II Kôrintô 3:7 - Sră Goh 2018

⁷ Mơ tai, dilah gơnoar broă cèng tus bơta chơt, la jơnau neh pac sềr hơđang mpàn lŭ, neh geh yal tơlik tòm bơta àng gơklŏ, tian gơs kòn sau Israel ò rgơi sền trol di mat Môise, tài bơh bơta àng gơklŏ hơđang mat khai, bulah bơta àng gơklŏ hơ̆ rhòi roh jơh;

II Kôrintô 3:7 ပူးပေါင်းရင်းမြစ်များ

Sơnròp Gơlik Gơs 3:21

Jehôwa Yàng Tom Trồ ai gơltau phan poan jơng lơh gơs ồi ào ùr klau Adam in mơ tơnsoh bol khai in.

Nehemi 9:13

Kơnràñ kung neh mù hơđang mơnơm Sinai tòmbơhbơr mơ bol khai bơh đang trồ, ai bol khai in ală bơta sồr lam, bơta boh lam di pal mơ song ring, bơta lơh nền mơ jơnau gơnoar sồr niam ngan.

Đơs Crih 119:174

Ơ Yàng Jehôwa, añ kơp kòñ ngan bơta dong klàs Yàng dê; Añ hừh nùs bơh bơta boh lam Kơnràñ dê.

Đơs Crih 119:97

Añ kòñ gơboh bơta boh lam Yàng dê ò git lơh! Jơh ngai mho añ kơlôi sơnơng bơh bơta boh lam hơ̆.

Lik Ejiptơ 24:12

Yàng Jehôwa đơs mơ Môise lah: “Guh tĕ mơ Añ hơđang mơnơm, mơ ơm tềng hơ̆; mơ Añ rơp ai mê in ală mpàn lŭ, gơs bơta boh lam mơ ală bơta sồr lam mơ Añ neh cih nàng bơto làng bol.”

Lik Ejiptơ 31:18

Tòm tŭ Yàng Jehôwa neh sir đơs mơ Môise hơđang mơnơm Sinai rau, Kơnràñ ai khai in bàr nơm mpàn bơta Cơng Tàng, la ală mpàn lŭ neh gơs jơnau cih bơh ràs tê Yàng Tom Trồ dê.

Lik Ejiptơ 32:19

Tòm tŭ Môise tus rềp di sàl gŏ kơnrồ kòn mơ bơta tòmya, gen bơta gơjrañ khai dê gơhào khuh mơ khai sơrbì ală mpàn bơh di tê khai, jan bơcah lề lac di jơng mơnơm.

Lik Ejiptơ 34:1

Yàng Jehôwa đơs mơ Môise lah: “Phàt tĕ bàr nơm mpàn lŭ be bàr nơm mpàn lài; mơ Añ rơp cih hơđang gơ ală jơnau neh cih hơđang bàr nơm mpàn lài mơ mê neh jan bơcah.

Broă 6:15

Jơh ală cau nggui tòm Mpồl Kwang Tơrña sền trol di Etien, gŏ muh mat khai be muh mat dô nă cau gơnrơh dê.

Rôma 10:4

bơh Bơtau Krist la bơta lồi dut bơta boh lam dê, nàng kòp nă cau dòn geh kòp la song ring.

Rôma 4:15

bơh bơta boh lam tơnggơs bơta gơjrañ dờng, mơya tiah lơi ò gơs bơta boh lam, gen kung ò gơs tìs mơ bơta boh lam sơl.

Rôma 5:20

Mơ tai, bơta boh lam neh mut tồ tồi glài bơtơl oă tai; mơya tiah lơi tồi glài bơtơl oă tai, gen bơta nđàc sơlo bơtơl lìu làc rlau tai,

Rôma 7:10

behơ̆ bơta sồr lam pal lam añ tus hơ bơta kis, mơya gơ lam añ tus hơ bơta chơt.

