II Kôrintô 4:12 - Sră Goh 2018

¹² Behơ̆ gen bơta chơt lơh broă tòm bol hi, mơya bơta kis lơh broă tòm oh mi.

II Kôrintô 4:12 ပူးပေါင်းရင်းမြစ်များ

Broă 20:24

Mơya añ ò kòp bơta kis añ la kwơ, mìng kòñ lơh sir bơta ntoat pơrlòng añ jê mơ gơnoar broă añ neh dòp leng bơh di Yàng Jesu, nàng lơh cơng bơh Jơnau Niam bơta nđàc Yàng Tom Trồ dê.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

II Kôrintô 12:15

Añ kung chò ngan bơh hwềng soàn oh mi mơ roh jền glar să. Dilah añ kòñ gơboh di oh mi sơlo bơtơl, gen oh mi ò hoan kòñ gơboh di añ ơ?

II Kôrintô 13:9

Bulah bol hi lơbơn lơño mơ oh mi geh pràn kơldang, gen bol hi kung hòn chò; ai bơta bol hi hòi dan do hơ̆ la tồ oh mi in geh wil tơl.

II Kôrintô 4:11

Bơh bol hi la cau kis òs kong bơtào bơta chơt in tài bơh Yàng Jesu, tồ bơta kis Yàng Jesu dê kung geh yal tơlik tòm poac să òs chơt bol hi dê.

II Kôrintô 4:13

Bơh bol hi gơs dô nùs dòn bal, tòm toh be jơnau Sră Goh neh cih: “Añ neh dòn, gen tàng añ đơs,” bol hi kung dòn gen tàng bol hi đơs,

Philip 2:17

Bulah añ pal kong tuh tơlik be phan pơdơng ñô rsìh hơđang phan ơn duh khoai mơ phan ơn bơta dòn ală oh mi dê, gen añ kung hừh nùs mơ hòn chò bal mơ jơh ală oh mi sơl.

Philip 2:30

tài bơh broă Bơtau Krist dê mơ khai neh mòr chơt, phi bơta kis khai dê nàng lơh wil tơl bơta duh broă mơ oh mi ò rgơi lơh añ in.

I Jang 3:16

Bơh bơta do bol he đal git bơta kòñ gơboh hơ̆ la Bơtau Krist neh phi bơta kis Kơnràñ dê bơh bol he; bol he kung pal phi bơta kis bơh oh mi he behơ̆ sơl.