II Kôrintô 4:14 - Sră Goh 2018

¹⁴ bơh git lah Bơtau neh lơh Yàng Jesu in kis wơl kung rơp lơh bol hi in kis wơl bal mơ Yàng Jesu, mơ cèng tơlik bol hi bal mơ oh mi di đap Kơnràñ.

II Kôrintô 4:14 ပူးပေါင်းရင်းမြစ်များ

Esai 26:19

Ală cau chơt Kơnràñ dê rơp kis, ală ƀồc bol khai dê rơp guh! Bol mê la cau ơm tòm thul, kah rngal mơ đơs chò bơta hòn chò in. Bơh dà tŭ Kơnràñ dê la be dà tŭ rìng àng drim; plai ù rơp deh ală cau chơt gơ dê.

Luka 21:36

Behơ̆ bol mê pal drơng kơp tĕ mơ hòi dan sùm, tồ bol mê in gơs tơl pràn nàng lik klàs bơh di ală bơta pal tus hơ̆ mơ ntào di đap Kòn Mơnus.”

Broă 2:24

Mơya Yàng Tom Trồ neh dong tă Kơnràñ bơh bơta jê sồt bơta chơt dê mơ lơh Kơnràñ in kis wơl, tài bơh bơta chơt ò rgơi kup Kơnràñ.

Broă 2:32

Jesu do mơ Yàng Tom Trồ neh lơh kis wơl, mơ jơh tơl nă bol hi la cau lơh cơng bơh bơta hơ̆.

Rôma 8:11

Dilah Yàng Hwềng Goh bơh Bơtau neh lơh Yàng Jesu in kis wơl bơh bơta chơt ơm tòm oh mi, gen Bơtau neh lơh Yàng Krist Jesu in kis wơl bơh bơta chơt kung rơp kơnòm di Yàng Hwềng Goh Kơnràñ dê ơm tòm oh mi nàng lơh să jan òs chơt oh mi dê geh kis sơl.

I Kôrintô 6:14

Mơ Yàng Tom Trồ neh lơh Yàng in kis wơl, kung rơp ai gơnap gơnoar Kơnràñ dê mơ lơh bol he in kis wơl sơl.

II Kôrintô 11:2

Bơh añ ai nùs ƀoah pơrñat Yàng Tom Trồ dê mơ pơrñat oh mi, bơh añ neh lap oh mi mơ dô nă bau klau nàng tơlik mat oh mi Bơtau Krist in be dô nă cau ơruh sàng goh.

Ephesô 5:27

nàng Kơnràñ ràng tơlik di đap Kơnràñ Hìu Jum Goh la gơklŏ, ò gơs tềl ƀơ̆, ò gơkrồn, ò gơs phan lơi tòm toh behơ̆, mơya sàng goh, ò gơs tiah geh lah pơrhơng.

Kôlôse 1:22

Mơya tŭ do Yàng Tom Trồ neh kơnòm di bơta chơt să jan poac să Kơnràñ dê, mơ lơh oh mi in gơs gơtòmsòr wơl, nàng tơlik mat oh mi di đap Kơnràñ dô bă sàng goh, ò sồt rmàñ, ò gơs tiah geh lah pơrhơng.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

I Tesalônika 4:14

Bơh dilah bol he dòn Yàng Jesu neh chơt mơ kis wơl, gen Yàng Tom Trồ kung rơp cèng ală cau bic tòm Yàng Jesu tus bal mơ Kơnràñ sơl.

Jakơ 5:15

Bơta hòi dan bơh bơta dòn rơp dong klàs cau kòp, Yàng rơp sơmbòi cau hơ̆ in; mơ dilah cau kòp gơs tìs glài, kung rơp geh toh.

Jude 1:24

Mơ tai, dan Bơtau rgơi ê sền gàr oh mi klàs bơh bơta gơtup tìs, mơ tơlik mat oh mi ntào di đap bơta gơklŏ Kơnràñ dê, dô bă ò tềl sồt mơ hòn chò ò git lơh,