II Kôrintô 13:9 - Sră Goh 2018

⁹ Bulah bol hi lơbơn lơño mơ oh mi geh pràn kơldang, gen bol hi kung hòn chò; ai bơta bol hi hòi dan do hơ̆ la tồ oh mi in geh wil tơl.

II Kôrintô 13:9 ပူးပေါင်းရင်းမြစ်များ

Rôma 15:2

Mơya, kòp nă cau tòm bol he pal lơh hừh nùs cau gơp ƀòn he tòm broă niam bol khai dê, nàng bơt bơtào bơta dòn bol khai in.

I Kôrintô 1:10

Ơ oh mi, tŭ do añ rac dan mơ oh mi, bơh tòm sơnđan Yàng Jesu Krist bol he dê, añ dan jơh ală oh mi gơs tĕ dô bă bal tòm jơnau đơs, mơ digùl oh mi kung bañ gơs bơta cah is mpồl, mơya oh mi pal gơtòmklac bal tòm dô nơm nùs kơlôi mơ dô tơnggume lơh nền.

I Kôrintô 2:3

Mơ añ neh tus hơ oh mi tòm bơta lơbơn lơño, mơ tòm bơta rngòt rngơt mơ rơm să ngan.

I Kôrintô 4:10

Bol hi la cau tùl gơla bơh Bơtau Krist, mơya oh mi geh jak chài tòm Bơtau Krist; bol hi lơbơn lơño, mơya oh mi pràn kơldang; oh mi geh sền dờng màng, mơya bol hi kong sền òsơp.

II Kôrintô 11:30

Dilah pal jòng să, gen añ rơp jòng să bơh ală bơta lơbơn lơño añ jê.

II Kôrintô 13:11

Tơnơ̆ wơl, ơ oh mi, hòn chò tĕ, gơs wil tơl tĕ; chồl pơndòm tĕ, gơs dô nùs kơlôi bal, gơtòmsòr bal tĕ, gen Yàng Tom Trồ la Bơtau ai bơta kòñ gơboh mơ bơta lơngap lơngai rơp ơm bal mơ oh mi. Ngac yơ!

II Kôrintô 13:4

Bơh bulah tòm bơta lơbơn lơño Kơnràñ neh kong pơng đìn di chi pơng, mơya Kơnràñ kơnòm di gơnap gơnoar Yàng Tom Trồ dê mơ kis. Bol hi kung lơbơn lơño tòm Kơnràñ, mơya gơwèt mơ oh mi bol hi kơnòm di gơnap gơnoar Yàng Tom Trồ dê gen kung kis tòm Kơnràñ.

II Kôrintô 4:12

Behơ̆ gen bơta chơt lơh broă tòm bol hi, mơya bơta kis lơh broă tòm oh mi.

II Kôrintô 7:1

Ơ oh mi kòñ gơboh, bơh bol he neh gơs jơnau ho pơgon behơ̆, gen lơh goh tĕ jơh ală bơta ƀơ̆ ƀơl đah poac să mơ đah hwềng, ai bơta duh rngòt di Yàng Tom Trồ nàng lơh wil tơl bơta sàng goh.

Kôlôse 1:28

Bol he bơto yal bơh Kơnràñ mơ ai jơh ală bơta jak chài bơto tơngkah kòp nă cau, bơto sồr kòp nă cau nàng tơlik mat bol khai dô bă wil tơl tòm Bơtau Krist.

Kôlôse 4:12

Epapras cau gơp ƀòn oh mi dê, dĭ gơna Yàng Krist Jesu dê, còp să oh mi; khai bơh oh mi mơ òs tòmlơh tòm bơta hòi dan, nàng oh mi gơs bơta dòn kơ̆ nền mơ dòn bơr wil tơl jat nùs kòñ Yàng Tom Trồ dê.

I Tesalônika 3:10

Ngai mơ mang bol hi jơh nùs hòi dan nàng geh tòmtìp mat mơ oh mi, mơ lơh bềng tơl tòm bơta siơ̆u siar bơta dòn oh mi dê.

II Timôthe 3:17

tồ cau Yàng Tom Trồ dê geh wil tơl, mơ rcang sir wil tơl nàng lơh jơh ală broă niam.

Hebrơ 12:23

tus hơ Hìu Jum Goh ală kòn tơnhoa dê neh cih sơnđan mat hơđang trồ, tus hơ Yàng Tom Trồ la Kwang Cahrña tơl nă cau, tus hơ hwềng soàn ală cau song ring dê neh geh wil tơl,

Hebrơ 13:21

lơh oh mi in wil tơl tòm jơh ală broă niam nàng lơh jat nùs kòñ Kơnràñ dê, mơ kơnòm di Yàng Jesu Krist mơ lơh gơs bơta niam nùs Kơnràñ tòm oh mi. Dan bơta gơklŏ gơrê hơ Kơnràñ jơl tus sùm sùm ò lồi! Amen.

Hebrơ 6:1

Behơ̆, bol he pal lòi ing ală bơta ƀă liă tòm gùng duh khoai Bơtau Krist dê, mơ ntoat tus hơ bơta wil tơl, bañ bơtào wơl ală mơnàng tai, be bơta gơjrañ sang glài, bơh ală broă chơt, bơta dòn di Yàng Tom Trồ,

I Pier 5:10

Yàng Tom Trồ la Bơtau ai jơh ală bơta nđàc neh hòi sac ală oh mi tus hơ bơta gơklŏ gam sùm sùm Kơnràñ dê tòm Bơtau Krist, tơnơ̆ mơ tŭ oh mi neh kong bòl glar jê sồt dô êt jŏ, gen să tòm Kơnràñ rơp lơh oh mi in gơlik wil tơl, kơ̆ nền, mơ bơtơl pràn oh mi in.