơh bol hi la bơyô lơh broă bal mơ Yàng Tom Trồ; oh mi la sre Yàng Tom Trồ dê, mơ hìu Yàng Tom Trồ dê.

II Kôrintô 4:7

Mơya bol hi ơn phan màng do tòm gri mơ ù, tồ yal tơlik gơnap gơnoar dờng rlau jơh do la bơh Yàng Tom Trồ, ò di la bơh bol hi.

II Kôrintô 5:4

Bol he rac ròc mơ kơnjơ̆ kơnjut tòm tŭ gam ơm tòm hìu ing do, bơh bol he ò di kòñ hồ bơta do mơya kòñ soh bơta ne tai, nàng bơta lơi òs chơt gơkòl bơta kis sa loan.

Kôlôse 2:11

Tòm Kơnràñ oh mi kung neh kong siat gơltau, ò di siat gơltau bơh tê cau lơh, mơya siat gơltau bơh Bơtau Krist, hơ̆ la bơta klò sang să jan poac să.

II Timôthe 1:12

mơ bơh bơta hơ̆ tàng añ kong ală bơta bòl glar. Mơya añ ò gơs ƀàssìl, bơh git Bơtau mơ añ neh dòn rau, kung dòn nền ngan lah Bơtau hơ̆ rgơi sền gàr bơta añ neh jào Kơnràñ in jơl tus di ngai hơ̆.

Hebrơ 11:10

Bơh khai kơp gơn dô nơm ƀòn dờng gơs ală mơnàng kơ̆ nền, mơ Yàng Tom Trồ la Bơtau rcang lài mơ bơt bơtào ƀòn hơ̆.

Hebrơ 9:11

Mơya Bơtau Krist neh tus lơh gơs cau gơnoar dờng lam bồ ơn phan duh khoai gơwèt mơ ală bơta niam neh tus rau, Kơnràñ neh mut tòm Hìu Ing Duh Khoai dờng rlau mơ wil tơl rlau, ò di bơh tê kòn mơnus bơtào gơs, hơ̆ ò di la bal mơ ală phan tòm rài do.

Hebrơ 9:24

Bơh Bơtau Krist ò di mut tòm tiah sàng goh bơh tê kòn mơnus lơh gơs, la tiah jat rnoas tiah sàng goh ngan, mơya mut hơđang trồ, mơ tŭ do Kơnràñ bơh bol he mơ tơlik mat di đap Yàng Tom Trồ.

I Pier 1:4

mơ dòp geh sre brê ò roh rui, ò ƀơ̆ ƀơl, ò ro jrùh, prap lòi hơđang trồ oh mi in,

II Pier 3:11

Bơh jơh ală phan hơ̆ rơp kong ồs sa lề jơh behơ̆, gen bơta lơh lòt oh mi dê pal gơs sàng goh mơ duh rngòt ò git nđò,

I Jang 3:14

Bol he git lah he neh tiă rlau di bơta chơt mơ lòt tus hơ bơta kis, tài bơh bol he kòñ gơboh di oh mi he. Ai cau lơi ò kòñ gơboh gen kư̆ ơm tòm bơta chơt.

I Jang 3:19

Bơh bơta do bol he git lah bol he la bal mơ jơnau song, mơ nùs bol he geh ring lơngai di đap Kơnràñ,

I Jang 3:2

Ơ ală cau kòñ gơboh, tòm tŭ do bol he la kòn Yàng Tom Trồ dê, ai bol he rơp gơlik gơs mbe lơi, gen bơta hơ̆ òhềt geh yal tơlik. Bol he git lah tòm tŭ Bơtau Krist tơlik să gen bol he rơp gơlik gơs tòm toh be Kơnràñ, bơh rơp gŏ Kơnràñ be Kơnràñ la Bơtau neh gơs mơ gam gơs sùm sùm.