II Kôrintô 3:3 - Sră Goh 2018

³ Loh làng ngan oh mi la sră pơyoa Bơtau Krist dê, bơh gơnoar broă bol hi mơ cih gơs, ò di cih mơ dà cih, mơya cih mơ Hwềng Yàng Tom Trồ gam kis sùm dê; ò di cih hơđang mpàn lŭ, mơya cih hơđang nùs cau dê.

II Kôrintô 3:3 ပူးပေါင်းရင်းမြစ်များ

Đơs Crih 40:8

Ơ Yàng Tom Trồ añ jê, añ chò hòp lơh jat nùs kòñ Kơnràñ dê; Bơta boh lam Yàng dê ơm tòm nùs añ.”

Đơs Crih 42:2

Hwềng soàn añ tơhìr Yàng Tom Trồ, la Yàng Tom Trồ gam kis sùm. Tŭ lơi añ rơp lòt tus mơ tìp mat Yàng Tom Trồ taih?

Đơs Crih 84:2

Hwềng soàn añ kơp kòñ tian gơs bòl glar ngan bơh tiah ơm Yàng Jehôwa dê; Nùs mơ poac să añ chò hòp đơs chò jòng ro Yàng Tom Trồ gam kis sùm.

Lik Ejiptơ 24:12

Yàng Jehôwa đơs mơ Môise lah: “Guh tĕ mơ Añ hơđang mơnơm, mơ ơm tềng hơ̆; mơ Añ rơp ai mê in ală mpàn lŭ, gơs bơta boh lam mơ ală bơta sồr lam mơ Añ neh cih nàng bơto làng bol.”

Lik Ejiptơ 31:18

Tòm tŭ Yàng Jehôwa neh sir đơs mơ Môise hơđang mơnơm Sinai rau, Kơnràñ ai khai in bàr nơm mpàn bơta Cơng Tàng, la ală mpàn lŭ neh gơs jơnau cih bơh ràs tê Yàng Tom Trồ dê.

Lik Ejiptơ 32:15

Chòp Môise wơlke mơ mù bơh di mơnơm, at tòm tê bàr nơm mpàn bơta Cơng Tàng; gơs cih hơđang bàr đah mat, đah hơđap mơ đah ngkòi.

Lik Ejiptơ 34:1

Yàng Jehôwa đơs mơ Môise lah: “Phàt tĕ bàr nơm mpàn lŭ be bàr nơm mpàn lài; mơ Añ rơp cih hơđang gơ ală jơnau neh cih hơđang bàr nơm mpàn lài mơ mê neh jan bơcah.

Jơnau Pơnđik 3:3

Bơta dòn song mơ bơta lơh jat jơnau ho pơgon, kòn bañ lòi hŭi, Kơt tĕ gơ gùt dar ngko kòn, Cih tĕ gơ hơđang mpàn nùs kòn dê;

Jơnau Pơnđik 7:3

Kơt tĕ gơ di ràs tê kòn, cih gơ hơđang mpàn nùs kòn.

Jeremi 10:10

Mơya Yàng Jehôwa la Yàng Tom Trồ song ngan; Kơnràñ la Yàng Tom Trồ kis sùm, la Bơtau gam sùm sùm. Bơh bơta gơjrañ Kơnràñ dê ù gơlơnggơr, Ală làng bol ò jai kong bơta gơjrañ Kơnràñ dê.

Jeremi 17:1

Tồi glài Juda dê neh geh cih mơ gai cih lòs, Mơ mơng lŭ kră kơldang; Geh pac hơđang mpàn nùs bol khai, mơ hơđang ngke ală cơnòng duh khoai bol khai dê.

Jeremi 31:33

Yàng Jehôwa đơs: “Do la bơta ho bal mơ Añ rơp bơtào bal mơ hìu Israel tơnơ̆ mơ ală ngai hơ̆. Añ rơp ơn bơta boh lam Añ tòm dơngoh bol khai mơ cih tòm nùs bol khai. Añ rơp lơh gơs Yàng Tom Trồ bol khai, bol khai rơp lơh gơs làng bol Añ jê.

Ejekiel 11:19

Añ rơp ai bol khai in dô nơm nùs ò wil wơl, mơ ai dô nơm hwềng pa tòm bol khai; Añ rơp tă sang nùs mơ lŭ bơh di bol khai mơ ai bol khai in dô nơm nùs mơ poac,

Daniel 6:26

Añ ai jơnau sồr lah tòm làm jơh lơgar añ, jơh tơl nă cau pal rơm să rngòt di đap Yàng Tom Trồ Daniel dê. Kơnràñ la Yàng Tom Trồ gam kis sùm sùm mơ gam gơs sùm sùm. Lơgar Kơnràñ dê ò gơs tŭ lơi roh, mơ gơnoar at bồ Kơnràñ dê ò gơs tŭ lơi lồi.

Mathiơ 16:16

Simôn Pier ho lah: “Kơnràñ la Bơtau Krist Kòn Yàng Tom Trồ gam kis sùm.”

I Kôrintô 3:5

Behơ̆ gen, Apôlôs la ñcau? Pol la ñcau? Bol hi mìng la ală cau duh broă Yàng Tom Trồ dê, kơnòm dê bol hi tề lam mơ oh mi neh dòn, jat be bơta nđàc Yàng neh ai kòp nă cau hơ̆ in.

