II Kôrintô 2:12 - Sră Goh 2018

¹² Tòm tŭ añ neh tus hơ Trôas nàng bơto yal Jơnau Niam bơh Bơtau Krist, dô nơm mpồng neh pò añ in tòm Yàng,

II Kôrintô 2:12 ပူးပေါင်းရင်းမြစ်များ

Broă 14:27

Tòm tŭ tus tềng hơ̆, Pol mơ Banaba pơjum tơrgòm Hìu Jum Goh, yal wơl jơh ală broă Yàng Tom Trồ neh lơh bal mơ bol khai, mơ mbe lơi Kơnràñ neh pò mpồng bơta dòn cau làng bol bơdìh in.

Broă 16:11

Behơ̆, bơh Trôas bol hi hào ơhò tus song hơ Samôtras, ngai tơnơ̆ lòt tus hơ Neapôli.

Broă 16:8

gen tàng bol khai lòt gan di Misia mơ mù hơ Trôas.

Broă 20:8

Gơs oă ồs đèng tòm ơdŭ tap hơđang la tiah bol hi ơm pơjum bal.

Rôma 1:1

Pol, dĭ gơna Yàng Krist Jesu dê, geh Yàng Tom Trồ hòi sac lơh gơs cau gơnoar bơto dờng, ơn is nàng bơto Jơnau Niam Yàng Tom Trồ dê,

I Kôrintô 16:9

bơh neh gơs dô nơm mpồng dờng ơnàng neh pò mơ gơs kwơ tòm broă añ in, mơ kung gơs oă cau sò tơm sơl.

I Kôrintô 9:12

Dilah cau ndai geh gơnoar hơ̆ hơđang oh mi, tơ ài lah bol hi taih? Bulah behơ̆ bol hi ò òs ngui gơnoar hơ̆, mơ pơrlơ̆ wơl, bol hi kong ơt tòm jơh ală bơta nàng klàs bơta kơryan Jơnau Niam Bơtau Krist dê.

I Kôrintô 9:14

Yàng kung neh sồr nền lah cau lơi bơto yal Jơnau Niam gen kơnòm bơh Jơnau Niam mơ kis.

I Kôrintô 9:16

Bơh dilah añ bơto yal Jơnau Niam gen añ ò gơs bơta lơi nàng jòng să, bơh añ ơm hơđơm gơnoar sồr; mơya dilah añ ò bơto yal Jơnau Niam gen sơbơng rơng añ in.

II Kôrintô 10:14

Bơh bol hi ò sơrlèt rlau mơ gơnoar bol hi dê, be bol hi òhềt tus hơ oh mi, mơya ngan bol hi neh cèng Jơnau Niam Bơtau Krist dê tus hơ oh mi sơnròp ngan.

II Kôrintô 11:4

Bơh oh mi neh chò nùs kong dòp, dilah gơs cau lơi lòt tus bơto yal oh mi in dô nă Jesu ndai krơi is mơ Yàng Jesu bol hi neh bơto yal, mơ oh mi neh dòp dô nơm hwềng mơ jơnau niam ndai krơi is mơ Yàng Hwềng mơ Jơnau Niam oh mi neh dòp bơh bol hi.

II Kôrintô 11:7

Añ neh bơto yal Jơnau Niam Yàng Tom Trồ oh mi in ò dan bơta lơi, tơnliah is să he tồ oh mi in geh yò tơngguh, gen añ gơs glài sơl ơ?

II Kôrintô 4:3

Dilah Jơnau Niam bol hi dê gam kìng ndơp, la mìng kìng ndơp ală cau kòl roh rui in lơm.

II Kôrintô 4:4

Bơh Yàng rài do neh lơh jơngo nùs cau ò dòn, nàng bơta àng Jơnau Niam gơklŏ Bơtau Krist dê, la rùp să Yàng Tom Trồ dê, ò pơnđàng tus di bol khai.

II Kôrintô 8:18

Bol hi neh sồr dô nă oh mi lòt bal mơ Tit, la cau bơto yal Jơnau Niam, geh ală Hìu Jum Goh jòng ro.

II Kôrintô 9:13

Bơh kơnòm dê bơta pà gòi phan hơ̆, bol khai đal git oh mi dòn jat Jơnau Niam Bơtau Krist dê mơ oh mi neh ràng tơlik, mơ kơnòm dê bơta pà gòi wìu ơnàng oh mi dê gơwèt mơ bol khai mơ gơwèt mơ tơl nă cau, gen bol khai jòng ro Yàng Tom Trồ.

Kôlôse 4:3

Kung hòi dan tĕ bol hi in, dan Yàng Tom Trồ pò bol hi in dô nơm mpồng bơto jơnau Yàng, nàng bơto jơnau ndơp ndơr Bơtau Krist dê, kung bơh jơnau hơ̆ mơ añ kòl kơt mơ che sreng,

I Tesalônika 3:2

mơ sồr Timôthe la oh mi bol hi dê, la cau duh broă Yàng Tom Trồ tòm Jơnau Niam Bơtau Krist dê, lòt nàng lơh oh mi in geh kơ̆ nền mơ chồl pơndòm bơta dòn oh mi dê,