II Kôrintô 4:8 - Sră Goh 2018

⁸ Bol hi gơtìp rồn bơklơn tơl ală bơta, mơya ò kòl tơn; gơtìp kòl yan, mơya ò roh bơta gơn kơnòm;

II Kôrintô 4:8 ပူးပေါင်းရင်းမြစ်များ

Đơs Crih 129:2

Bơh tòm tŭ añ gam pơnu, bol khai òs sò tơm di añ sùm, mơya bol khai ò geh pha rlau mơ añ.

Đơs Crih 37:33

Yàng Jehôwa ò sang lòi khai tòm tê cau iơh bơsak, Kung ò lòi khai kong lơh nền glài tòm tŭ khai kòl cahrña.

Jơnau Pơnđik 14:26

Ală cau duh rngòt Yàng Jehôwa gơs tiah gơn kơnòm kơ̆ cê; Kơnràñ rơp la tiah kìng crŭ ală kòn sau bol khai in.

Jơnau Pơnđik 18:10

Sơnđan Yàng Jehôwa ngan la dô nơm theng kơ̆ cê; Cau song ring ntoat tus tềng hơ̆, geh lơngap lơngai.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Habakuk 3:17

Bulah chi ƀal rơp ò cat sơmbut mơ rơp ò gơs plai hơđang ntê ño; bulah chi ôlibe ò gơlik plai mơ ƀlàng sre ò tơnggơs phan sa; bulah ò gơs belàt tòm ƀlàng mơ ò gơs kơnrồ tòm wàng,

Jang 14:18

Añ rơp ò lòi bol mê ơm kòn đòi ò, Añ rơp lòt tus hơ bol mê.

I Kôrintô 10:13

Ò gơs bơta gơlòng lơi gơtơntus oh mi in rlau mơ kòn mơnus òs kong; mơya Yàng Tom Trồ la Bơtau lơh jat jơnau ho Kơnràñ dê, Kơnràñ ò lòi oh mi kong gơlòng rlau mơ pràn he dê, mơya tòm bơta gơlòng gen Kơnràñ kung pò gùng tồ geh lik klàs nàng oh mi in rgơi kong jai.

II Kôrintô 12:10

Gen tàng tài bơh Bơtau Krist añ niam nùs kong bơta lơbơn lơño, òsơp òso, siơ̆u siar, kup kơryan, bòl glar; bơh tòm tŭ añ lơbơn lơño, hơ̆ la tŭ añ pràn kơldang.

II Kôrintô 6:12

Bol hi ò hat hal gơwèt hơ oh mi, mơya tài bơh nùs oh mi hat hal.

II Kôrintô 6:4

Mơya tòm jơh ală bơta, bol hi yal tơlik să tòm bol hi be cau duh broă Yàng Tom Trồ dê, jơh nùs ơt ơl, tòm bơta rung rài, bòl glar, pluh plàng,

II Kôrintô 7:5

Mơ tai, dơ̆ bol hi lòt tus tòm Masedoan, poac să bol hi ò geh rlô lơngai dô êt lơi, mơya gơtìp li bơta bòl glar: Bơdìh gơs bơta tòmlơh, dơlam gơs bơta rngòt rngơt.

Galati 4:20

añ kơp kòñ añ gơs mat ơm bal mơ ală kòn tŭ do, mơ añ rgơi tòmgơl jơnau đơs añ jê nàng di pal, bơh añ ò suk ơm ngan bơh ală kòn.

I Samuel 28:15

Gen Samuel đơs mơ Sol lah: “Ñchi bơh tài mê lơh dơrcul añ mơ hòi añ guh taih?” Sol ho lah: “Añ ơm tòm bơta bòl glar dờng ngan. Bơh cau Philistin lơh kơlìn tòmlơh mơ añ, mơ Yàng Tom Trồ neh sang lòi añ mơ ò ho wơl añ in tai, bulah bơh ală cau gơnoar hwơr hala bơh ală bơta mpau. Behơ̆ añ neh hòi ồng nàng yal añ git ñchi añ pal lơh.”

I Samuel 30:6

Dabit ơm tòm bơta sơbơng roh ngan, tài bơh ală làng bol tòmbơyai cơm lŭ di khai, bơh bol khai sràt bơtang ngan tòm nùs tài bơh ală kòn klau mơ ală kòn ùr bol khai dê. Mơya Dabit geh pràn kơldang tòm Jehôwa Yàng Tom Trồ khai dê.

I Samuel 31:4

Sol đơs mơ cau àñ phan tòmlơh khai dê lah: “Tă tĕ đào mê mơ srơp añ, rngòt ală cau ò siat gơltau ne rơp tus srơp añ mơ lơh ƀàssìl di añ mòn!” Mơya cau àñ phan tòmlơh khai dê rngòt ngan mơ ò bài lơh behơ̆; behơ̆ Sol ai đào khai dê mơ tòmpừ is să khai di cồng gơ.