II Kôrintô 3:14 - Sră Goh 2018

¹⁴ Mơya nùs bol khai neh gơs kră kơldang; jơl tus dê ngai do tòm tŭ sền Sră Goh Bơta Ho Bal Yau, gen bài kơrnìng hơ̆ òhềt tă tơlik, ngan la mìng tòm Bơtau Krist mơ bài kơrnìng hơ̆ geh tă tơlik.

II Kôrintô 3:14 ပူးပေါင်းရင်းမြစ်များ

Broă 26:18

nàng pò mat bol khai, tơrwơl bol khai bơh di klam jơngo tus hơ bơta àng, mơ bơh di gơnap gơnoar cà Satan dê tus hơ Yàng Tom Trồ, behơ̆ kơnòm di bơta dòn di Añ, tồi glài bol khai dê geh toh, mơ dòp geh sre brê bal mơ ală cau geh sac rwah Yàng Tom Trồ dê.’

Rôma 11:25

Ơ oh mi, añ kòñ oh mi git bơta ndơp ndơr do, nàng oh mi ò jòng să he la cau jak chài: hơ̆ la dô pơnah làng bol Israel kư̆ kơldang nùs sùm, jơl tus di tŭ lơi ntum khà làng bol bơdìh wil tơl lòt tus hơ Yàng Tom Trồ;

II Kôrintô 4:6

Bơh Yàng Tom Trồ la Bơtau neh đơs lah: “Bơta àng pal pơnđàng sòl tòm bơta klam jơngo,” kung neh pơnđàng sòl tòm nùs bol hi, nàng bơh bol hi mơ pơnđàng sòl bơta git wă bơh bơta gơklŏ Yàng Tom Trồ dê tòm muh mat Yàng Jesu Krist dê.

Broă 16:14

Gơs dô nă cau ùr iat jơnau bol hi, sơnđan la Lidi, ƀòn tòm la Thiatirơ, la cau tac bài dà gur, mơ duh khoai Yàng Tom Trồ. Yàng pò nùs mò in wèt tồr iat jơnau Pol đơs.

Broă 13:15

Tòm tŭ sir sền sră bơta boh lam mơ sră ală cau gơnoar hwơr, ală cau at bồ hìu jum sồr cau đơs mơ bol khai lah: “Ơ oh mi, dilah gơs jơnau lơi bơto tơngkah làng bol, dan đơs tĕ.”

Jang 12:46

Añ la bơta àng neh tus tòm dunnia, nàng cau lơi dòn Añ gen ò gam ơm tòm klam jơngo.

Jang 12:40

“Yàng neh lơh mat bol khai jơngo, nùs bol khai kră kơldang, Rngòt mat bol khai sền gŏ, nùs bol khai git wă, Mơ gơjrañ sang glài, Nàng Añ sơmbòi bol khai in.”

Jang 8:12

Yàng Jesu đơs tai mơ bol khai lah: “Añ la bơta àng dunnia dê; cau lơi jat Añ rơp ò lòt tòm bơta klam jơngo, mơya gơs bơta àng bơta kis dê.”

Mathiơ 16:17

Yàng Jesu đơs mơ khai lah: “Ơ Simôn kòn Jôna, lơngai mê in, bơh ò di poac mơ mhàm yal tơlik mê in git bơta do ò, mơya hơ̆ la Bèp Añ ơm hơđang trồ.

Mathiơ 13:11

Kơnràñ ho lah: “Neh ai bol mê in git ală bơta ndơp ndơr lơgar đang trồ dê, mơya ò ai bol khai in.

Mathiơ 6:23

Mơya dilah mat mê ò niam, gen jơh să jan mê gơs klam jơngo. Behơ̆ dilah bơta àng tòm mê la klam jơngo, gen bơta klam jơngo do la dờng ò git nđò.”

Ejekiel 12:2

“Ơ kòn mơnus, mê ơm digùl dô nơm làng bol jak tòmdră. Bol khai gơs mat nàng sền mơya ò gŏ, gơs tồr nàng iat mơya ò kơno, bơh bol khai la dô nơm làng bol jak tòmdră.

Jeremi 5:21

Iat tĕ bơta do, ơ làng bol tùl gơla mơ ò wă wơng, La làng bol gơs mat mơ ò gŏ, Gơs tồr mơ ò kơno.”

Esai 44:18

Bol khai ò git bơta lơi, bol khai ò git wă bơta lơi; gar mat bol khai gơkòl lềt wơl gen tàng bol khai ò rgơi gŏ, nùs tồr bol khai gơkòl kal wơl gen tàng bol khai ò rgơi git wă.

Esai 59:10

Bol he tơbư rò gah dơrñang kung be cau jơngo mat; jòi gùng bol he dê kung be ală cau ò gơs gar mat. Di trồ gùl ngai bol he gơtup jơng kung be tòm trồ mòr mang; digùl cau pràn kơldang mơ bol he kung be cau neh chơt.

Esai 56:10

Ală cau kơp gàr Israel dê jơngo mat, jơh tơl nă bol khai siơ̆u bơta git wă; bol khai jơh tơl nă la ală so kloat; ò rgơi khoal; ơm bic wèng, ơm mpau, jròk bic mat.

Esai 6:10

Lơh tĕ nùs làng bol do kră kơldang, lơh tồr bol khai tĭ, mơ lơh mat bol khai gơ tơñềm. Nàng mat bol khai ò rgơi sền mơ tồr bol khai ò rgơi kơno, mơ nùs bol khai dê rgơi git wă, bol khai rê wơl mơ geh sơmbòi.”

Đơs Crih 69:23

Dan lơh jơngo mat bol khai dê nàng bol khai ò rgơi gŏ, Mơ lơh ală kồ jơng bol khai dê ơrơm sùm.

II Kôrintô 3:6

Kơnràñ kung neh ai bol hi in gơs tơl bơta chài rgơi nàng lơh gơs cau duh broă bơta ho bal pa, ò di bơta ho bal mơ sră, mơya bơta ho bal mơ Yàng Hwềng; bơh sră lơh gơs chơt, ai Yàng Hwềng lơh gơs kis.

Esai 25:7

Mơ Kơnràñ rơp tơnroh hơđang mơnơm do, chèo jơm mat neh sơrbì hơđang jơh ală làng bol, ồi tơ̆ neh jơm hơđang jơh ală lơgar; Kơnràñ rơp loan bơta chơt jơl sùm sùm.

Broă 15:21

Bơh rài yau bơta boh lam Môise dê neh geh sền tòm ală hìu jum cau Juda dê, kòp ngai Saƀat mơ jơnau Kơnràñ dê geh bơto yal tòm kòp nơm ƀòn dờng.”

II Kôrintô 3:15

Ngan behơ̆, jơl tus di ngai do kòp dơ̆ sền Sră Môise gen gam gơs bài kơrnìng hơ̆ ơm hơđang nùs kơlôi bol khai dê.

Ephesô 4:18

nùs bol khai klam jơngo, ơm ngài mơ bơta kis Yàng Tom Trồ dê, tài bơh bơta bơrngơl gơla tòm bol khai gơlik bơh nùs kră kơldang bol khai dê.