II Kôrintô 3:12 - Sră Goh 2018

¹² Bơh bol he neh gơs bơta gơn kơnòm behơ̆, gen tàng bol he đơs dô bă khin cha ngan,

II Kôrintô 3:12 ပူးပေါင်းရင်းမြစ်များ

Jang 10:24

Gen ală cau Juda gơrwàng gùt dar Kơnràñ mơ lùp lah: “Cau Bơto lòi bol hi pal kơp gơn jơl tus tŭ lơi taih? Dilah Cau Bơto la Bơtau Krist, gen đơs tĕ loh làng bol hi in.”

Jang 16:25

Añ neh ai jơnau pơnyơu nàng đơs ală bơta hơ̆ mơ bol mê. Jơ tus, gen Añ ò tai ai jơnau pơnyơu nàng đơs mơ bol mê ò, mơya Añ rơp yal loh làng bơh Bèp bol mê in.

Jang 16:29

Ală cau bơtê đơs lah: “Tŭ do Kơnràñ đơs loh làng, ò ngui jơnau pơnyơu tai.

Broă 14:3

Bulah behơ̆, Pol mơ Banaba ơm wơl tềng hơ̆ jŏ ngai, mơ bơto yal bơh Yàng dô bă khin cha, mơ Yàng ngui tê bol khai lơh gơs ală bơta krơi tềl is, nàng lơh cơng di ngan jơnau bơta nđàc Kơnràñ dê.

Broă 4:13

Dơ̆ bol hơ̆ gŏ bơta khin cha Pier mơ Jang dê, mơ git đal lah bol khai la cau òs, ò bơtê gen ai lơh krơi; mơ git loh lah bàr nă bol khai neh ơm mơ Yàng Jesu.

Broă 9:27

Mơya Banaba dong khai mơ lam tus hơ ală cau gơnoar bơto dờng, mơ yal wơl bol hơ̆ in git mbe lơi rò gùng khai neh gŏ Yàng tơlik să mơ Kơnràñ neh đơs mơ khai, mơ khai neh ai sơnđan Yàng Jesu mơ bơto yal dô bă khin cha tòm Damas.

Broă 9:29

mơ ai sơnđan Yàng nàng bơto yal dô bă khin cha. Khai kung đơs mơ pơndang mơ ală cau Juda git đơs jơnau Grek, mơya bol khai jòi gùng nàng tơnchơt khai.

I Kôrintô 14:19

mơya tòm Hìu Jum Goh añ kòñ đơs pram jơnau rgơi wă mơ dơngoh kơlôi nàng bơto sồr ală cau ndai la niam rlau mơ rbô jơnau đơs mơ jơnau đơs ndai.

II Kôrintô 10:1

Añ la Pol, tòm tŭ ơm di đap oh mi gen lơbơn lơño, mơya tŭ neh ngkòi mat gen cha rma ngan gơwèt mơ oh mi. Añ ai bơta niam lơnhơn mơ bơta lơbơn niam Bơtau Krist dê mơ tơngkah oh mi,

II Kôrintô 3:11

Bơh dilah bơta pal sang lòi gơs bơta àng gơklŏ sơl, tơ ài lah bơta gam sùm sùm gơs bơta àng gơklŏ sơlo oă rlau tai.

II Kôrintô 4:13

Bơh bol hi gơs dô nùs dòn bal, tòm toh be jơnau Sră Goh neh cih: “Añ neh dòn, gen tàng añ đơs,” bol hi kung dòn gen tàng bol hi đơs,

II Kôrintô 7:4

Añ dòn kơnòm nền cê di oh mi, mơ gơs oă bơta jòng să bơh di oh mi! Añ gơs bềng lìu bơta pơndòm pơniang, lìu làc bơta hòn chò digùl ală bơta bòl glar.

Philip 1:14

Gơs pơnah oă oh mi tòm Yàng, tài bơh añ kòl kơt mơ che sreng, gen bol khai gơs nùs dòn nền rlau, gơbơtơl nùs khin cha bơto jơnau Yàng Tom Trồ dê ò rngòt dô êt lơi.

Philip 1:20

Jat bơta kơp gơn nền cê mơ bơta gơn kơnòm añ jê, añ ò ƀàssìl tòm broă lơi ò, mơya lài be lơi, gen tòm tŭ do kung behơ̆ sơl, añ gơs nùs bềng bơta khin cha; behơ̆ bulah bơh bơta kis hala bơh bơta chơt añ jê, gen tòm să jan añ Bơtau Krist rơp geh jòng ro.

Kôlôse 4:4

tồ añ in yal tơlik jơnau hơ̆ be añ pal đơs.

I Tesalônika 2:2

Mơya tơnơ̆ mơ tŭ neh kong jê sồt mơ dơñŏ tơnhial tòm Philip, be oh mi neh git, gen bol hi sơlo khin cha tòm Yàng Tom Trồ bol hi dê mơ bơto yal Jơnau Niam Yàng Tom Trồ dê oh mi in digùl oă bơta gơrơndul tòmdră.

I Timôthe 3:13

Bơh cau lơi lơh niam tòm gơnoar broă dong gàr hìu jum, gen geh màng ryŭ mơ nùs khin cha ngan tòm bơta dòn tòm Yàng Krist Jesu.

Philemôn 1:8

Behơ̆ tàng, bulah añ gơs nùs khin cha ngan tòm Bơtau Krist mơ sồr bi lơh broă pal lơh,