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

II Kôrintô 3:7

Mơ tai, dilah gơnoar broă cèng tus bơta chơt, la jơnau neh pac sềr hơđang mpàn lŭ, neh geh yal tơlik tòm bơta àng gơklŏ, tian gơs kòn sau Israel ò rgơi sền trol di mat Môise, tài bơh bơta àng gơklŏ hơđang mat khai, bulah bơta àng gơklŏ hơ̆ rhòi roh jơh;

II Kôrintô 6:16

Hìu duh khoai Yàng Tom Trồ dê geh tòm rsò bal mơ rùp ràk sơl ơ? Bơh bol he la hìu duh khoai Yàng Tom Trồ gam kis sùm dê, be Yàng Tom Trồ neh đơs lah: “Añ rơp ơm tòm bol khai, lòt rê digùl bol khai; Añ rơp lơh gơs Yàng Tom Trồ bol khai dê, Mơ bol khai rơp lơh gơs làng bol Añ jê”

I Tesalônika 1:9

Bơh să tòm bol khai yal wơl mbe lơi bol hi tus digùl oh mi, mơ mbe lơi oh mi neh sang rùp ràk mơ rê wơl hơ Yàng Tom Trồ, nàng duh broă Yàng Tom Trồ gam kis sùm mơ song ngan,

Hebrơ 10:16

Yàng đơs lah: “Do la bơta ho bal Añ rơp bơtào mơ bol khai. Tơnơ̆ mơ ală ngai hơ̆, Añ rơp ơn bơta boh lam Añ jê tòm nùs bol khai, Mơ cih gơtòm dơngoh bol khai dê,”

Hebrơ 8:10

Yàng đơs tai lah: “Do la bơta ho bal Añ rơp bơtào bal mơ hìu Israel, Tơnơ̆ mơ ală ngai hơ̆: Añ rơp ơn bơta boh lam Añ jê tòm dơngoh bol khai dê, Mơ cih gơtòm nùs bol khai; Añ rơp la Yàng Tom Trồ bol khai dê, Mơ bol khai rơp la làng bol Añ jê.

Hebrơ 9:14

tơ ài lah mhàm Bơtau Krist dê, la Bơtau kơnòm di Yàng Hwềng Goh gam sùm sùm mơ ơn să tòm Kơnràñ ò sồt rmàñ Yàng Tom Trồ in, gen rơp rào goh nùs tồr oh mi dê lin rlau tai klàs bơh ală broă chơt nàng duh broă Yàng Tom Trồ gam kis sùm.

Jôsue 3:10

Bơh bơta do bol mê rơp git Yàng Tom Trồ la Bơtau kis gam sùm sùm ơm digùl bol mê, mơ ngan la Kơnràñ rơp ting bơtrơh bơh di đap bol mê làng bol Kanaan, làng bol Hetit, làng bol Hebit, làng bol Pherijit, làng bol Girgasit, làng bol Amôrit mơ làng bol Jebusit:

Yal Tơlik 2:1

“Cih tĕ cau gơnrơh Hìu Jum Goh Ephesô in lah: Do la ală jơnau đơs Bơtau at poh nơm sơmañ tòm tê ma mơ lòt digùl poh nơm jơng ồs đèng mơ màh

Yal Tơlik 2:12

“Cih tĕ cau gơnrơh Hìu Jum Goh Pergam in lah: Do la ală jơnau đơs Bơtau gơs đào sồt bàr đah mat:

Yal Tơlik 2:18

“Cih tĕ cau gơnrơh Hìu Jum Goh Thiatirơ in lah: Do la ală jơnau đơs Kòn Yàng Tom Trồ dê, la Bơtau gơs gar mat be lơmpiat ồs, mơ jơng Kơnràñ gơlơh be kòng àng goh:

Yal Tơlik 2:8

“Cih tĕ cau gơnrơh Hìu Jum Goh Simirnơ in lah: Do la ală jơnau đơs Bơtau sơnròp mơ Bơtau lồi dut, Bơtau neh chơt mơ neh kis wơl:

Yal Tơlik 3:1

“Cih tĕ cau gơnrơh Hìu Jum Goh Sardis in lah: Do la ală jơnau đơs Bơtau gơs poh Hwềng Yàng Tom Trồ dê mơ poh nơm sơmañ: ‘Añ git ală broă mê dê, mê gơs sơnđan la kis mơya la chơt.

Yal Tơlik 3:14

“Cih tĕ cau gơnrơh Hìu Jum Goh Laodise in lah: Do la ală jơnau đơs Bơtau Amen dê, la Bơtau lơh cơng dòn song mơ song ngan, la tòm ryas bơta crơng gơs Yàng Tom Trồ dê:

Yal Tơlik 3:22

Cau lơi gơs tồr, iat tĕ jơnau Yàng Hwềng đơs mơ ală Hìu Jum Goh.”

Yal Tơlik 3:7

“Cih tĕ cau gơnrơh Hìu Jum Goh Philadelphi in lah: Do la ală jơnau đơs Bơtau sàng goh dê, Bơtau song ngan, la Bơtau gơs kai mpồng Dabit dê, la Bơtau pò gen ò gơs cau lơi rgơi til, til gen ò gơs cau lơi rgơi pò:

I Samuel 17:26

Gen Dabit lùp ală cau ơm rềp mơ khai lah: “Ñchi rơp lơh di cau rgơi tơnchơt cau Philistin do mơ tă sang bơta ƀàssìl bơh Israel? Cau Philistin ò siat gơltau do la ñcau mơ khin đơs pơrlòng ală mpồl ling Yàng Tom Trồ kis sùm sùm dê taih?”