Rôma 7:22

Bơh jat cau đah dơlam, añ geh hừh nùs tòm bơta boh lam Yàng Tom Trồ dê;

Rôma 7:5

Tòm tŭ bol he gam jat poac să, gen ală bơta hàm kòñ iơh tồi glài dê bơh bơta boh lam tơnggit, lơh broă tòm să jan bol he, mơ gơlik plai bơta chơt in.

I Kôrintô 13:10

mơya tòm tŭ bơta wil tơl neh tus, gen bơta ò wil tơl rơp kòl sang lòi.

II Kôrintô 3:3

Loh làng ngan oh mi la sră pơyoa Bơtau Krist dê, bơh gơnoar broă bol hi mơ cih gơs, ò di cih mơ dà cih, mơya cih mơ Hwềng Yàng Tom Trồ gam kis sùm dê; ò di cih hơđang mpàn lŭ, mơya cih hơđang nùs cau dê.

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 3:8

tơ ài lah gơnoar broă Yàng Hwềng dê ò di sơlo geh àng gơklŏ rlau ò ơ?

Galati 3:10

Bơh cau lơi kơnòm di ală broă bơta boh lam dê, gen kòl srat sơntơm, bơh neh cih lah: “Pal srat ngan di cau lơi ò kơ̆ wền lơh jat jơh ală bơta neh cih tòm sră bơta boh lam.”

Galati 3:21

Behơ̆ gen bơta boh lam gơtòmsò mơ jơnau ho pơgon Yàng Tom Trồ dê sơl ơ? Ò di behơ̆ ò; bơh dilah neh ai dô bơta boh lam lơi rgơi ai bơta kis, gen ngan bơta geh kòp la song ring bơh bơta boh lam mơ tus.

Yal Wơl 4:13

Kơnràñ neh yal tơlik bol mê in bơta ho bal Kơnràñ dê, Jơt Bơta Sồr Lam mơ Kơnràñ ai jơnau gơnoar sồr bol mê pal lơh jat, lồc behơ̆ neh cih ală bơta hơ̆ hơđang bàr nơm mpàn mơ lŭ.

Yal Wơl 4:8

Mơ gơs làng bol lơi ndai dờng geh ală bơta lơh nền mơ ală bơta boh lam song ring be jơh tơl bơta boh lam mơ añ ơn di đap bol mê tòm ngai do sơl ơ?

Yal Wơl 5:22

Hơ̆ la ală bơta sồr lam mơ Yàng Jehôwa neh ai sap đơs dờng bơto yal jơh mpồl jơnum bol mê dê tềng hơ̆ hơđang mơnơm bơh di ồs, mhwal mơ bơta klam jơngo cik; mơ Kơnràñ ò gŏ đơs bơtơl jơnau lơi ndai tai. Lồc behơ̆ Kơnràñ neh cih ală jơnau hơ̆ hơđang bàr nơm mpàn lŭ mơ ai añ in.

Yal Wơl 9:15

Behơ̆ añ rê wơl mơ mù bơh hơđang mơnơm tòm tŭ gơ gam ồs sa hơng. Mơ bàr nơm mpàn lŭ bơta ho bal gam tòm tê añ.

Hebrơ 12:18

Mơ tai, oh mi ò di lòt tus hơ dô nơm mơnơm cau rgơi ƀư mơ gơs ồs sa hơng, kung ò tus hơ mhwal jù, klam jơngo, càl rbut,

Hebrơ 3:3

Bơh Kơnràñ neh geh kòp la di pal gơklŏ oă rlau mơ Môise, ò gơkrơi be cau tòm bơt bơtào hìu la ryŭ ryơm rlau mơ hìu.

Hebrơ 9:4

gơs cơnòng màh chu kơlhô, mơ Đài Bơta Ho Bal ƀềp mơ màh; tòm đài gơs dô nơm gri màh ơn mana, gai jra cat sơmbut Arôn dê, mơ bàr nơm mpàn lŭ bơta ho bal dê;