II Kôrintô 2:14 - Sră Goh 2018

¹⁴ Mơya ưnngài Yàng Tom Trồ, Kơnràñ lam bồ bol hi dô bă pha lin tòm Bơtau Krist sùm sùm, mơ bơh bol hi Kơnràñ rsìh ƀô bơlhu bơh bơta dòp git Kơnràñ làm bă tiah.

II Kôrintô 2:14 ပူးပေါင်းရင်းမြစ်များ

Đơs Crih 106:47

Ơ Jehôwa Yàng Tom Trồ bol he dê, dan dong klàs bol hi, Pơjum tơrgòm bol hi bơh digùl ală làng bol, Tồ bol hi in ưnngài sơnđan sàng goh Kơnràñ dê, Mơ hòn chò tòm bơta jòng ro Kơnràñ.

Đơs Crih 148:14

Kơnràñ neh pò tơngguh ngke làng bol Kơnràñ dê. La bơta jòng ro ală cau dòn song Kơnràñ dê, Hơ̆ la làng bol Israel, la cau ơm rềp di Kơnràñ. Jòng ro Yàng Jehôwa!

Đơs Chò 1:3

Mơñà bong mê dê ƀô bơlhu; Sơnđan mê be mơñà ƀô bơlhu hòr lik; Gen tàng ală cau ơruh dềt kòñ gơboh di mê.

Ejekiel 20:41

Añ rơp dòp bol mê kung be kơlhô ƀô bơlhu tòm tŭ Añ cèng bol mê lik bơh di ală làng bol, mơ pơjum tơrgòm bol mê bơh di ală lơgar mơ bol mê neh kong nrah nring; mơ Añ rơp yal tơlik să tòm Añ sàng goh digùl bol mê mơ di đap ală làng bol.

Jang 16:33

Añ neh đơs ală bơta hơ̆ bol mê in, tồ bol mê in gơs bơta lơngap lơngai tòm Añ. Bol mê rơp gơs bơta rung rài tòm dunnia, mơya kơ̆ tĕ nùs; Añ neh pha mơ dunnia rau.”

Rôma 1:8

Sơnròp ngan, añ kơnòm di Yàng Jesu Krist mơ ưnngài Yàng Tom Trồ añ jê bơh jơh ală oh mi, bơh bơta dòn oh mi dê neh pơnro làm jơh dunnia.

Rôma 15:19

bơh gơnap gơnoar tềl is mơ ală bơta krơi dê, bơh gơnap gơnoar Yàng Hwềng Goh dê; añ neh bơto yal Jơnau Niam Bơtau Krist dê làm bă tiah bơh Jerusalem mơ tòm ală ƀòn gùt dar jơl tus hơ Iliri.

Rôma 6:17

Mơya ưnngài Yàng Tom Trồ, bơh tơnơ̆ mơ tŭ oh mi neh ơm dĭ gơna tồi glài dê, gen neh jơh nùs dòn bơr kơr sơnoa bơta bơto dê neh jào oh mi in.

Rôma 8:37

Gơpơrlơ̆ wơl, tòm jơh ală bơta hơ̆, bol he kơnòm di Bơtau kòñ gơboh di bol he nàng geh bơta pha lin rlau.

I Kôrintô 12:8

Behơ̆, cau do kơnòm di Yàng Hwềng ai bềng jơnau jak chài, cau ne kơnòm di Yàng Hwềng hơ̆ ai bềng jơnau git jak,

I Kôrintô 15:37

Phan lơi mê sih, hơ̆ ò di la rùp să rơp gơs, mơya mìng la gar, be gar kòi hala gar ndai,

I Kôrintô 15:57

Mơya ưnngài Yàng Tom Trồ, Kơnràñ ai bol he in bơta pha lin rlau bơh Yàng Jesu Krist la Yàng bol he dê.

II Kôrintô 1:11

Ală oh mi kung ai jơnau hòi dan nàng dong kòl bol hi bal, tồ kơnòm di oă jơnau hòi dan gen bol hi dòp geh bơta lơngai lơngò mơ gơs oă cau bơh bol hi mơ ưnngài Yàng sơl.

