II Kôrintô 3:10 - Sră Goh 2018

¹⁰ Ngan behơ̆, bơh bơta àng gơklŏ tơnơ̆ do lin rlau, gen bơta àng gơklŏ lài òr ò gơs gam tai.

II Kôrintô 3:10 ပူးပေါင်းရင်းမြစ်များ

Sră Jop 25:5

Tian gơs dilah mat kơnhai kung ò àng gơcrà, Mơ ală sơmañ kung ò sàng goh di đap Kơnràñ;

Esai 24:23

Mat kơnhai rơp ƀàssìl, mattơngai rơp ƀàssìl; bơh Yàng Jehôwa Gơnap Gơnoar Dờng rơp at bồ hơđang mơnơm Siôn mơ hơđang Jerusalem, Kơnràñ rơp ràng tơlik bơta gơklŏ Kơnràñ dê di đap ală kwang kra Kơnràñ dê.

Sră Age 2:3

‘Ñcau la cau gam wơl tòm bol mê neh sền gŏ hìu do tòm bơta gơklŏ yau gơ dê taih? Tŭ do bol mê gŏ gơ mbe lơi taih? Gơwèt mơ bol mê, gơlơh kung be la ò kwơ ơ?’

Broă 26:13

Ơ bơtau, tòm gùng añ lòt di digùl ngai, añ gŏ bơta àng dờng bơh đang trồ, gơcrà rlau mơ mattơngai, sòl gùt dar añ bal mơ ală cau lòt bal mơ añ sơl.

II Kôrintô 3:11

Bơh dilah bơta pal sang lòi gơs bơta àng gơklŏ sơl, tơ ài lah bơta gam sùm sùm gơs bơta àng gơklŏ sơlo oă rlau tai.

II Kôrintô 3:9

Behơ̆, dilah gơnoar broă bơta lơh nền glài dê gam la àng gơklŏ, gen tơ ài lah gơnoar broă bơta song ring dê geh àng gơklŏ sơlo oă rlau tai.

II Pier 1:17

Bơh Kơnràñ neh dòp geh bơta màng ryŭ mơ bơta gơklŏ bơh Yàng Tom Trồ la Bèp, mơ gơs jơnau bơh tiah gơklŏ jòng ngan đơs mơ Kơnràñ lah: “Do la Kòn kòñ gơboh Añ jê, niam nùs Añ tòm ală bơta,”

Yal Tơlik 22:5

Rơp ò gam gơs mang tai; bol khai ò càng bơta àng ồs đèng dê hala bơta àng mattơngai dê tai, tài bơh Yàng la Yàng Tom Trồ rơp sòl pơnđàng bol khai in, mơ bol khai rơp at bồ jơl sùm sùm ò lồi.