II Kôrintô 4:7 - Sră Goh 2018

⁷ Mơya bol hi ơn phan màng do tòm gri mơ ù, tồ yal tơlik gơnap gơnoar dờng rlau jơh do la bơh Yàng Tom Trồ, ò di la bơh bol hi.

II Kôrintô 4:7 ပူးပေါင်းရင်းမြစ်များ

Sră Jop 10:9

Dan Yàng kah wơl la Yàng neh mòn añ mơ ù kơnàng, Mơ tŭ do Yàng kòñ lơh añ in rê wơl tòm kơmbuh ù ơ?

Sră Jop 33:6

Di đap Yàng Tom Trồ añ kung be ồng, Añ kung neh geh mòn gơs bơh dô pet ù kơnàng.

Sră Jop 4:19

Tơ ài lah ală cau ơm tòm ală hìu mơ ù kơnàng, Gơs mơnàng tòm kơmbuh ù, bol khai kong tơnlề be dô nơm mŏ!

Ñìm Rac 4:2

Ală kòn sau kas màng Siôn dê, kwơ màng kung be màh ngan, mbe lơh bol khai kong sền òsơp kung be ală gri lơh mơ ù kơnàng la broă lơh bơh tê cau chài mòn ù dê!

Mathiơ 13:44

“Lơgar đang trồ kung be dô nơm phan màng pồn tòm sre; dô nă cau bàn gen pồn ndơp, hòn chò mơ lòt tac jơh ală phan khai dê mơ rwat sre hơ̆.”

Mathiơ 13:52

Kơnràñ đơs tai lah: “Tài behơ̆ kòp nă cau bơto bơta boh lam mơ neh gơlik gơs cau bơtê lơgar đang trồ dê la kung be dô nă cau tòm hìu cèng tơlik ală phan pa mơ phan yau bơh tòm đam khai dê.”

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

I Kôrintô 1:28

Yàng Tom Trồ neh sac ală bơta dềt rhền, ală bơta kòl sền òsơp, mơ ală bơta ò gơs dunnia dê, nàng tơnroh ală bơta dunnia kơlôi la dờng màng,

II Kôrintô 10:10

Bơh gơs cau ƀà đơs lah: “Ală sră pơyoa khai dê đơs kơnjơ̆ mơ pràn kơldang, mơya tus di tŭ tòm mat gen khai lơbơn lơño, mơ jơnau đơs ò gơs kwơ màng.”

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 4:1

Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

II Kôrintô 5:1

Bơh bol he git lah dilah hìu mơ ù ơm ing bol he dê tơrlơm lề, gen bol he gơs hìu gam sùm sùm hơđang trồ, bơh Yàng Tom Trồ lơh gơs, ò di bơh tê kòn mơnus.

II Kôrintô 6:10

sền be moat jrùng mơya gơs hòn chò sùm sùm; sền be rƀah lơòi mơya lơh oă cau in geh pas gơs; sền be ò gơs phan lơi mơya gơs jơh ală bơta.

Ephesô 2:5

tian gơs tòm tŭ he chơt tòm ală bơta tìs glài he dê, gen Kơnràñ neh lơh bol he in kis bal mơ Bơtau Krist hơ̆ la kơnòm di bơta nđàc mơ oh mi geh dong klàs.

Ephesô 3:8

Añ la cau dềt rlau jơh tòm ală cau sàng goh; bulah behơ̆ Kơnràñ neh ai añ in bơta nđàc hơ̆, nàng añ bơto yal làng bol bơdìh in bơta pas gơs ò git lơh Bơtau Krist dê,

Kôlôse 1:27

Yàng Tom Trồ kung niam nùs mơ yal bol khai in git bơta gơklŏ crih crài jơnau ndơp ndơr hơ̆ digùl làng bol bơdìh la mbe lơi, hơ̆ la Bơtau Krist ơm tòm oh mi la bơta gơn kơnòm oh mi dê, tồ geh pơnah tòm bơta gơklŏ Yàng Tom Trồ dê.

Kôlôse 2:12

Bơh oh mi neh kơnòm di ƀaptem mơ geh tơp bal mơ Kơnràñ, kung bơh hơ̆ neh geh kis wơl bal mơ Kơnràñ bơh bơta dòn di broă lơh gơnap gơnoar Yàng Tom Trồ dê, la Bơtau neh lơh Kơnràñ in kis wơl bơh bơta chơt.

Kôlôse 2:3

Kơnràñ la kai mpồng nàng pò jơh ală bơta dờng màng neh pồn ndơp bơh bơta jak chài mơ bơta git jak Yàng Tom Trồ dê.

I Tesalônika 1:5

bơh Jơnau Niam bol hi dê neh bơto yal oh mi in, ò di mìng bơh jơnau đơs lơm, mơya kung bơh gơnap gơnoar, bơh Yàng Hwềng Goh mơ bơh oă bơta dòn nền cê wil tơl sơl, kung be oh mi git bol hi ơm digùl oh mi la mbe lơi; bơta hơ̆ la niam oh mi in.

I Tesalônika 4:4

Kòp nă tòm oh mi pal git kơrmap gàr să he tòm bơta gơlik gơs sàng goh mơ màng ryŭ,

II Timôthe 2:20

Tòm dô nơm hìu dờng ò di gơs mìng ală gri mơ màh mơ priă lơm ò, mơya kung gơs gri mơ chi mơ ù sơl; phan ƀà ngui tòm broă dờng màng, phan ƀà tai ngui tòm broă ò dờng màng.

Ală Kwang Cahrña 7:2

Yàng Jehôwa đơs mơ Gideôn lah: “Ală cau ơm bal mơ mê la gal ir Añ in nàng Añ jào làng bol Midian tòm tê bol khai, bơh Israel rơp ò dòn kơnòm di Añ, mơ đơs lah: ‘Tê tòm añ dê neh dong tă añ.’