II Kôrintô 8:16

Ưnngài Yàng Tom Trồ, Kơnràñ neh ơn tòm nùs Tit gơs bơta kơlôi ngac ngar gơwèt mơ oh mi kung be añ sơl.

II Kôrintô 9:15

Ưnngài tĕ Yàng Tom Trồ, bơh bơta ai gòi Kơnràñ dê ò git jơh!

Ephesô 5:2

Cơnđòa lòt tĕ tòm bơta kòñ gơboh, kung be Bơtau Krist neh kòñ gơboh di bol he mơ phi să tòm Kơnràñ dê bơh bol he, nàng lơh gơs phan ơn mơ phan ơn duh khoai gơs ƀô bơlhu Yàng Tom Trồ in.

Ephesô 5:20

Bơh jơh ală bơta oh mi pal ai sơnđan Yàng Jesu Krist bol he dê mơ sùm sùm ưnngài Yàng Tom Trồ la Bèp.

Philip 4:18

Añ geh wil tơl mơ tơngkah tơngkañ; añ geh bềng lìu bơh neh dòp geh ală phan ai gòi bơh Epaphrôdik mơ oh mi pơyoa añ in, hơ̆ la dô nơm phan ơn gơs ƀô bơlhu, la dô nơm phan pơdơng geh Yàng Tom Trồ dòp mơ niam nùs Kơnràñ.

Kôlôse 1:23

Mìng la oh mi kư̆ ơm tòm bơta dòn, kơ̆ cê, ò gơlơnggac lơnggơr, ò gơtơrđeh bơh bơta gơn kơnòm tòm Jơnau Niam mơ oh mi neh kơno, gơ neh geh bơto yal digùl jơh ală làng bol hơđơm trồ; să tòm añ la Pol kung neh geh lơh gơs cau gơnoar duh broă Jơnau Niam hơ̆ dê.

Kôlôse 1:6

Jơnau Niam hơ̆ neh tus hơ oh mi, kung be neh tus tòm làm jơh dunnia, gơlik plai mơ gơbơtơl kung be tòm oh mi, bơh ngai oh mi neh kơno mơ git wă bơta nđàc Yàng Tom Trồ dê jat be jơnau song,

Kôlôse 2:15

Kơnràñ sang ală gơnoar at bồ mơ ală gơnoar, mơ ràng tơlik bol khai dô bă loh làng, mơ geh pha lin rlau mơ bol khai di chi pơng.

I Tesalônika 1:8

Bơh jơnau Yàng bơh oh mi neh gơpơnro ò di mìng tòm Masedoan mơ Acai lơm, mơya bơta dòn oh mi dê tòm Yàng Tom Trồ kung neh pơnro làm jơh ală tiah, tian gơs bol hi ò càng đơs jơnau lơi tai.

I Tesalônika 3:9

Mbe lơi bol hi rgơi tơl jơnau ưnngài Yàng Tom Trồ tài bơh oh mi, bơh jơh ală bơta hòn chò bol hi geh di đap Yàng Tom Trồ tài bơh oh mi taih?

I Timôthe 2:8

Behơ̆ añ kòñ ală cau klau pò tê sàng goh hơđang nàng hòi dan tòm kòp bă tiah, bañ gơs bơta gơjrañ mañ mơ bơta tòm pơndang bal.

II Timôthe 2:2

Ală bơta mê neh kơno bơh añ di đap oă cau lơh cơng, jào tĕ ală cau di pal gơn kơnòm in, la ală cau chài rgơi bơto sồr cau ndai.

Yal Tơlik 7:12

mơ đơs lah: “Amen! Bơta jòng ro, gơklŏ, jak chài, ưnngài, ryŭ ryơm, gơnap gơnoar, mơ gơnoar pràn gơrê bal mơ Yàng Tom Trồ bol he dê jơl sùm sùm ò lồi. Amen!”