II Kôrintô 4:1 - Sră Goh 2018

¹ Behơ̆, bơh bơta nđàc sơngit Yàng Tom Trồ dê neh ai bol he geh gơnoar broă do, gen tàng bol hi ò gơplơ̆ nùs;

II Kôrintô 4:1 ပူးပေါင်းရင်းမြစ်များ

Esai 40:30

Bulah ơruh pơnu rơp bòl rơp glar, bulah ală klau pơnu rơp gơtup pừ.

Esai 40:31

Mơya cau lơi gơn kơnòm di Yàng Jehôwa gen rơp geh pràn pa, bol khai rơp pò pơnđar par jơnhoa hơđang kung be klàng bung; bol khai rơp ntoat mơ ò bòl glar, bol khai rơp lòt mơ ò lơgah lơgañ.

Jeremi 45:3

Mê neh đơs: ‘Bòl glar añ in, bơh Yàng Jehôwa bơtơl bơta moat jrùng jê sồt añ in; añ lơgah lơgañ bơh bơta rơnđơh rơnđềng, ò geh rlô bòl!’”

Luka 18:1

Yàng Jesu yal cau bơtê in dô jơnau pơnyơu, nàng bơto bol khai pal hòi dan sùm, bañ tŭ lơi gơplơ̆ nùs.

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

I Kôrintô 7:25

Bơh đah cau gam ơruh añ ò gơs jơnau sồr bơh Yàng; mơya añ yal tơlik bơta kơlôi añ jê, be dô nă cau neh geh Yàng kòñ nđàc, nàng lơh gơs cau di pal dòn kơnòm.

II Kôrintô 3:12

Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 4:16

Behơ̆ tàng bol he ò gơplơ̆ nùs, bulah cau đah bơdìh rhòi siar roh mơya cau đah dơlam kư̆ sơlo ngai sơlo tòmgơl pa.

II Kôrintô 5:18

Jơh ală bơta hơ̆ gơlik gơs bơh Yàng Tom Trồ; Kơnràñ neh kơnòm di Bơtau Krist mơ lơh bol he in gơtòmsòr wơl mơ Kơnràñ, mơ jào bol hi in gơnoar broă lơh cau in gơtòmsòr wơl.

Galati 6:9

Bol he bañ ruc wơl tòm bơta lơh broă niam, bơh dilah bol he ò gơplơ̆ nùs, gen tus di tŭ tơngai bol he rơp toès.

Ephesô 3:13

Gen tàng, añ dan oh mi bañ gơplơ̆ nùs tài bơh ală bơta jê sồt bòl glar añ kong bơh oh mi, bơh hơ̆ la bơta gơklŏ oh mi dê.

Philip 4:13

Añ rgơi lơh jơh ală bơta la kơnòm di Bơtau ai bơtơl pràn añ in.

II Tesalônika 3:13

Ơ oh mi, oh mi bañ ruc wơl tòm bơta lơh broă niam.

I Timôthe 1:13

bulah lài òr añ la cau tràl sơrbil, kup kơryan, jàñ bơsak, mơya añ neh geh Yàng kòñ nđàc, tài bơh añ neh lơh ală bơta hơ̆ tòm tŭ añ gam bơrngơl gơla òhềt dòn.

Hebrơ 12:3

Behơ̆, oh mi sền kơlôi tĕ di Bơtau neh kong jai jơnau sòdră bơh ală cau glài dê, tồ ală oh mi in ò bòl glar hala gơplơ̆ nùs.

I Pier 2:10

Bơh yau òr oh mi ò di la dô nơm làng bol, mơya tŭ do la làng bol Yàng Tom Trồ dê, lài ò geh kòñ nđàc, mơya tŭ do neh geh kòñ nđàc rau.

Yal Tơlik 2:3

Añ git mê òs kong ơt; mê neh kong bòl glar bơh sơnđan Añ mơ ò gơplơ̆ nùs.